ဧ့ၤဘြံၤ 13:1 - Sgaw Karen Common Bible

¹ တၢ်အဲၣ်ပုၢ်အဲၣ်ဝဲၢ်န့ၣ် မ်အအိၣ်တဘိယူၢ်ဃီတက့ၢ်.

ဧ့ၤဘြံၤ 13:1 Iomraidhean Croise

စံးထီၣ်ပတြၢၤ 133:1

ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံးဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ်တက့ၢ်.

လံာ်ယိၤဟၣ် 15:17

အအံၤမ့ၢ်တၢ်လၢယမၤလိာ်သုလီၤ. အဲၣ်လိာ်ကွံလိာ် သုသးတဂၤဒီးတဂၤတက့ၢ်.

မၤတၢ် 2:1

ဖဲဘူၣ်ယဲၢ်ဆံအမုၢ်နံၤတုၤဃီၤဝဲန့ၣ်, ပှၤစူၢ်က့ၤနာ်က့ၤတၢ်ခဲလၢာ်ပာ်ဖှိၣ်ထီၣ်အသးလၢတၢ်လီၢ် တပူၤဃီန့ၣ်လီၤ.

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 4:3

ဂုာ်ကျဲးစၢးအဂ့ၤကတၢၢ်လၢသုကဟံးဃာ်တၢ်သးတဖျၢၣ်ဃီ လၢယွၤအသးဟ့ၣ်လီၤသုခီဖျိတၢ်ဃူတၢ်ဖိးလၢအစၢဃာ်ဟံးဃာ် သုန့ၣ်တက့ၢ်.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

ဧ့ၤဘြံၤ 10:24

မ်ပကွၢ်တၢ်လၢတဂၤဒီးတဂၤအဂီၢ်ဒီးထိၣ်ဂဲၤလိာ်ပသးဒ်သိး ပကအိၣ်ဒီးတၢ်အဲၣ်တၢ်ကွံဒီးတၢ်မၤဂ့ၤတၢ်န့ၣ်တက့ၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.

၁ ပ့းတရူး 4:8

လၢတၢ်ခဲလၢာ်အဖီခိၣ်, အဲၣ်လိာ်ကွံလိာ်တံၢ်နီၢ်သုသးတဂၤဒီး တဂၤ, မ့ၢ်လၢတၢ်အဲၣ်တၢ်ကွံကျၢၢ်ဘၢတၢ်ဒဲးဘးအါမးအဃိန့ၣ် တက့ၢ် (ကူၣ်သ့ ၁၀:၁၂).

၂ ပ့းတရူး 1:7

လၢတၢ်အဲၣ်ထူအဲၣ်ယွၤအမဲာ်ညါပာ်ဖှိၣ်အါထီၣ်တၢ်အဲၣ် ပုၢ်အဲၣ်ဝဲၢ်, ဒီးလၢတၢ်အဲၣ်ပုၢ်အဲၣ်ဝဲၢ်အမဲာ်ညါပာ်ဖှိၣ်အါထီၣ် တၢ်အဲၣ်တၢ်ကွံတက့ၢ်.

၁ ယိၤဟၣ် 3:23

တၢ်လၢအဝဲမၤလိာ်မ့ၢ်အအံၤ, လၢပစူၢ်က့ၤနာ်က့ၤတၢ်လၢအဖိခွါယ့ၣ်ၡူးခရံာ်အမံၤအပူၤ, ဒီးအဲၣ်လိာ်ကွံလိာ်ပသးတဂၤဒီးတဂၤဒ်ခရံာ်မၤလိာ်တ့ၢ်ဝဲအသိးန့ၣ်လီၤ.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

လံာ်လီၣ်ဖျါ 2:4

ဘၣ်ဆၣ်ဒီး, ယပာ်တၢ်ကမၣ်လၢနလိၤတမံၤဒ်အံၤလီၤ. ခဲကနံၣ်အံၤနတအဲၣ်ယၤထဲသိးနအဲၣ်ယၤလၢညါန့ၣ်ဘၣ်.