ဧ့ၤဘြံၤ 12:29 - Sgaw Karen Common Bible

²⁹ အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.

ဧ့ၤဘြံၤ 12:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:9

မ့ၣ်အူလုၣ်ဟဲခုၣ်ထီၣ်လၢအနါဒ့တဖၣ်အပူၤ, မ့ၣ်အူအီၣ်ဂီၤတၢ်ဒီးမ့ၣ်အူအ့ၣ်ကဲၤကဖးဟဲထီၣ်လၢအထးခိၣ် အပူၤလီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 97:3

မ့ၣ်အူလဲၤတၢ်လၢအမဲာ်ညါ, ဒီးအီၣ်ဂီၤကွံာ် အဒုၣ်အဒါအိၣ်ဝးတရံးအီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 15:7

နမၤနၢၤကွံာ်နဒုၣ်နဒါတဖၣ်လၢနတၢ်ကဟုကညီၢ်အတၢ်မၤနၢၤလီၤ. နတၢ်သးဒိၣ်ကပျီၤထီၣ်ဝဲဒီးအီၣ်ကွံာ်အဝဲသ့ၣ်ခဲလၢာ်ဒ်ဘုလီၢ် အသိးလီၤ.

လံာ်တၢ်ဟးထီၣ်ကွံာ် 24:17

တၢ်အၢၣ်လုၣ်ဘၢကစၢၢ်န့ၣ်လၢဃုသီအတီၢ်ပူၤဒီးလၢနွံသီတသီ န့ၣ်ယွၤကိးထီၣ်စီၤမိၤၡ့လၢတၢ်အၢၣ်အပူၤန့ၣ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယံးရမံယၤ 25:37

ဒီးလၢယွၤအတၢ်သးကဲၤထီၣ်အဃိန့ၣ်, ဒုးအိၣ်လီၤတဲာ်သုထံ သုကီၢ်လၢ အမုာ်ဝဲခုၣ်ဝဲန့ၣ်လၢ တၢ်ဟးဂူာ်ဟးဂီၤအပူၤ, အဃိန့ၣ်လီၤ.

လံာ်ယဃ့းစက့လး 38:19

လၢယတၢ်သးဒိၣ်ကဲၤထီၣ်အပူၤန့ၣ်ယဘိးဘၣ်သ့ၣ်ညါလၢ ဖဲမုၢ်နံၤအဝဲန့ၣ်, ဟီၣ်ခိၣ်ကဟူးဒိၣ်ဒိၣ်ကလဲာ်လၢကီၢ်အံၣ်စရ့လး အပူၤန့ၣ်လီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်တၢ်ဂံၢ် 11:1

ဒီးပှၤဂီၢ်မုၢ်စးထီၣ်ကဒူးကဒ့ၣ်တၢ်ဆူယွၤအအိၣ်ဘၣ်ဃးဒီးအဝဲ သ့ၣ်အတၢ်ကိၢ်တၢ်ဂီၤတဖၣ်အဂ့ၢ်လီၤ. ဖဲယွၤနၢ်ဟူအဝဲသ့ၣ်ဒီးအဝဲသးဒိၣ်ထီၣ်ဒီးဆှၢလီၤမ့ၣ်အူ လၢပှၤဂီၢ်မုၢ်အဖီခိၣ်န့ၣ်လီၤ. မ့ၣ်အူအီၣ်တၢ်လၢအဝဲသ့ၣ်အကျါဒီးမၤဟးဂီၤကွံာ်တၢ်သူၣ်ဒဲ အလီၢ်တကပၤလီၤ.

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

ဧ့ၤဘြံၤ 10:27

မ့မ့ၢ်အိၣ်တ့ၢ်ဒၣ်ထဲတၢ်အိၣ်ခိးကွၢ်လၢ်, လၢတၢ်ပျံၤတၢ်ဖုးအပူၤ, တၢ်စံၣ်ညီၣ်လၢအကဟဲဝဲဒီးမ့ၣ်အူဖးဒိၣ်လၢအကအီၣ်ကွံာ် ကစၢ်ယွၤအဒုၣ်အဒါတဖၣ်န့ၣ်လီၤ.

ဧ့ၤဘြံၤ 10:31

တၢ်လီၤနုာ်ဘၣ်ဆူ ကစၢ်ယွၤလၢအမူဝဲတဂၤအစုပူၤန့ၣ်, မ့ၢ်တၢ်လၢအလီၤပျံၤလီၤဖုးဒိၣ်မးလီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.