ဧ့ၤဘြံၤ 12:28 - Sgaw Karen Common Bible

²⁸ လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

ဧ့ၤဘြံၤ 12:28 Iomraidhean Croise

စံးထီၣ်ပတြၢၤ 19:14

မ်ယထးခိၣ်အတၢ်ကတိၤ ဒီးယသးအတၢ်ဆိကမိၣ်န့ၣ် ဘၣ်နသးတက့ၢ်. ယလၢၢ်ဒီးတၢ်ပှ့ၤက့ၤယၤ, ယွၤဧၢ.

စံးထီၣ်ပတြၢၤ 2:11

မၤယွၤအတၢ်ဒီးတၢ်ပျံၤယွၤ, အိၣ်ဒီးတၢ်ကနိးကစုာ်

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

တၢ်ကတိၤဒိ. 28:24

ပှၤတဂၤလၢ်လၢ်လၢအဆိကမိၣ်ဝဲလၢတၢ်ဟုၣ်အမိၢ်အပၢ်အတၢ်တမ့ၢ်ဘၣ် တၢ်ကမၣ်န့ၣ်, မ့ၢ်ပှၤဒီတံၤဒီသကိးဒီးတၢ်ဘျၣ်လၢအဟုၣ်ညီနုၢ်တၢ်န့ၣ်လီၤ.

လံာ်ယၡါယၤ 56:7

“ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်လူၤကၣ် 1:33

ဒီးအဝဲဒၣ်ကကဲထီၣ်စီၤယၤကိာ်အစၢၤအသွဲၣ်တဖၣ်အစီၤပၤလီၤ ထူလီၤယိာ်ဒီးအဘီအမုၢ်တကတၢၢ်ဝဲနီတစုဘၣ်လီၤ.”

ရိမ့ၤ 11:20

အဝဲအံၤမ့ၢ်တၢ်မ့ၢ်တၢ်တီလီၤ. အဝဲသ့ၣ်ဘၣ်တၢ်မၤကၢ်ကွံာ်အီၤမ့ၢ်လၢအတနာ်တၢ်အဃိ, မ့မ့ၢ်နအိၣ်ဂၢၢ်ဆိးကျၢၤနဲမ့ၢ်လၢနနာ်တၢ်အဃိလီၤ. ဘၣ်ဆၣ်ဒီးတဘၣ်ပာ်ကဖၢလၢနသးလၢတၢ်ဂ့ၢ်အံၤတဂ့ၤ. မ့မ့ၢ်တခီ, ပျံၤတၢ်တက့ၢ်.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

အ့းဖ့းစူး 5:10

ကျဲးစၢးမၤလိန့ၢ်တၢ်လၢအဘၣ်ကစၢ်ယွၤအသးန့ၣ်တက့ၢ်.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ဧ့ၤဘြံၤ 10:19

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ပအိၣ်ဒီးတၢ်သဘျ့အလၢအပှဲၤလၢပကလဲၤနုာ်ဘၣ်ဆူတၢ်လီၢ် စီဆှံကတၢၢ်အပူၤခီဖျိယ့ၣ်ၡူးအတၢ်သံန့ၣ်လီၤ.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.

၁ ပ့းတရူး 2:20

သုမ့ၢ်တူၢ်တၢ်ဒိတၢ်တီၢ်သုလၢသုကြၢးတူၢ်ဝဲမ့ၢ်လၢသုမၤ ကမၣ်တၢ်အဃိန့ၣ်, တၢ်ဘျုးမနုၤအိၣ်န့ၣ်လဲၣ်. ဘၣ်ဆၣ်ဒီးသုမ့ၢ်တူၢ်တၢ်နးတၢ်ဖှီၣ်လၢတၢ်သးစူၤအပူၤဖဲသု မၤတၢ်အဘၣ်အခါဒၣ်လဲာ်န့ၣ်, ကစၢ်ယွၤကဆိၣ်ဂ့ၤသုလၢ တၢ်အံၤအဃိလီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”