ဧ့ၤဘြံၤ 12:27 - Sgaw Karen Common Bible

²⁷ တၢ်ကတိၤလၢအစံးဝဲ, “ကဒီးတဘျီ,” လီၣ်ဖျါထီၣ်ဝဲဖျိဖျိဖျါဖျါလၢတၢ်ဘၣ်တ့တဖၣ်ကဘၣ်တၢ်မၤဟူး မၤဝးအီၤဒီးသုးကွံာ်အီၤဒ်သိးတၢ်လၢတၢ်မၤဟူးဝးအီၤ တသ့တဖၣ်ကအိၣ်တ့ၢ်ဝဲအဂီၢ်န့ၣ်လီၤ.

ဧ့ၤဘြံၤ 12:27 Iomraidhean Croise

လံာ်ယၡါယၤ 34:4

မုၢ်, လါ, ဒီးဆၣ်တဖၣ်ကလီၤကလဲကွံာ်ဒီးကဲထီၣ်ဖၣ်ဆါန့ၣ် လီၤ. မူကပိာ်လိၤကလီၤမၢ်ကွံာ်ဒ်လံာ်ထူတထူဘၣ်တၢ်ထူထီၣ် အီၤအသိး, ဒီးဆၣ်တဖၣ်ကလီၤဆှု ဝဲဒ်သ့ၣ်လၣ်တဖၣ်လီၤဆှုကွံာ်လၢစပံးမုၢ်တမုၢ်, မ့တမ့ၢ်, ချၢၣ်ဒၢတထူၣ်အလိၤအသိး န့ၣ်လီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 65:17

ယွၤစံးဝဲ, “ယတ့လီၤဟီၣ်ခိၣ်အသီဒီးမူခိၣ်အသီလီၤ. တၢ်လၢအမၤတ့ၢ်အသးလၢအပူၤကွံာ်တဖၣ်ကဘၣ်တၢ်သး ပ့ၤနီၣ်ကွံာ်အီၤလၢာ်လၢာ်ဆ့ဆ့န့ၣ်လီၤ.

လံာ်ယၡါယၤ 66:22

ဒ်ဟီၣ်ခိၣ်အသီဒီးမူခိၣ်အသီအိၣ်ဂၢၢ်အိၣ်ကျၢၤဝဲလၢယတၢ်စိ တၢ်ကမီၤအဃိအသိးန့ၣ်, သုစၢၤသုသွဲၣ်တဖၣ်ဒီးသုမံၤကအိၣ် ဂၢၢ်ဆိးကျၢၤဝဲလီၤ.

လံာ်ယဃ့းစက့လး 21:27

တၢ်ဟးဂူာ်ဟးဂီၤ, တၢ်ဟးဂူာ်ဟးဂီၤ, မ့ၢ်လီၤ. ယကဒုးကဲထီၣ်ဝ့ၢ်ဆူတၢ်ဟးဂီၤတမံၤန့ၣ်လီၤ. ဘၣ်ဆၣ်တၢ်အံၤတချုးဒံးလၢပှၤတဂၤလၢယဃု ထၢအီၤလၢကမၤဟးဂီၤဝ့ၢ်အံၤဟဲတုၤဒံးဘၣ်န့ၣ်တမၤ ဘၣ်အသးဘၣ်. အန့ၣ်ဝံၤဒီးယကဟ့ၣ်လီၤအီၤဆူအဝဲ အစုပူၤန့ၣ်လီၤ.

လံာ်ဃးကဲ 2:21

လၢကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လးအဂီၢ်လီၤ. “ယကမၤဟူးမၤဝးမူခိၣ်ဒီးဟီၣ်ခိၣ်,

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

ရိမ့ၤ 8:21

လၢမုၢ်ကအိၣ်ဝဲတနံၤဖဲတၢ်ဘၣ်တ့ကဘၣ်တၢ်မၤထူၣ်ဖျဲးထီၣ် ကွံာ်အီၤလၢတၢ်ကဲကုၢ်လၢတၢ်ဟးဂူာ်ဟးဂီၤအဖီလာ်, ဒီးကန့ၢ်သါဃုာ်ကစၢ်ယွၤအဖိတဖၣ်အတၢ်သဘျ့လၢ အလၢအပှဲၤဒီးတၢ်လၤကပီၤန့ၣ်လီၤ.

1 ကရံၣ်သူး 7:31

ပှၤလၢအမၤတၢ်ဘၣ်ထွဲဒီးအအံၤတဃၣ်အတၢ်ဖိတၢ်လံၤ တဖၣ်, ဒ်အတၢ်ဘၣ်ထွဲတအိၣ်ဒီးအီၤလၢာ်လၢာ်ဆ့ဆ့အသိး န့ၣ်လီၤ. အဂ့ၢ်ဒ်အံၤ, ဟီၣ်ခိၣ်တဘ့ၣ်အံၤဒ်အအိၣ်ဝဲခဲကနံၣ်အံၤ အသိးန့ၣ်, တအိၣ်ကၢအိၣ်ခိးဝဲယံာ်ယံာ်လၢၤဘၣ်.

ဧ့ၤဘြံၤ 1:10

အဝဲစံးစ့ၢ်ကီးဝဲ, “ကစၢ်ဧၢ, လၢထံးလၢသီန့ၣ်နတ့လီၤဟီၣ်ခိၣ် ဒီးလၢနစုဒၣ်နဲနဒုးအိၣ်ထီၣ်မူခိၣ်တဖၣ်န့ၣ်လီၤ.

ဧ့ၤဘြံၤ 13:14

အဂ့ၢ်ဒ်လဲၣ်န့ၣ်, လၢဟီၣ်ခိၣ်အံၤဝ့ၢ်လၢအအိၣ်လီၤထူလီၤယိာ်လၢပဂီၢ် တအိၣ်ဘၣ်. မ့မ့ၢ်ပဃုဝ့ၢ်လၢအကဟဲအိၣ်ထီၣ်ဆူညါတဖျၢၣ်န့ၣ်လီၤ.

ဧ့ၤဘြံၤ 9:11

ဘၣ်ဆၣ်ဒီးခရံာ်ဟဲတ့ၢ်လံဝဲဒ်တၢ်အဂ့ၤလၢအအိၣ်တ့ၢ်လံဝဲ ဖဲအံၤအပှၤလုၢ်တၢ်အခိၣ်အဒိၣ်ကတၢၢ်တဂၤအသိးန့ၣ်လီၤ. အဝဲမၤတၢ်လၢဒဲလၢဒိၣ်ဒၣ်တၢ်တက့ၢ်ဒီးလၢ ပှဲၤဝဲဒိၣ်ဒၣ်တၢ်တက့ၢ်လၢအတဘၣ်တၢ်ဘှီအီၤလၢပှၤအစု ဘၣ်အပူၤ, ဒ်ပစံးတၢ်အသိး တဘၣ်ဃးဘၣ်ဒီးတၢ်လၢတၢ် တ့အီၤဖဲဟီၣ်ခိၣ်အံၤဘၣ်န့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 21:1

တၢ်န့ၣ်ဝံၤအလီၢ်ခံယထံၣ်မူခိၣ်အသီ ဒီးဟီၣ်ခိၣ်အသီလီၤ. မူခိၣ်လၢအခီၣ်ထံး, ဒီးဟီၣ်ခိၣ်လၢအခီၣ်ထံးဟါမၢ်ကွံာ်ဝဲ, ဒီးပီၣ်လဲၣ်ဟါမၢ်ကွံာ်ဝဲဒၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်လီၣ်ဖျါ 21:5

အန့ၣ်ဝံၤအလီၢ်ခံပှၤတဂၤလၢအဆ့ၣ်နီၤလၢလီၢ်ပစိာ် အဖီခိၣ်စံးဝဲ, “ဒီးခဲကနံၣ်အံၤ ယမၤတၢ်အသီခဲလၢာ် လီၤ.” အဝဲဒၣ်စံးဘၣ်စ့ၢ်ကီးယၤ, “ကွဲးတၢ်အံၤ တက့ၢ်. အဂ့ၢ်ဒ်အံၤ တၢ်စံးတၢ်ကတိၤတဖၣ်အံၤမ့ၢ်ဝဲတီဝဲဒီး တၢ်နာ်န့ၢ်အီၤသ့ဝဲဒၣ်လီၤ.”