ဧ့ၤဘြံၤ 12:25 - Sgaw Karen Common Bible

²⁵ ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 12:25 Iomraidhean Croise

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:19

ဘၣ်ဆၣ်ဒီး, နၤဒီးနပှၤဂီၢ်မုၢ်မ့ၢ်တစူၢ်ဘၣ်ဖုး, တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယဟ့ၣ်လီၤ တ့ၢ်နၤ, ဒီးဘူၣ်ထီၣ်ဘါထီၣ်ကစၢ်အဂုၤအဂၤန့ၣ်,

လံာ်တၢ်ဟးထီၣ်ကွံာ် 16:29

သ့ၣ်နီၣ်ထီၣ်ယၤ, ယွၤအံၤဟ့ၣ်တ့ၢ်သုမုၢ်တနံၤလၢတၢ်အိၣ်ဘှံး အဂီၢ်သတးဒီး, လၢဃုနံၤတနံၤန့ၣ်ယကဟ့ၣ်သုတၢ်အီၣ်, လၢဝဲလၢခံသီအဂီၢ်န့ၣ်လီၤ. ပှၤကိးဂၤဒဲးကဘၣ်အိၣ်, ဖဲအအိၣ်ဝဲအလီၢ်လၢမုၢ်နွံနံၤတနံၤန့ၣ်ဒီးတဘၣ်ဟးထီၣ်လၢ အဟံၣ်ပူၤဘၣ်.”

လံာ်တၢ်ဟးထီၣ်ကွံာ် 20:22

ဒီးယွၤမၤလိာ်စီၤမိၤၡ့လၢကစံးဘၣ်ပှၤအံၣ်စရ့လးဖိတဖၣ်, “သုထံၣ်တ့ၢ်ယၤ, ယွၤ, ကတိၤတၢ်ဒီးသုလၢမူခိၣ်ဒ်လဲၣ်န့ၣ်လီၤ.

တၢ်ကတိၤဒိ. 1:24

ယကိးတ့ၢ်သုဒီးကွဲသုလၢသုကဟဲ, ဘၣ်ဆၣ်သုတဒိကနၣ်ဘၣ်. သုတကနၣ်ဃုာ်ယၤဘၣ်.

တၢ်ကတိၤဒိ. 1:32

ပှၤလၢအတၢ်လဲၤခီဖျိစှၤတဖၣ်သံဝဲလီၤ. အဂ့ၢ်ဒ်အံၤ, အဝဲသ့ၣ်ဂ့ၢ်လိာ်တၢ်ကူၣ်သ့အဃိန့ၣ်လီၤ. ပှၤအသးတဆးတဖၣ်ဘၣ်တၢ်မၤဟးဂီၤအီၤလၢအတၢ်သးအိၣ် သးစဲတအိၣ်ဒၣ်ဝဲအဃိလီၤ.

တၢ်ကတိၤဒိ. 13:18

ပှၤတဂၤလၢအတမၤလိတၢ်ဘၣ်န့ၣ်, ကဖှီၣ်လီၤယာ်လီၤဝဲဒီးကဘၣ် တၢ်မဲာ်ဆှးလီၤ. မ့မ့ၢ်ပှၤတဂၤလၢ်လၢ်လၢအဒိကနၣ်တၢ်သိၣ်က့ၤသီ က့ၤအီၤန့ၣ်, ဘၣ်တၢ်ယူးယီၣ်ပာ်ကဲအီၤလီၤ.

တၢ်ကတိၤဒိ. 15:32

နမ့ၢ်တအဲၣ်ဒိးမၤလိမၤဒိးတၢ်ဘၣ်ဒီး, နမၤဘၣ်ဒိဆါလီၤနသးဒၣ်နဲလီၤ. နမ့ၢ်တူၢ်လိာ်တၢ်သိၣ်က့ၤသီက့ၤနၤဒီး, နကကဲထီၣ်ပှၤကူၣ်သ့ဂ့ၤန့ၣ်အလီၢ်တက့ၢ်လီၤ.

တၢ်ကတိၤဒိ. 8:33

ဒိတနၣ်တၢ်လၢတၢ်သိၣ်လိတ့ၢ်သုန့ၣ်တက့ၢ်. ကွၢ်ကပာ်ကွံာ်အီၤတဂ့ၤ. ကဲထီၣ်ပှၤကူၣ်တၢ်သ့တက့ၢ်.

လံာ်ယၡါယၤ 48:6

ကယဲၢ်တၢ်လၢယတဲဆိပာ်စၢၤတဖၣ်, ခဲအံၤမၤအသးလံ. သုကဘၣ်အၢၣ်လီၤလၢယတၢ်ကတိၤဆိပာ်စၢၤတဖၣ်မ့ၢ်တၢ်အဘၣ်လီၤ. ခဲအံၤ, ယကတဲဘၣ်သုတၢ်အသီတဖၣ်လၢအကဟဲ, တၢ်မၤအသးတဖၣ်, လၢယတလီၣ်ဖျါတ့ၢ်အီၤလၢညါဘၣ်န့ၣ်လီၤ.

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယဃ့းစက့လး 5:6

ဘၣ်ဆၣ်, ဝ့ၢ်ယရူၤရှလ့ၣ်ပူထီၣ်တၢ်ထီဒါယတၢ်မၤလိာ်တဖၣ်ဒီးဒုး နဲၣ်အသးလၢအအၢအသီဒိၣ်န့ၢ်ဒံးပှၤကလုာ်အဂၤတဖၣ်တက့ၢ်, တစူၢ်တၢ်ဒိၣ်န့ၢ်ဒံးထံကီၢ်အိၣ်ဝးတရံးအီၤတက့ၢ်န့ၣ်လီၤ. ဝ့ၢ်ယရူၤရှလ့ၣ်ညိကွံာ်ယတၢ်မၤလိာ်တဖၣ်ဒီးတလဲၤတၢ်လၢယတၢ်သိၣ် တၢ်သီတဖၣ်အပူၤဘၣ်.

လံာ်စကၤရယၤ 7:11

ဘၣ်ဆၣ်ယပှၤဂီၢ်မုၢ်ဂ့ၢ်လိာ်ဒိကနၣ်တၢ်အံၤလၢတၢ်ခိၣ်ကိၤအပူၤလီၤ. အဝဲသ့ၣ်ကးတံာ်အသးတဖၣ်,

လံာ်တၢ်ဂံၢ် 32:15

သုဝဲပှၤဂီၢ်မုၢ်လၢရူၤဘ့ၣ်ဒီးကးအဒူၣ်မ့ၢ်ဂ့ၢ်လိာ်တၢ်လၢသု ကပိာ်အခံခဲအံၤဒီး, အဝဲကညိကွံာ်ကဒီးပှၤဂီၢ်မုၢ်အံၤတဘျီလၢပှၢ်မုၢ်ကနၢအပူၤဒီး သုကဘၣ်ဟံးန့ၢ်မူဒါလၢအဝဲသ့ၣ်အတၢ်ဟးဂူာ်ဟးဂီၤအဂီၢ်န့ၣ် လီၤ.”

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

မၤတၢ် 7:35

စီၤမိၤၡ့မ့ၢ်ပှၤတဂၤဃီလၢအဘၣ်တၢ်ညိကွံာ်အီၤလၢပှၤ အံၣ်စရ့လးဖိခီဖျိတၢ်ကတိၤလၢအစံးဝဲ, ‘မ့ၢ်မတၤတဂၤဟ့ၣ်စိဟ့ၣ်ကမီၤနၤလၢနကပၢဘၣ်ဒီးစံၣ်ညီၣ်ပဝဲ ဒၣ်အံၤန့ၣ်လဲၣ်’ လီၤ. အဝဲမ့ၢ်ပှၤတဂၤဃီလၢကစၢ်ယွၤမၢလီၤအီၤလၢအကပၢဘၣ်ပှၤဂီၢ် မုၢ်ဒီးမၤထူၣ်ဖျဲးထီၣ်အီၤခီဖျိကလူးလၢအလီၣ်ဖျါထီၣ်အသး လၢတပှီာ်လၢမ့ၣ်အူအီၣ်အီၤတလိၣ်အပူၤတဂၤအတၢ်မၤစၢၤအီၤန့ၣ် လီၤ.

လံာ်သိၣ်လီၤသီလီၤတၢ် 18:19

အဝဲကကတိၤတၢ်လၢယမံၤအပူၤ, ဒီးယကစံၣ်ညီၣ်ပှၤတဂၤလၢ်လၢ်လၢ အဂ့ၢ်လိာ်လၢကစူၢ်အီၤန့ၣ်လီၤ.

လံာ်သိၣ်လီၤသီလီၤတၢ် 30:17

မ့မ့ၢ်သုမ့ၢ်တစူၢ်ဒီးဂ့ၢ်လိာ်လၢသုကဒိကနၣ်အီၤ, ဒီးဟးဖျိးကွံာ်လၢတၢ်ဘူၣ်ထီၣ်ဘါထီၣ်ကစၢ်အဂၤတဖၣ်ဒီး,

လံာ်သိၣ်လီၤသီလီၤတၢ် 4:36

အဝဲပျဲသုနၢ်ဟူဘၣ်အကလုၢ်လၢမူခိၣ်ဒ်သိးအဝဲသိၣ်သီနဲၣ်ယုၤ သုကသ့ဝဲန့ၣ်လီၤ. ဒီးဖဲအံၤလၢဟီၣ်ခိၣ်ချၢအံၤန့ၣ်အဝဲပျဲသုထံၣ်ဘၣ်အမ့ၣ်အူ စီဆှံ, ဒီးအဝဲကတိၤတၢ်ဒီးသုလၢတၢ်န့ၣ်အပူၤလီၤ.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

၂ တံၤမသ့း 4:4

အဝဲသ့ၣ်ကဃၣ်ကွံာ်အသးလၢတၢ်ဒိကနၣ်တၢ်မ့ၢ်တၢ်တီဒီးအသးကစၢၢ် ဆၢလၢပူတဖၣ်လၢပှၤကညီဒုးကဲထီၣ်အီၤန့ၣ်လီၤ.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ဧ့ၤဘြံၤ 12:19

ဒီးကွဲၤအသီၣ်ဒီးတၢ်ကတိၤအသီၣ်န့ၣ်ဘၣ်. တၢ်အသီၣ်အံၤဖဲပှၤနၢ်ဟူ အီၤန့ၣ်, ပှၤဃ့ကညးဝဲလၢအသုတနၢ်ဟူဘၣ်လၢၤဝဲတဂ့ၤန့ၣ်လီၤ.

ဧ့ၤဘြံၤ 3:12

ယဒီပုၢ်ဝဲၢ်သ့ၣ်ဧၢ, ပလီၢ်သုသးဒ်သိးပှၤလၢသုကျါအသုတအိၣ်ဒီးသးလၢ အအၢဝဲဒီးအတစူၢ်တနာ်ဘၣ်တၢ်တုၤအကဃၣ်ကွံာ်အသး လၢကစၢ်ယွၤလၢအမူဝဲဒီးဟ့ၣ်တၢ်မူတဂၤအအိၣ်နီတဂၤ တဂ့ၤအဂီၢ်န့ၣ်တက့ၢ်.

ဧ့ၤဘြံၤ 3:17

ပှၤလၢအဘၣ်ကစၢ်ယွၤအတၢ်သးထီၣ်လၢအနံၣ်လွံၢ်ဆံအတီၢ်ပူၤ န့ၣ်မ့ၢ်မတၤတဖၣ်လဲၣ်. မ့ၢ်ပှၤလၢအမၤတၢ်ဒဲးဘးဒီးလီၤဃံၤသံဝဲ လၢပှၢ်မုၢ်ကနၢအပူၤတဖၣ်တမ့ၢ်ဘၣ်ဧါ.

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”

လံာ်စီၤယိၤၡူ 22:15

အဝဲသ့ၣ်ဟဲတုၤဝဲလၢကီၢ်ကံးလဧးလၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအအိၣ်

လံာ်စီၤယိၤၡူ 22:16

ဒီးကတိၤတၢ်လၢယွၤအပှၤဂီၢ်မုၢ်ခဲလၢာ်အခၢၣ်စးဒီးစံးဝဲဒၣ်, “ဘၣ်မနုၤအဃိသုမၤတၢ်အၢတမံၤအံၤထီဒါအံၣ်စရ့လး အကစၢ်ယွၤန့ၣ်လဲၣ်. သုပူထီၣ်ယွၤခီဖျိသုဘှီထီၣ်တၢ်လုၢ်လီၢ်အံၤလၢ သုဂီၢ်ဒၣ်ဝဲန့ၣ်လီၤ. သုတပိာ်လၢၤအခံဘၣ်န့ၣ်လီၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.

လံာ်လီၣ်ဖျါ 22:9

ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ. ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤဒ်နၤဒီးနဒီပုၢ်ဝဲၢ်, ဝံတဖၣ်, ဒီးကယဲၢ်ပှၤသ့ၣ်တဖၣ်လၢအစူၢ်တၢ်စံးတၢ်ကတိၤ တဖၣ်လၢလံာ်တဘ့ၣ်အံၤအပူၤန့ၣ်လီၤ. ဘူၣ်ထီၣ်ဘါထီၣ် ကစၢ်ယွၤတက့ၢ်.”