ဧ့ၤဘြံၤ 12:24 - Sgaw Karen Common Bible

²⁴ ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 12:24 Iomraidhean Croise

လံာ်တၢ်ကဲထီၣ်အခီၣ်ထံး 4:10

ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်တၢ်ဟးထီၣ်ကွံာ် 24:8

အန့ၣ်ဝံၤဒီးစီၤမိၤၡ့ဟံးန့ၢ်တၢ်သွံၣ်လၢလီခီတဖၣ်အပူၤ ဒီးဖှံလီၤဝဲလၢပှၤဂီၢ်မုၢ်အလိၤန့ၣ်လီၤ. ဒီးစံးဝဲဒၣ်, “အအံၤမ့ၢ်တၢ်သွံၣ်လၢအစဲပနီၣ်တၢ်အၢၣ်လီၤအီ လီၤလၢယွၤမၤတ့ၢ်ဒီးသုဖဲအဝဲဟ့ၣ်လီၤတၢ်မၤလိာ်တဖၣ်အံၤ အကတီၢ်န့ၣ်လီၤ.”

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

လံာ်မၢ်ကူး 14:24

ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

လံာ်လူၤကၣ် 11:51

လၢတၢ်မၤသံစီၤဟ့းဘ့းလးတုၤလီၤလၢတၢ်မၤသံစီၤစကၤ ရယၤလၢအဘၣ်တၢ်မၤသံအီၤလၢတၢ်လုၢ်လီၢ်ဒီးတၢ်လီၢ်စီဆှံ အဘၢၣ်စၢၤန့ၣ်လီၤ. မ့ၢ်လီၤ. ယစံးဘၣ်တဲဘၣ်သု, ပှၤတစိၤအံၤကဘၣ်တၢ်စံၣ်ညီၣ်အီၤလၢအဝဲသ့ၣ်တဖၣ်ခဲလၢာ်အဃိလီၤ.

လံာ်လူၤကၣ် 22:20

ဒ်န့ၣ်အသိး, ဖဲအအီၣ်တၢ်လၢဟါအီၣ်ဝံၤန့ၣ်, အဝဲဒၣ်ဟ့ၣ်လီၤအဝဲသ့ၣ်လၢလီခီဒီးစံးဝဲ, “လီခီအံၤမ့ၢ်ကစၢ်ယွၤအတၢ်အၢၣ်လီၤအီလီၤအသီလၢ အဘၣ်တၢ်စဲပနီၣ်ဃာ်အီၤလၢယသွံၣ်, လၢအဘၣ်တၢ်လူလီၤဂၢ်လီၤအီၤလၢသုဂီၢ်န့ၣ်လီၤ.

ကလၤတံ 3:20

ဘၣ်ဆၣ် ပှၤမ့ၢ်အိၣ်ဒၣ်ထဲတဂၤဧိၤန့ၣ်, ပှၤတၢ်ဘၢၣ်စၢၤဖိအလီၢ် တအိၣ်ဘၣ်. ဒီးကစၢ်ယွၤမ့ၢ်ဒၣ်ပှၤတဂၤဧိၤန့ၣ်လီၤ.

၁ တံၤမသ့း 2:5

အဂ့ၢ်ဒ်အံၤကစၢ်ယွၤအိၣ်တဂၤ, ဒီးပှၤအိၣ်ဝဲတဂၤလၢအမၤဃူလိာ်ဖိးလိာ်က့ၤယွၤဒီး ပှၤကညီဒီးအဝဲဒၣ်မ့ၢ်ပှၤကညီ, ယ့ၣ်ၡူးခရံာ်,

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 7:22

အန့ၣ်ဒီးတၢ်လီၤဆီအံၤဒုးကဲထီၣ်စ့ၢ်ကီးယ့ၣ်ၡူးလၢတၢ် အၢၣ်လီၤအီလီၤလၢအဂ့ၤဒိၣ်ဒၣ်တၢ်တက့ၢ်အတၢ်အုၣ်ကီၤ န့ၣ်လီၤ.

ဧ့ၤဘြံၤ 8:13

ခီဖျိအကတိၤတၢ်ဘၣ်ဃးဒီးအတၢ်အၢၣ်လီၤအီလီၤအသီ န့ၣ်ကစၢ်ယွၤဒုးကဲတၢ်အၢၣ်လီၤအခီၣ်ထံးတခါလၢတၢ်လၢ အလီၢ်လံၤကွံာ်လံန့ၣ်လီၤ. ဒီးတၢ်လၢအလီၢ်လံၤကွံာ်ဒီးပှၢ်ထီၣ်လံန့ၣ်, ဘူးထီၣ်လၢကလီၤမၢ်ကွံာ်ဝဲန့ၣ်လီၤ.

ဧ့ၤဘြံၤ 8:6

ဘၣ်ဆၣ်ဒီးခဲအံၤယ့ၣ်ၡူးဘၣ်တၢ်ဟ့ၣ်လီၤအီၤလၢပှၤလုၢ် တၢ်အခိၣ်အတၢ်ဖံးတၢ်မၤလၢအဂ့ၤဒိၣ်န့ၢ်အဝဲသ့ၣ်အတၢ်မၤ တက့ၢ်, ဒ်သိးဒၣ်တၢ်အၢၣ်လီၤအီလီၤလၢအဝဲဒုးအိၣ်ထီၣ်ဝဲလၢ ကစၢ်ယွၤဒီးအပှၤဂီၢ်မုၢ်အဘၢၣ်စၢၤမ့ၢ်တၢ်လၢအဂ့ၤဒိၣ်ဒၣ် တၢ်တက့ၢ်, မ့ၢ်လၢအသူၣ်လီၤအသးလၢတၢ်စံးပာ်တဖၣ်လၢ အဘၣ်ဃးဒီးတၢ်ဂ့ၤဒိၣ်ဒၣ်တၢ်တဖၣ်အဖီခိၣ်အဃိန့ၣ်လီၤ.

ဧ့ၤဘြံၤ 8:8

ယွၤပာ်တၢ်ကမၣ်လၢအဝဲသ့ၣ်အလိၤဖဲအစံးဝဲ, “မုၢ်နံၤတဖၣ်ကဟဲဝဲ, ယွၤစံးဝဲဒၣ်, ဖဲယကဒုးအိၣ်ထီၣ်တၢ်အၢၣ်လီၤအီလီၤအသီဒီးအံၣ်စရ့လး အပှၤဂီၢ်မုၢ်ဒီးလၢယူဒၤအပှၤဂီၢ်မုၢ်,

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.

ဧ့ၤဘြံၤ 9:21

အဝဲဖှံစ့ၢ်ကီးဒဲစီဆှံဒီးတၢ်အပီးအလီခဲလၢာ်လၢအဘၣ် တၢ်သူအီၤလၢတၢ်ဘူၣ်ထီၣ်ဘါအပူၤလၢတၢ်အသွံၣ်ဒ်န့ၣ် အသိးလီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.