ဧ့ၤဘြံၤ 12:23 - Sgaw Karen Common Bible

²³ ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,

ဧ့ၤဘြံၤ 12:23 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

စံးထီၣ်ပတြၢၤ 111:1

စံးထီၣ်ပတြၢၤယွၤတက့ၢ်. ယကစံးဘျုးယွၤလၢယသးဒီဖျၢၣ်ညါ လၢအပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ.

စံးထီၣ်ပတြၢၤ 69:28

မ်အမံၤဘၣ်တၢ်တြူာ်ကွံာ်အီၤလၢလံာ်မူအပူၤတက့ၢ်. မ်အသုတအိၣ်ကွဲးလီၤအသးလၢ ပှၤအတီအလိၤတဖၣ်အကျါတဂ့ၤ.

စံးထီၣ်ပတြၢၤ 89:27

ဒီးယကပာ်အီၤလၢယဖိခွါဝဲၢ်ကိ, ပှၤအဒိၣ်ကတၢၢ်လၢ စီၤပၤခဲလၢာ်အကျါန့ၣ်လီၤ.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 94:2

နမ့ၢ်ပှၤခဲလၢာ်အပှၤစံၣ်ညီၣ်ကွီၢ်လီၤ. ဂဲၤထၢၣ်ဒီးဟ့ၣ်ပှၤပာ်ထီၣ်ထီအသး လၢတၢ်လၢအကြၢးဒိးန့ၢ်ဘၣ်ဝဲဒၣ်န့ၣ်တက့ၢ်.

စံးထီၣ်ပတြၢၤ 96:13

အဝဲသ့ၣ်ကသးဝံၣ်တၢ်လၢ ယွၤအမဲာ်ညါ လၢအဝဲဟဲဝဲအဃိ, အဝဲဟဲဝဲဒ်သိးကစံၣ်ညီၣ်ဟီၣ်ခိၣ်လီၤ. အဝဲကစံၣ်ညီၣ်ဟီၣ်ခိၣ်လၢတၢ်တီတၢ်လိၤအပူၤ ဒီးပှၤဂီၢ်မုၢ်တဖၣ်လၢအဝဲ အတၢ်မ့ၢ်တၢ်တီအပူၤန့ၣ်လီၤ.

စံးထီၣ်ပတြၢၤ 98:9

အဂ့ၢ်ဒ်အံၤ, အဝဲဟဲဒ်သိးကပၢဟီၣ်ခိၣ်န့ၣ်လီၤ. အဝဲကပၢပှၤဂီၢ်မုၢ်လၢဟီၣ်ခိၣ်ချၢလၢ တၢ်စံၣ်ညီၣ်တီဒီး တၢ်တီတၢ်လိၤအပူၤန့ၣ်လီၤ.

လံာ်တၢ်ဟးထီၣ်ကွံာ် 32:32

ဝံသးစူၤပျၢ်လၢ်အတၢ်ကမၣ်တက့ၢ်. ဘၣ်ဆၣ်ဒီးနမ့ၢ်တပျၢ်ဘၣ်န့ၣ် တြူာ်ကွံာ်ယမံၤလၢလံာ်လၢနကွဲးတ့ၢ်နပှၤဂီၢ်မုၢ်အမံၤတဖၣ်အပူၤန့ၣ်တက့ၢ်.”

လံာ်တၢ်ဟးထီၣ်ကွံာ် 4:22

ဒီးနဘၣ်စံးဘၣ်စီၤပၤဖၤရိၤ, ယွၤစံးဝဲဒၣ်, ‘အံၣ်စရ့လးမ့ၢ်ယဖိဝဲၢ်ကိန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

လံာ်ယိၤဟၣ် 5:27

ဒီးအဝဲမ့ၢ်ပှၤကညီဖိခွါအဃိဒီး, ယွၤဟ့ၣ်လီၤစ့ၢ်ကီးအီၤတၢ်စိတၢ် ကမီၤလၢကစံၣ်ညီၣ်တၢ်အဂီၢ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

1 ကရံၣ်သူး 15:49

ဒီးဒ်ပဒိးဘၣ်ပှၤလၢအဘၣ်တၢ်တ့အီၤလၢဟီၣ်ခိၣ်တဂၤအက့ၢ် အဂီၤအသိးန့ၣ်, ပကဒိးဘၣ်စ့ၢ်ကီးပှၤတဂၤလၢအဟဲလၢမူခိၣ် အက့ၢ်အဂီၤစ့ၢ်ကီးန့ၣ်လီၤ.

1 ကရံၣ်သူး 15:54

မၤသးဒ်န့ၣ်ဒီး ဖဲတၢ်သံသ့ဘၣ်တၢ်ဒုးသိးထီၣ်တ့ၢ်အီၤလၢတၢ် သံတသ့, ဒီးတၢ်လၢအဟးဂီၤသ့ဘၣ်တၢ်ဒုးသိးထီၣ်တ့ၢ် အီၤလၢတၢ်ဟးဂီၤတသ့န့ၣ်, တုၤနုၤတစုတၢ်ကွဲးအသးကဟဲလၢထီၣ်ပှဲၤထီၣ်ဝဲဒၣ်လီၤ.

၂ ကရံၣ်သူး 5:8

ပလၢပှဲၤဒီးတၢ်သးဒူဒီးဘၣ်ပသးဒိၣ်တက့ၢ်လၢပကပာ်တီၢ် ကွံာ်ပဟံၣ်လၢနီၢ်ခိအပူၤဒီးအိၣ်လၢဟံၣ်ပူၤဒီးကစၢ်န့ၣ်လီၤ.

အ့းဖ့းစူး 1:22

ကစၢ်ယွၤပာ်တၢ်ခဲလၢာ်လၢခရံာ်အခီၣ်အဖီလာ်, ဒီးဒ်ကစၢ် အဒိၣ်ကတၢၢ်,

လံာ်သိၣ်လီၤသီလီၤတၢ် 21:17

အဝဲကဘၣ်ဟ့ၣ်အတၢ်စုလီၢ်ခီၣ်ခိၣ်အတၢ်ဟ့ၣ်နီၤခံစးဆူဖိခွါဝဲၢ်ကိ, ဖဲအဝဲတမ့ၢ်ဘၣ်အဝဲအမါလၢအအဲၣ်ဒိၣ်ဝဲအဖိခွါဒၣ်လဲာ်န့ၣ်လီၤ. ပှၤတဂၤန့ၣ်ကဘၣ်သ့ၣ်ညါနီၣ်အဖိခွါဝဲၢ်ကိဒီးဟ့ၣ်အီၤတၢ်ဟ့ၣ် နီၤလၢအဝဲကြၢးဒိးန့ၢ်ဝဲအလီၢ်အိၣ်ဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၁ တံၤမသ့း 3:5

အဂ့ၢ်ဒ်လဲၣ်န့ၣ်, ပှၤတဂၤလၢအတသ့ၣ်ညါပၢဆှၢအဟံၣ် ဖိဃီဖိဒၣ်ဝဲန့ၣ်, အံးထွဲကွၢ်ထွဲယွၤအတၢ်အိၣ်ဖှိၣ်ကသ့လၢကျဲဒ်လဲၣ်.

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

ဧ့ၤဘြံၤ 11:40

အဂ့ၢ်မ့ၢ်လၢကစၢ်ယွၤတိာ်ပာ်တ့ၢ်ဝဲလၢအကသုးကျဲၤတၢ်ဂ့ၤ ဒိၣ်ဒၣ်တၢ်တက့ၢ်လၢပဂီၢ်အဃိလီၤ. မ့တမ့ၢ်လၢပဝဲဒၣ်ဘၣ်ဒီးအဝဲသ့ၣ်တဘၣ်တၢ်မၤလၢထီၣ် ပှဲၤထီၣ်အီၤဘၣ်န့ၣ်လီၤ.

ဧ့ၤဘြံၤ 2:12

ဒီးစံးဝဲဒၣ်, “ယကဘိးဘၣ်သ့ၣ်ညါယဒီပုၢ်ဝဲၢ်သ့ၣ်တဖၣ်လၢနမံၤ ဒီးလၢအဝဲသ့ၣ်အတၢ်အိၣ်ဖှိၣ်အပူၤန့ၣ် ယကစံးထီၣ်ပတြၢၤနၤလီၤ.”

ဧ့ၤဘြံၤ 9:27

ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 6:11

အဝဲသ့ၣ်တဂၤဘၣ်တဂၤဘၣ်တၢ်ဟ့ၣ်အီၤလၢဆ့ကၤဝါဖးထီ တဘ့ၣ်, ဒီးတၢ်စံးဘၣ်အီၤလၢအကအိၣ်ဘှံးဒံးဆူညါတစိၢ် တလီၢ်တုၤလၢတၢ်ခ့တၢ်ပှၤသကိးသကိးအီၤ, ဒီးဒ်အဒီပုၢ်ဝဲၢ်တဖၣ်ဘၣ်တၢ်မၤသံအီၤဒ်အဝဲသ့ၣ်အနီၢ် ကစၢ်ဒၣ်ဝဲဘၣ်တၢ်မၤသံအီၤအသိး, အနီၣ်ဂံၢ်ပှဲၤထီၣ်ဝဲ တစုလီၤ.

လံာ်လီၣ်ဖျါ 6:9

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်ယဲၢ်ခါတခါလီၤ. လၢတၢ်လုၢ်လီၢ်အဖီလာ်န့ၣ်, ယထံၣ်ဘၣ်ပှၤလၢအဘၣ် တၢ်မၤသံတ့ၢ်အီၤလၢအစံၣ်တဲၤတဲလီၤကစၢ်ယွၤအကလုၢ် အကထါဒီးအသးတီဝဲလၢအတၢ်အုၣ်အသးအပူၤအဃိ တဖၣ်အသးသမူန့ၣ်လီၤ.