ဧ့ၤဘြံၤ 12:19 - Sgaw Karen Common Bible

¹⁹ ဒီးကွဲၤအသီၣ်ဒီးတၢ်ကတိၤအသီၣ်န့ၣ်ဘၣ်. တၢ်အသီၣ်အံၤဖဲပှၤနၢ်ဟူ အီၤန့ၣ်, ပှၤဃ့ကညးဝဲလၢအသုတနၢ်ဟူဘၣ်လၢၤဝဲတဂ့ၤန့ၣ်လီၤ.

ဧ့ၤဘြံၤ 12:19 Iomraidhean Croise

လံာ်တၢ်ဟးထီၣ်ကွံာ် 20:22

ဒီးယွၤမၤလိာ်စီၤမိၤၡ့လၢကစံးဘၣ်ပှၤအံၣ်စရ့လးဖိတဖၣ်, “သုထံၣ်တ့ၢ်ယၤ, ယွၤ, ကတိၤတၢ်ဒီးသုလၢမူခိၣ်ဒ်လဲၣ်န့ၣ်လီၤ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်သိၣ်လီၤသီလီၤတၢ် 18:16

လၢမုၢ်တနံၤဖဲသုပာ်ဖှိၣ်တ့ၢ်သုသးလၢကစၢၢ်စံၤနါန့ၣ်, သုဃ့ကညးတ့ၢ်ဒ်သိးသုသုတနၢ်ဟူဘၣ်လၢၤယွၤကတိၤကဒီးတၢ်မ့တမ့ၢ်, ထံၣ်ဘၣ်ကဒီးအတၢ်သးကဲၤထီၣ်အိၣ်ဖျါဝဲန့ၣ်တဂ့ၤ. မ့ၢ်လၢသုပျံၤတၢ်လၢသုကသံဘၣ်ဖုးအဃိန့ၣ်လီၤ.

လံာ်သိၣ်လီၤသီလီၤတၢ် 4:11

တဲဘၣ်သုဖိတဖၣ်လၢသုလဲၤဒီးဆၢထၢၣ်လၢကစၢၢ်အခီၣ်ထံးဒ်လဲၣ်, ဖဲကစၢၢ်န့ၣ်ဘၣ်တၢ်ကးဘၢအီၤလၢမ့ၣ်အူလုၣ်အတၢ်အၢၣ်ဖးတီၣ်တဖၣ် ဒီးမ့ၣ်အူကပျီၤထီၣ်ဆူမူကပိာ်လိၤန့ၣ်တက့ၢ်.

လံာ်သိၣ်လီၤသီလီၤတၢ် 4:12

တဲဘၣ်အဝဲသ့ၣ်လၢယွၤကတိၤတ့ၢ်တၢ်ဒီးသုလၢမ့ၣ်အူအကျါဒ်လဲၣ်, သုနၢ်ဟူဘၣ်အဝဲကတိၤတၢ်ဒ်လဲၣ်, ဘၣ်ဆၣ်ဒီးသုတထံၣ်ဘၣ်အက့ၢ် အဂီၤနီတမံၤဘၣ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 4:33

ပှၤဂီၢ်မုၢ်လၢအနၢ်ဟူဘၣ်ယွၤကတိၤတၢ်ဒီးအီၤလၢမ့ၣ်အူအပူၤ ဒီးအိၣ်မူဘၣ်ဒံးဝဲဒ်သုအသိးန့ၣ်မ့ၢ်အအိၣ်ဧါ.

၁ သ့းစၤလနံ 4:16

တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.