ဧ့ၤဘြံၤ 12:18 - Sgaw Karen Common Bible

¹⁸ အဂ့ၢ်ဒ်အံၤ, သုတဟဲဘၣ်သုဝဲဒ်ပှၤအံၣ်စရ့လးဖိတဖၣ်ဟဲဝဲဆူ ကစၢၢ်လၢတၢ်ထိးအီၤသ့, ဆူကစၢၢ်စံၤနါလၢအအိၣ်ဒီးမ့ၣ်အူလၢအကဲၤကပျီၤဒီးတၢ် အၢၣ်သူဒီးတၢ်ခံးဒီးကလံၤမုၢ်,

ဧ့ၤဘြံၤ 12:18 Iomraidhean Croise

လံာ်တၢ်ဟးထီၣ်ကွံာ် 20:18

တုၤပှၤဂီၢ်မုၢ်နၢ်ဟူဘၣ်လီသီၣ်ဒီးကွဲၤသီၣ်ထီၣ်ဖးဒိၣ်သတူၢ် ကလာ်, ဒီးထံၣ်ဘၣ်လီဝၢ်ဒံး, ဒီးမ့ၣ်အူလုၣ်ထီၣ်လၢကစၢၢ်အလိၤန့ၣ် အဝဲသ့ၣ်ကနိးကစုာ်လၢအတၢ်ပျံၤတၢ်ဖုးအဃိဒီးအိၣ်ဆၢထၢၣ်ဝဲ ဖးယံၤန့ၣ်လီၤ.

လံာ်တၢ်ဟးထီၣ်ကွံာ် 24:17

တၢ်အၢၣ်လုၣ်ဘၢကစၢၢ်န့ၣ်လၢဃုသီအတီၢ်ပူၤဒီးလၢနွံသီတသီ န့ၣ်ယွၤကိးထီၣ်စီၤမိၤၡ့လၢတၢ်အၢၣ်အပူၤန့ၣ်လီၤ.

ရိမ့ၤ 6:14

တၢ်ဒဲးဘးတဘၣ်ပၢသုဘၣ်. အဂ့ၢ်ဒ်အံၤ, သုတအိၣ်မူလၢတၢ်သိၣ်တၢ်သီအဖီလာ်ဘၣ်, မ့မ့ၢ်လၢကစၢ်ယွၤအဘျုးအဖှိၣ်အဖီလာ်န့ၣ်လီၤ.

ရိမ့ၤ 8:15

အဂ့ၢ်ဒ်လဲၣ်န့ၣ်, ကစၢ်ယွၤအသးလၢအဘၣ်တၢ်ဟ့ၣ်လီၤ သုန့ၣ်တဒုးကဲထီၣ်သုလၢကုၢ်ဒီးဒုးအိၣ်ထီၣ်တၢ်ပျံၤတၢ်ဖုး လၢသုပူၤန့ၣ်ဘၣ်. မ့မ့ၢ်ကစၢ်ယွၤအသးဒုးကဲထီၣ်သုလၢ ကစၢ်ယွၤအဖိတဖၣ်ဒီးလၢအသးအစိကမီၤအပူၤပကိးထီၣ် ကစၢ်ယွၤ, “ပၢ်ဧၢ, ယပၢ်ဧၢ” န့ၣ်လီၤ.

၂ ကရံၣ်သူး 3:7

တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ် အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ် ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ် တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ ကပီၤထဲထဲန့ၣ်ဒီး,

၂ ကရံၣ်သူး 3:9

ယူဒၤအတၢ်သိၣ်တၢ်သီလၢအဒုးအိၣ်ထီၣ်တၢ်စံၣ်ညီၣ်န့ၣ်, အလၤကပီၤ မ့ၢ်အိၣ်ထဲသိးန့ၣ်ဒီးတၢ်ဖံးတၢ်မၤလၢအဟဲစိာ်တၢ်အုၣ်က့ၤခီၣ် က့ၤန့ၣ်, ကအိၣ်ဒီးအလၤကပီၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

လံာ်သိၣ်လီၤသီလီၤတၢ် 4:11

တဲဘၣ်သုဖိတဖၣ်လၢသုလဲၤဒီးဆၢထၢၣ်လၢကစၢၢ်အခီၣ်ထံးဒ်လဲၣ်, ဖဲကစၢၢ်န့ၣ်ဘၣ်တၢ်ကးဘၢအီၤလၢမ့ၣ်အူလုၣ်အတၢ်အၢၣ်ဖးတီၣ်တဖၣ် ဒီးမ့ၣ်အူကပျီၤထီၣ်ဆူမူကပိာ်လိၤန့ၣ်တက့ၢ်.

လံာ်သိၣ်လီၤသီလီၤတၢ် 5:5

အကတီၢ်ဖဲန့ၣ်, ယဆၢထၢၣ်လၢသုဝဲဒီးယွၤအဘၢၣ်စၢၤ, လၢယကတဲဘၣ်သုတၢ်လၢအဝဲဒၣ်စံးတ့ၢ်ဝဲန့ၣ်လီၤ. အဂ့ၢ်ဒ်အံၤ, သုပျံၤဘၣ်မ့ၣ်အူဒီးသုတလဲၤထီၣ်ဘၣ်ဆူကစၢၢ်လိၤဘၣ်. ယွၤစံးဝဲဒၣ်,

၂ တံၤမသ့း 1:7

အဂ့ၢ်ဒ်လဲၣ်န့ၣ်, သးလၢကစၢ်ယွၤဟ့ၣ်လီၤတ့ၢ်ပှၤန့ၣ်တဒုး ကဲထီၣ်ပှၤလၢ, ပှၤလၢအပျံၤတၢ်ဘၣ်. မ့မ့ၢ်ယွၤအသးမၤပှဲၤ ပသးဒီးတၢ်စိတၢ်ကမီၤ, တၢ်အဲၣ်တၢ်ကွံ, ဒီးတၢ်ပၢၤသူၣ်ပၢၤသးန့ၣ်လီၤ.