ဧ့ၤဘြံၤ 12:15 - Sgaw Karen Common Bible

¹⁵ ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

ဧ့ၤဘြံၤ 12:15 Iomraidhean Croise

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်တၢ်ဟးထီၣ်ကွံာ် 32:21

အဝဲစံးဘၣ်စီၤအၤဟရိၣ်, “ဒ်သိးနကမၤတုၤပှၤဂီၢ်မုၢ်မၤတၢ် ဒဲးဘးလီၤပျံၤလီၤဖုးတမံၤအံၤအဂီၢ်န့ၣ်အဝဲသ့ၣ်မၤနၤမနုၤ တမံၤလဲၣ်.”

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

လံာ်ယၡါယၤ 5:4

မ့ၢ်တၢ်လၢယဂ့ၤမၤဒီးယတမၤဘၣ်န့ၣ်အိၣ်တမံၤမံၤဧါ. မ့မ့ၢ်ဒ်န့ၣ်ဒီး, စပံးလီၢ်အံၤဟ့ၣ်ထီၣ်စပံးသၣ်လၢအဆံၣ်ဒီး တမ့ၢ်ဘၣ်စပံးသၣ်လၢအဂ့ၤဒ်ယမုၢ်လၢ်အသိးန့ၣ်, မ့ၢ်အဘၣ်မနုၤလဲၣ်.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

1 ကရံၣ်သူး 10:12

ပှၤတဂၤလၢ်လၢ်လၢအဆိကမိၣ်အဆၢထၢၣ်ဝဲကျၢၤကျၢၤန့ၣ်, ကြၢးပလီၢ်ပဒီအသးဒ်သိးအသုတလီၤဃံၤတဂ့ၤအဂီၢ်န့ၣ်လီၤ.

1 ကရံၣ်သူး 13:8

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

1 ကရံၣ်သူး 5:6

သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.

၂ ကရံၣ်သူး 13:5

ဒိးတၢ်မၤကွၢ်လၢသုနီၢ်ကစၢ်ဒၣ်သုဝဲဒီးစံၣ်ညီၣ်လီၤက့ၤသု သးဒၣ်သုဝဲ, ဒ်သိးသုအိၣ်မူလၢတၢ်စူၢ်တၢ်နာ်အပူၤကစီ ဒီဧါတအိၣ်မူလဲၣ်န့ၣ်သုကသ့ၣ်ညါဘၣ်သုဝဲအဂီၢ်န့ၣ် တက့ၢ်. မ့တမ့ၢ်လၢသုလီၤတိၢ်သုဝဲလၢာ်လၢာ်ဆ့ဆ့လံဘၣ် န့ၣ်, သပှၢ်ကတၢၢ်သုသ့ၣ်ညါလၢယ့ၣ်ၡူးခရံာ်အိၣ်လၢသုပူၤလီၤ တမ့ၢ်ဘၣ်ဧါ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

ကလၤတံ 2:13

ပှၤယူဒၤဖိဒီပုၢ်ဝဲၢ်အဂၤတဖၣ်စ့ၢ်ကီးစးထီၣ်မၤတၢ်လၢတၢ် သးသုၣ်အပူၤဒ်စီၤပ့းတရူးအသိးန့ၣ်လီၤ. စီၤဘၢ်နါဘၤဒၣ်လဲာ်မၤထွဲအဝဲသ့ၣ်အတၢ်သးသုၣ်အတၢ် မၤန့ၣ်လီၤ.

ကလၤတံ 5:4

သုဝဲသ့ၣ်တဖၣ်လၢအဂုာ်ကျဲးစၢးမၤလိၤမၤဘၣ်သုသးဒီး ကစၢ်ယွၤခီဖျိတၢ်စူၢ်တၢ်သိၣ်တၢ်သီန့ၣ်, သုထုးဖးကွံာ်သုသးလၢာ်လၢာ်ဆ့ဆ့ဒီးခရံာ်လီၤ. သုလီၤတဲာ်ကွံာ်လၢကစၢ်ယွၤအဘျုးအဖှိၣ်အပူၤ,

အ့းဖ့းစူး 5:3

ဒ်သုမ့ၢ်ကစၢ်ယွၤအပှၤတကလုာ်အသိးန့ၣ်, တၢ်မၤကမၣ်မုၣ် ကမၣ်ခွါမ့ၢ်ဂ့ၤ, တၢ်ကလုာ်ကလိၤမ့ၢ်ဂ့ၤ, တၢ်သူၣ်လီသးကွံမ့ၢ်ဂ့ၤ, တကြၢးဘၣ်တၢ်ယၢၤထီၣ်ဒၣ်လဲာ်အီၤလၢသုသိးသုကျါဘၣ်.

လံာ်သိၣ်လီၤသီလီၤတၢ် 29:18

မၤလီၤတံၢ်လၢ, တနံၤအံၤပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ဟံၣ်ဖိဃီဖိမ့ၢ်ဂ့ၤ, ပှၤအဒူၣ်မ့ၢ်ဂ့ၤလၢအဆၢထၢၣ်ဖဲအံၤ, တဃၣ်ကွံာ်ဘၣ်အသးလၢယွၤ, ပကစၢ်ယွၤအအိၣ်နီတဂၤဒ်သိးကဘါထီၣ် ပှၤကလုာ်ဂၤတဖၣ်အတၢ်ဂီၤတၢ်ဖီၣ်တဖၣ်အဂီၢ်ဘၣ်န့ၣ်တက့ၢ်. တၢ်န့ၣ်ကလီၤဂာ်ဒ်တၢ်အဂံၢ်တဘိလၢအမဲထီၣ်ဒီးကကဲထီၣ်တၢ်အမုၢ် တမုၢ်လၢအခၣ်ဒီးအိၣ်ဒီးအစုၣ်အပျၢ်အသိးန့ၣ်လီၤ.

လံာ်သိၣ်လီၤသီလီၤတၢ် 32:32

အဝဲသ့ၣ်အဒုၣ်အဒါတဖၣ်လၢအလီၤရၢၢ်လီၤစၢၢ်ဝဲဒ် ဝ့ၢ်စဒိၣ်ဒီးဝ့ၢ်ဂမိရၤအသိးန့ၣ်, လီၤဂာ်ဒီးစပံးမုၢ်တဖၣ်လၢအသၣ်ထီၣ်စပံးသၣ်လၢအခၣ်ဝဲဒီးအိၣ် ဒီးအစုၣ်အပျၢ်,

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.

ဧ့ၤဘြံၤ 3:12

ယဒီပုၢ်ဝဲၢ်သ့ၣ်ဧၢ, ပလီၢ်သုသးဒ်သိးပှၤလၢသုကျါအသုတအိၣ်ဒီးသးလၢ အအၢဝဲဒီးအတစူၢ်တနာ်ဘၣ်တၢ်တုၤအကဃၣ်ကွံာ်အသး လၢကစၢ်ယွၤလၢအမူဝဲဒီးဟ့ၣ်တၢ်မူတဂၤအအိၣ်နီတဂၤ တဂ့ၤအဂီၢ်န့ၣ်တက့ၢ်.

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

ဧ့ၤဘြံၤ 4:11

လၢတၢ်န့ၣ်အဃိမ်ပကကျဲးစၢးအဂ့ၤကတၢၢ်ဒ်သိးပကဒိး န့ၢ်ဘၣ်တၢ်အိၣ်ဘှံးအဝဲန့ၣ်, ဒ်သိးပသုတလီၤတဲာ်ကွံာ်ဒ်အဝဲသ့ၣ်အသိးလၢအတစူၢ် တနာ်တၢ်အဃိနီတဂၤတဂ့ၤအဂီၢ်န့ၣ်တက့ၢ်.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

လံာ်စီၤယိၤၡူ 6:18

ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

၂ ပ့းတရူး 3:11

မ့ၢ်လၢတၢ်သ့ၣ်တဖၣ်အံၤခဲလၢာ်ကဘၣ်တၢ်မၤဟးဂီၤကွံာ် အီၤလၢကျဲဒ်အံၤအဃိ, သုကြၢးမ့ၢ်ပှၤဒ်လဲၣ်, သုတၢ်အိၣ်မူတဖၣ်ကြၢးစီဆှံဝဲဒီးကြၢးဘၣ်တၢ်ပာ်စီဆှံ အီၤလၢကစၢ်ယွၤအဂီၢ်,

၂ ပ့းတရူး 3:14

လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.

၂ ယိၤဟၣ် 1:8

လၢတၢ်န့ၣ်အဃိ, ပလီၢ်သုသးဒ်သိးတၢ်လၢသုမၤန့ၢ်တ့ၢ်တဖၣ် အသုတလီၤမၢ်ကွံာ်န့ၢ်သုတဂ့ၤ, ဒီးဒ်သိးသုကဒိးန့ၢ်ဘၣ်သုခိၣ်ဖး လၢလၢပှဲၤပှဲၤအဂီၢ်န့ၣ်တက့ၢ်.