ဧ့ၤဘြံၤ 12:14 - Sgaw Karen Common Bible

¹⁴ ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

ဧ့ၤဘြံၤ 12:14 Iomraidhean Croise

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်စီၤယိၤဘး 19:26

တၢ်ဆူးတၢ်ဆါမ့ၢ်အီၣ်ကွံာ်ယဖံးဒၣ်လဲာ်, ဖဲယအိၣ်ဒံးဒီးနီၢ် ခိအံၤန့ၣ်ယကထံၣ်ဘၣ်ကစၢ်ယွၤလီၤ.

လံာ်စီၤယိၤဘး 33:26

တုၤအဝဲဃ့ဘါထုကဖၣ်တၢ်ဒီးကစၢ်ယွၤကစံးဆၢအီၤ, ဒီးကဘူၣ်ထီၣ်ဘါထီၣ်ကစၢ်ယွၤလၢတၢ်သူၣ်ဖှံသးညီအပူၤလီၤ. ကစၢ်ယွၤကမၤဘၣ်လီၢ်ဘၣ်စးက့ၤတၢ်လၢ အဂီၢ်လီၤ.

စံးထီၣ်ပတြၢၤ 120:6

ယအိၣ်ဆိးတ့ၢ်ယဲဃဲးဃဲး လၢပှၤဂီၢ်မုၢ်အသးဟ့တၢ်ဃူတၢ်ဖိးအကျါလီၤ.

စံးထီၣ်ပတြၢၤ 133:1

ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံးဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ်တက့ၢ်.

စံးထီၣ်ပတြၢၤ 34:14

ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

စံးထီၣ်ပတြၢၤ 38:20

ပှၤလၢအဟ့ၣ်ဆၢက့ၤယၤ တၢ်အၢလၢတၢ်ဂ့ၤအဂီၢ်တဖၣ်န့ၣ် ထီဒါယၤ, မ့ၢ်လၢယဂုာ်ကျဲးစၢးမၤတၢ်ဂ့ၤအဃိလီၤ.

စံးထီၣ်ပတြၢၤ 94:15

တၢ်စံၣ်ညီၣ်တီကအိၣ်က့ၤကဒီးလၢ ကွီၢ်ဘျီၣ်တဖၣ်အပူၤ ဒီးပှၤတီပှၤလိတဖၣ် ကဆီၣ်ထွဲမၤစၢၤအီၤလီၤ.

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

လံာ်ယၡါယၤ 51:1

ယွၤစံးဝဲ, “ဒိကနၣ်ယၤ, သုဝဲလၢအသးအိၣ်န့ၢ် ဘၣ်တၢ်အုၣ်က့ၤခီၣ်က့ၤ, သုဝဲလၢအဟဲဆူယအိၣ်လၢ တၢ်မၤစၢၤအဂီၢ်သ့ၣ်ဧၢ. ဆိကမိၣ်ထီၣ်လၢၢ်လၢပှၤစိးပျၤဒုးကဲထီၣ်သုဒီး လၢၢ်ပူၤဖဲသုဘၣ်တၢ်ခူၣ်ထုးထီၣ်သုန့ၣ်တက့ၢ်.

လံာ်မၢ်ကူး 9:50

အံသၣ်မ့ၢ်တၢ်လၢအဂ့ၤလီၤ. ဘၣ်ဆၣ်ဒီးမ့ၢ်တဟီလၢၤဘၣ်န့ၣ်, သုကမၤဟီထီၣ်က့ၤအီၤဒ်လဲၣ်. လၢသုတၢ်ရ့လိာ်သကိးသုသးအပူၤန့ၣ်, အိၣ်ဒီးတၢ်အသဟီၣ်ဒ်အံသၣ် အသိးဒီးအိၣ်ဃူအိၣ်ဖိးလိာ်သုသးတဂၤဒီးတဂၤတက့ၢ်.”

လံာ်လူၤကၣ် 1:75

ဒ်သိးပကစီဝဲဆှံဝဲဒီးတီဝဲလိၤဝဲလၢအဝဲဒၣ်အမဲာ်ညါ လၢပတၢ်အိၣ်မူဒီစိၤညါန့ၣ်လီၤ.

ရိမ့ၤ 12:18

မ့မ့ၢ်သုဝဲတခီ, ဖဲသုသ့န့ၣ်အိၣ်ဃူလိာ်ဖိးလိာ်သုသး ဒီးပှၤခဲလၢာ်တက့ၢ်.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 3:21

မ့မ့ၢ်ဒ်န့ၣ်ဒီး, တၢ်သိၣ်တၢ်သီထီဒါကစၢ်ယွၤအတၢ်အၢၣ်လီၤ အီလီၤတဖၣ်ဧါ. တမ့ၢ်လ့ၤတက့ၤဘၣ်. အဂ့ၢ်ဒ်အံၤပှၤဟီၣ်ခိၣ်ဖိ မ့ၢ်ဒိးန့ၢ်တၢ်သိၣ်တၢ်သီလၢအဟ့ၣ်တၢ်မူသ့ဒီး, ပှၤကိးဂၤဒဲးကဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိတၢ် ဒိကနၣ်တၢ်သိၣ်တၢ်သီန့ၣ်လီၤ.

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

ဖံလံးပံၤ 3:12

ယတစံးလၢယဒိးန့ၢ်ဘၣ်လံတၢ်အံၤမ့ၢ်ဂ့ၤ, ယလၢထီၣ်ပှဲၤထီၣ်လံမ့ၢ်ဂ့ၤန့ၣ်ဘၣ်. မ့မ့ၢ်ယဂဲၤပျုၢ်ဂဲၤဆှးဒ်သိးယကဒိးန့ၢ်ဘၣ်ခိၣ်ဖးလၢအမ့ၢ် ယ့ၣ်ၡူးခရံာ်မၤန့ၢ်လံယၤလၢအကစၢ်ဒၣ်ဝဲအဂီၢ်န့ၣ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၁ သ့းစၤလနံ 4:7

အဂ့ၢ်ဒ်အံၤ, ကစၢ်ယွၤတကိးဃီၤပှၤဆူတၢ်ကလုာ်ကလိၤ အပူၤဘၣ်. မ့မ့ၢ်အဝဲဒၣ်ကိးဃီၤပှၤဆူတၢ်အိၣ်မူအစီအဆှံ အပူၤလီၤ.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.

ဧ့ၤဘြံၤ 12:10

ပပၢ်လၢဟီၣ်ခိၣ်တဖၣ်သိၣ်ဃီၣ်ပှၤတစိၢ်တလီၢ်ဒ် အဆိကမိၣ်ဝဲလၢအဘၣ်ဘၣ်အီၤအသိးန့ၣ်လီၤ. ဘၣ်ဆၣ်ဒီးကစၢ်ယွၤသိၣ်ဃီၣ်ပှၤလၢပတၢ်ဂ့ၤအဂီၢ်, ဒီးမ့ၢ်ဝဲဒ်သိးပကစီဆှံထီၣ်ဒ်အဝဲစီဆှံဝဲအသိးန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ပ့းတရူး 3:11

အဝဲကဘၣ်ဃၣ်ကွံာ်အသးလၢတၢ်အၢတၢ်သီ ဒီးမၤတၢ်ဂ့ၤန့ၣ်လီၤ. အဝဲကဘၣ်ဂဲၤပျုၢ်လၢတၢ်ဃူတၢ်ဖိးအဂီၢ် လၢအသးဒီဖျၢၣ်ညါန့ၣ်လီၤ.

၁ ပ့းတရူး 3:13

သုမ့ၢ်သးဆူၣ်လၢသုကမၤတၢ်ဂ့ၤဒီး, မ့ၢ်မတၤကမၤအၢသုတဂၤန့ၣ်လဲၣ်.

၂ ပ့းတရူး 3:11

မ့ၢ်လၢတၢ်သ့ၣ်တဖၣ်အံၤခဲလၢာ်ကဘၣ်တၢ်မၤဟးဂီၤကွံာ် အီၤလၢကျဲဒ်အံၤအဃိ, သုကြၢးမ့ၢ်ပှၤဒ်လဲၣ်, သုတၢ်အိၣ်မူတဖၣ်ကြၢးစီဆှံဝဲဒီးကြၢးဘၣ်တၢ်ပာ်စီဆှံ အီၤလၢကစၢ်ယွၤအဂီၢ်,

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.

လံာ်ပှၤစံၣ်ညီၣ်ကွီၢ် 11:14

စီၤယံးဖသၤဆှၢလီၤကဒါက့ၤကလူးတဖၣ်ဆူဧၣ်မိၣ်အစီၤပၤ အအိၣ်ဃုာ်ဒီးတၢ်စံးဆၢအံၤလီၤ.