ဧ့ၤဘြံၤ 12:13 - Sgaw Karen Common Bible

¹³ ကတဲာ်ကတီၤကျဲအလိၤအဘျၢလၢသုခီၣ်အဂီၢ်ဒ်သိးခီၣ်လၢ အဟးဂီၤန့ၣ်, အသုတလီၤဖျုတဂ့ၤဒီးကဘျါက့ၤဝဲအဂီၢ်န့ၣ်တက့ၢ်.

ဧ့ၤဘြံၤ 12:13 Iomraidhean Croise

လံာ်ယၡါယၤ 35:3

စုတဖၣ်လၢအလီၤဘှံးလီၤတီၤဝဲ ဒီးခီၣ်လ့ၣ်ခိၣ်တဖၣ်လၢအကနိးကစုာ်လၢတၢ်ဂံၢ်စၢ်ဘါစၢ်အဃိန့ၣ်, ဒုးဆူၣ်ဝဲလီၤ.

လံာ်ယၡါယၤ 35:6

ပှၤခီၣ်ဟးဂီၤကစံၣ်ထီၣ်ဒီးဂဲၤကလံၣ် ဒီးပှၤအုးအးကတာ်ပျ့ၤတဖၣ် ကကိးထီၣ်ဝဲလၢတၢ်သးခုအပူၤလီၤ. ထံကျိဖိအထံတဖၣ်ကယွၤလီၤဝဲခီဖျိမဲးမုၢ်ခိၣ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 58:12

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်လူၤကၣ် 3:5

ကယဲၢ်ကစၢၢ်ကဆူးကဘၣ်တၢ်မၤပှဲၤထီၣ်အီၤ, ကယဲၢ်တၢ်လူၢ်တၢ်တြီၤဒီးကစၢၢ်ခိၣ်ကလိခံတဖၣ် ကဘၣ်တၢ်မၤပၢၤအီၤ, ကယဲၢ်ကျဲအက့ၣ်အကူတဖၣ်ကဘၣ်တၢ်မၤဘျၢအီၤ, ဒီးကျဲဖိလၢအထီၣ်ကူလီၤယၢၣ်တဖၣ် ကဘၣ်တၢ်မၤဃူထီၣ်အီၤလီၤ.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”

ကလၤတံ 6:1

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်ဘၣ်တၢ်ထံၣ်န့ၢ်အီၤလၢအမၤ ကမၣ်တၢ်တမံၤမံၤန့ၣ်, သုဝဲလၢယွၤအသးပၢသုတဖၣ်, သုကြၢးမၤဂ့ၤမၤဘၣ်က့ၤအီၤန့ၣ်လီၤ. ဘၣ်ဆၣ်ဒီး, သုကဘၣ်မၤအီၤလၢတၢ်ကပုာ်လုးဖိအပူၤလီၤ. ဒီးကွၢ်လီၤသုသးဒ်သိး သုသုတဘၣ်တၢ်လ့ပစီတဂ့ၤစ့ၢ်ကီးန့ၣ်တက့ၢ်.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).