ဧ့ၤဘြံၤ 12:1 - Sgaw Karen Common Bible

¹ မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

ဧ့ၤဘြံၤ 12:1 Iomraidhean Croise

လံာ်စီၤယိၤဘး 8:10

ဘၣ်ဆၣ်ဒီးပျဲပှၤကူၣ်ဘၣ်ကူၣ်သ့လၢပျၢၤသိၣ်လိနၤ, ဒီးဒိကနၣ်တၢ်လၢအဝဲသ့ၣ်ကစံးဘၣ်နၤန့ၣ်တက့ၢ်.

စံးထီၣ်ပတြၢၤ 18:23

အဝဲသ့ၣ်ညါဝဲလၢယတၢ်ကမၣ်တအိၣ်ဘၣ် ဒီးယဟးဆှဲးတ့ၢ်တၢ်မၤကမၣ်တၢ်န့ၣ်လီၤ.

လံာ်ယၡါယၤ 60:8

ကဘီလၢအလဲၤတၢ်ချ့ချ့ဒ်တၢ်အၢၣ်တဖၣ်အသိး, လီၤဂာ်ဒ်ထိၣ်လွံၢ်တဖၣ်လၢအဟဲက့ၤကဒါက့ၤ ဆူဟံၣ်န့ၣ်, မ့ၢ်ကဘီမတၤတဖၣ်လဲၣ်.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 38:9

အဝဲဒီးအသုးမုၢ်ဒီးပှၤအါကလုာ်လၢအအိၣ်ဒီးအီၤ, ကလဲၤထီၣ် ဒုးတၢ်ဒ်ကလံၤမုၢ်အသိးဒီးကျၢၢ်ဘၢထံကီၢ်ဒ်တၢ်အၢၣ်အသိး န့ၣ်လီၤ.”

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 24:13

ဘၣ်ဆၣ်ဒီး, ပှၤတဂၤလၢ်လၢ်လၢအတူၢ်တၢ်တဖၣ်အံၤန့ၢ်ဝဲ, ဒီးအိၣ်ဂၢၢ်ဆိးကျၢၤဝဲတုၤအကတၢၢ်န့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ.

လံာ်မၢ်ကူး 10:50

အဝဲဒၣ်ကွံာ်လီၤကွံာ်အဆ့ကၤဖီခိၣ်, စံၣ်ထီၣ်ဝဲ, ဒီးဟဲဝဲဆူယ့ၣ်ၡူးအအိၣ်လီၤ.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

လံာ်ယိၤဟၣ် 3:32

တၢ်လၢအဝဲထံၣ်ဒီးနၢ်ဟူဝဲန့ၣ်စံးကတိၤဝဲ, သနာ်က့ပှၤတတူၢ်လိာ်အတၢ်ကစီၣ်နီတဂၤဘၣ်.

လံာ်ယိၤဟၣ် 4:39

ပှၤၡၤမရံဖိအါဂၤလၢဝ့ၢ်ပူၤစူၢ်က့ၤနာ်က့ၤယ့ၣ်ၡူးမ့ၢ်လၢပိာ်မုၣ် န့ၣ်အုၣ်အသးဒီးစံးဝဲ, “အဝဲစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံ” အဃိန့ၣ်လီၤ.

လံာ်ယိၤဟၣ် 4:44

အဂ့ၢ်ဒ်အံၤ, အကစၢ်ဒၣ်ဝဲစံးတ့ၢ်ဝဲ, “တၢ်လၢဝံန့ၣ် လၢအထံအကီၢ်ဒၣ်ဝဲအပူၤပှၤတယူးယီၣ်ပာ်ကဲအီၤဘၣ်.”

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

ကလၤတံ 5:7

သုမၤတ့ၢ်တၢ်ဂ့ၤမးလီၤ. မ့ၢ်မတၤတဂၤထိၣ်ဂဲၤသုဒ်သိး သုကဆိကတီၢ်ကွံာ်သုတၢ်စူၢ်တၢ်မ့ၢ်တၢ်တီန့ၣ်လဲၣ်. အဝဲဒၣ်ကွဲန့ၢ်လွဲန့ၢ်သုလၢကျဲဒ်လဲၣ်.

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

ဖံလံးပံၤ 1:30

သုဝဲဒီးယၤ ပအိၣ်ဒီးတၢ်ဒုးတၢ်ယၤတမံၤဃီလီၤ. မ့ၢ်တၢ်ဒုးတၢ်ယၤတမံၤဃီလၢသုထံၣ်ယဒုးတ့ၢ်အီၤလၢ အပူၤကွံာ်, ဒီးဒ်သုနၢ်ဟူတ့ၢ်အသိး, ယဒုးဒံးယဲခဲအံၤန့ၣ်လီၤ.

ဖံလံးပံၤ 2:16

ဖဲသုဟ့ၣ်အဝဲသ့ၣ်တၢ်ကစီၣ်ဘၣ်ဃးတၢ်မူအဂ့ၢ်န့ၣ်လီၤ. သုမ့ၢ်မၤဒ်န့ၣ်ဒီးဖဲခရံာ်အမုၢ်နံၤန့ၣ်ယကအိၣ်ဒီးတၢ်အဂ့ၢ်အခၢးလၢ ယကပာ်ကဖၢလၢယသးလၢသုဃိ, မ့ၢ်လၢတၢ်လၢသုမၤန့ၣ်ကဒုးနဲၣ်အဝဲဒၣ်လၢယတၢ်ကျဲးစၢးဒီး တၢ်မၤတကဲထီၣ်တၢ်ကလီကလီဘၣ်အဃိန့ၣ်လီၤ.

၂ တံၤမသ့း 2:4

ပှၤသုးဖိလၢအအိၣ်လၢတၢ်ဖံးတၢ်မၤအပူၤတဂၤန့ၣ်, သးအိၣ်မၤမုာ်မၤမံဘၣ်အသုးခိၣ်အသးသတးဒီး, အဝဲတမၤတံာ်တာ်အသးလၢပှၤပတီၢ်မုၣ်အတၢ် ဂ့ၢ်တၢ်ကျိၤတဖၣ်န့ၣ်ဘၣ်.

၂ တံၤမသ့း 4:7

တၢ်ဒုးလၢအဂ့ၤန့ၣ်ယဒုးလံ, တၢ်ဃ့ၢ်န့ၣ်ယဃ့ၢ်လံ, ယပၢၤဃာ်တၢ်နာ်န့ၣ်လံ.

ဧ့ၤဘြံၤ 6:15

စီၤအၤဘြၤဟၣ်အသူၣ်စူၤသးစူၤသတးဒီးဒိးန့ၢ်တၢ်စံးပာ် န့ၣ်လီၤ.

ယၤကိာ် 1:3

အဂ့ၢ်ဒ်လဲၣ်န့ၣ်, သုသ့ၣ်ညါလၢတၢ်မၤကွၢ်သုတၢ်စူၢ်တၢ်နာ်အံၤဒုး အိၣ်ထီၣ်တၢ်သ့တူၢ်တၢ်န့ၣ်လီၤ.

၁ ပ့းတရူး 2:1

လၢတၢ်န့ၣ်အဃိ, မၤပူၤဖျဲးသုသးဒီးတၢ်အၢတၢ်သီခဲလၢာ် တက့ၢ်. တၢ်လီတၢ်ဝ့ၤ, တၢ်ပာ်မၤအသး, တၢ်သူၣ်က့ၣ်သးကါ, ဒီးတၢ်ကတိၤဒုၣ်ဒွဲၣ်စံးအၢန့ၣ်, တဘၣ်အိၣ်လၢၤဘၣ်.

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.

၂ ပ့းတရူး 1:6

လၢတၢ်သ့ၣ်ညါအမဲာ်ညါပာ်ဖှိၣ်အါထီၣ်တၢ်ကီၤသူၣ် ကီၤသး, ဒီးလၢတၢ်ကီၤသူၣ်ကီၤသးအမဲာ်ညါပာ်ဖှိၣ် အါထီၣ်တၢ်သ့တူၢ်တၢ်, ဒီးလၢတၢ်သ့တူၢ်တၢ်အမဲာ်ညါပာ်ဖှိၣ်အါထီၣ်တၢ်အဲၣ် ထူအဲၣ်ယွၤ,

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.