ဧ့ၤဘြံၤ 11:38 - Sgaw Karen Common Bible

³⁸ ဟီၣ်ခိၣ်တကြၢးတဘၣ်ဘၣ်ဒီးအဝဲသ့ၣ်ဘၣ်. အဝဲသ့ၣ်ဟးဝ့ၤဝီၤလၢမဲးမုၢ်ခိၣ်ဒီးလၢကစၢၢ်ခိၣ်ကလိကျါ ဒီးအိၣ်ဝဲဆိးဝဲလၢလၢၢ်ဒီးလ့အအိပူၤဒီးလၢဟီၣ်ခိၣ် အအိပူၤလီၤ.

ဧ့ၤဘြံၤ 11:38 Iomraidhean Croise

လံာ်စီၤပၤအခီၣ်ထံးတဘ့ၣ် 17:3

“ဟးထီၣ်ကွံာ်လၢတၢ်လီၢ်အံၤဒီးလဲၤဆူမုၢ်ထီၣ်ဒီးပာ်တဒၢ နသးဘူးဒီးထံကျိဖိကရံသးအနံၤလၢထံကျိယၢ်ဒ့ၣ်အမုၢ်ထီၣ် န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 18:13

မ့ၢ်နတနၢ်ဟူတ့ၢ်လၢဖဲနီၢ်အံၤစ့ဘ့ၤလးမၤသံယွၤအဝံတဖၣ် အခါန့ၣ်, ယပာ်ခူသူၣ်တ့ၢ်အဝဲသ့ၣ်အကျါပှၤတကယၤဂၤလၢလၢၢ်ကအိတဖၣ်အပူၤ ခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအီၤလၢတၢ်အီၣ် ဒီးထံန့ၣ်ဘၣ်ဧါ.

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤအခီၣ်ထံးတဘ့ၣ် 19:9

ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်ယၡါယၤ 57:1

ပှၤအဂ့ၤတဖၣ်သံဝဲ, ဒီးပှၤတသ့ၣ်ညါနၢ်ပၢၢ်ဒီးပာ်သူၣ်ပာ်သး လၢအဂ့ၢ်နီတဂၤဒၣ်လဲာ်ဘၣ်. ဘၣ်ဆၣ်ဖဲအဝဲသ့ၣ်သံဝဲန့ၣ်, တၢ်တတၢးတနါမၤဘၣ်ဒိဘၣ်ထံးအဝဲသ့ၣ်တသ့နီတမံၤဘၣ်.

လံာ်ယံးရမံယၤ 41:9

ထံပူၤလၢ စီၤယံးၡမၤအ့လးကွံာ်နုာ်ပှၤလၢအဝဲမၤသံကွံာ်ဝဲတဖၣ် အစိၣ်န့ၣ်, မ့ၢ်ထံပူၤဖးဒိၣ်တပူၤလၢ စီၤပၤအၤစါခူၣ်တ့ၢ်ဝဲဖဲအဝဲ ဘၣ်တၢ်ဒုးအီၤလၢ ကီၢ်အံၣ်စရ့လးအစီၤပၤဘါၡၤအခါန့ၣ်လီၤ. စီၤယံးၡမၤအ့လးမၤပှဲၤထံပူၤန့ၣ်လၢ ပှၤအစိၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:2

ပှၤမံးဒယၣ်ဖိတဖၣ်အဂံၢ်အဘါဆူၣ်န့ၢ်ဒံးအံၣ်စရ့လး, ဒီးအံၣ်စရ့လးအပှၤဂီၢ်မုၢ်ပာ်ခူသူၣ်အသးလၢလၢၢ်ကအိလ့ကအိတဖၣ်အပူၤ ဒီးတၢ်လီၢ်ပူၤဖျဲးအဂၤတဖၣ်လၢကစၢၢ်ကလိအကျါန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:1

စီၤဒၤဝံးဃ့ၢ်ထီၣ်ကွံာ်လၢကီၢ်ကၤသးအဝ့ၢ်ပူၤဒီးလဲၤဆူ လ့ကအိတခါလၢအဘူးဒီးဝ့ၢ်ဧးဒူးလၣ်လီၤ. ဖဲအဒီပုၢ်ဝဲၢ်တဖၣ်ဒီးအဟံၣ်ဖိဃီဖိလၢအအိၣ်လီၤတဲာ်တဖၣ်နၢ်ဟူလၢအအိၣ်ဖဲန့ၣ်ဒီးအဝဲသ့ၣ်လဲၤမၤသကိးတၢ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:15

စီၤဒၤဝံးထံၣ်လၢစီၤစီလူးဟးထီၣ်ဒ်သိးကမၤသံအီၤအဂီၢ် လီၤ. စီၤဒၤဝံးအိၣ်ဝဲလၢဃိရဲးလၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:19

ပှၤတနီၤအိၣ်လၢဝ့ၢ်စံဖးလဲၤဆူစီၤစီလူးအအိၣ်လၢဝ့ၢ်ကံ ဘဧၤဒီးစံးဝဲ, “စီၤဒၤဝံးအိၣ်ခူသူၣ်လၢပလီၢ်ကဝီၤအပူၤဖဲဃိရဲးလၢ ကစၢၢ်ဃကံလၤအဒီခိၣ်လၢကီၢ်ယူဒၤအပှၤမုၢ်ကနၢန့ၣ်ကလံၤထံး တကပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:23

ဃုထံၣ်တၢ်လီၢ်လၢအအိၣ်ခူသူၣ်ဝဲန့ၣ်လီၤတံၢ်လီၤဆဲးဒီးမၤ လီၤတံၢ်လၢသုကဟဲစိာ်က့ၤတၢ်ပာ်ဖျါက့ၤဆူယအိၣ်တဘျီ ဃီန့ၣ်တက့ၢ်. အန့ၣ်တစု, ယကလဲၤဃုာ်ဒီးသုဒီးအဝဲမ့ၢ်အိၣ်ဒံးဖဲန့ၣ် လၢလီၢ်ကဝီၤန့ၣ်ဒီးယကလဲၤဃုန့ၢ်အီၤဒီးယမ့ၢ်ဘၣ်ဃုန့ၢ်အီၤလၢကီၢ်ယူဒၤဒီကီၢ်ညါဒၣ်လဲာ်န့ၣ်ယကဃုထံၣ်န့ၢ်အီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:1

ပှၤတနီၤလၢဝ့ၢ်စံဖးဟဲဆူစီၤစီလူးအအိၣ်လၢဝ့ၢ်ကံဘဧၤဒီး တဲဘၣ်အီၤလၢစီၤဒၤဝံးအိၣ်ခူသူၣ်လၢကစၢၢ်ဃကံလၤအလိၤဖဲ ကီၢ်ယူဒၤအပှၢ်မုၢ်ကနၢအထိးနါန့ၣ်လီၤ.