ဧ့ၤဘြံၤ 11:37 - Sgaw Karen Common Bible

³⁷ အဝဲသ့ၣ်ဘၣ်တၢ်ကွံာ်အီၤလၢလၢၢ်, ဘၣ်တၢ်ဘူးတဲာ်အီၤခံကူာ်ဒီးဘၣ်တၢ်မၤသံအီၤလၢနးလီၤ. အဝဲသ့ၣ်ဟးဝ့ၤဝီၤကူသိးဝဲလၢသိဒီးမဲာ်တဲးလဲးအဖံး, ဘၣ်ဖှီၣ်ဘၣ်ယာ်, ဘၣ်တၢ်မၤနးမၤဖှီၣ်အီၤဒီးဘၣ်တၢ်မၤ အၢမၤနးအီၤလီၤ.

ဧ့ၤဘြံၤ 11:37 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:31

ဒီးမၢဝ့ၢ်အပှၤဂီၢ်မုၢ်တဖၣ်မၤတၢ်လၢထးဘူးသ့ၣ်တဖၣ်, ထးကြၢ်တဖၣ်, ဒီးထးကွါတဖၣ်ဒီးမၢဆူၣ်အဝဲသ့ၣ်လၢကမၤတၢ်ဖဲ တၢ်မၤဒၢးခီတဖၣ်အလီၢ်န့ၣ်လီၤ. ကယဲၢ်ဝ့ၢ်အဂၤတဖၣ်အပှၤဂီၢ်မုၢ်လၢကီၢ်ဧၣ်မိၣ်အပူၤန့ၣ်အဝဲမၢစ့ၢ်ကီးဝဲတမံၤဃီဒ်န့ၣ်လီၤ. အန့ၣ်ဝံၤဒီးအပှၤတဖၣ်ဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:13

မ့ၢ်နတနၢ်ဟူတ့ၢ်လၢဖဲနီၢ်အံၤစ့ဘ့ၤလးမၤသံယွၤအဝံတဖၣ် အခါန့ၣ်, ယပာ်ခူသူၣ်တ့ၢ်အဝဲသ့ၣ်အကျါပှၤတကယၤဂၤလၢလၢၢ်ကအိတဖၣ်အပူၤ ခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအီၤလၢတၢ်အီၣ် ဒီးထံန့ၣ်ဘၣ်ဧါ.

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤအခီၣ်ထံးတဘ့ၣ် 19:1

စီၤပၤအၤဃာ်စံးဘၣ်အမါနီၢ်အံၤစ့ဘ့ၤလးလၢကယဲၢ်တၢ်လၢစီၤ အ့ၤလံယၤမၤတ့ၢ်ဝဲဒီးအဝဲမၤသံကွံာ်ကယဲၢ်ဘဧၤလးအဝံခဲ လၢာ်ဒ်လဲၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:13

တုၤစီၤအ့ၤလံယၤနၢ်ဟူဃီၤတၢ်န့ၣ်ဒီး, အဝဲမၤဘၢအမဲာ်လၢ အဆ့ကၤဖးဒိၣ်ဒီးဟးထီၣ်ဝဲဒီးဆၢထၢၣ်ဖဲလ့ကအိအကျဲစၢၤ န့ၣ်လီၤ. တၢ်ကလုၢ်တထံၣ်စံးဘၣ်အီၤ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 19:14

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤဒီးမၤဒၣ်တ့ၢ်နတၢ်မၤထဲနၤတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်, ဒီးမၤသံကွံာ်နဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤသံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:19

စီၤအ့ၤလံယၤဟးထီၣ်ဝဲဒီးထံၣ်ဘၣ်စီၤအလံၤၡါထဲၣ်တၢ်ဒီး ဂီၤဖံးဖါတဖုလီၤ. လၢအဝဲအမဲာ်ညါန့ၣ်ဂီၤဖံးဖါအိၣ်ဝဲတဆံတဆိ ဒီးအဝဲနီၣ်ဂီၤဖံးဖါလၢခံကတၢၢ်တဆိန့ၣ်လီၤ. စီၤအ့ၤလံယၤဘ့ၣ်လီၤကွံာ်အဆ့ကၤဖးထီဒီးပာ်ထီၣ်ဝဲလၢစီၤ အလံၤၡါအလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤခံဘ့ၣ်တဘ့ၣ် 1:8

အဝဲသ့ၣ်စံးဆၢဝဲဒၣ်, “ပှၤတဂၤန့ၣ်ကူသိးဝဲဆ့ကၤဖးဒိၣ် တဘ့ၣ်လၢအဘၣ်တၢ်ဆးအီၤလၢဆၣ်ဖိကီၢ်ဖိအဖံး, ဒီးကံာ်တူာ်အယီၢ်ဒ့ဒီးယီၢ်တကိးတၢ်ဖံးတဘိန့ၣ်လီၤ.” စီၤပၤကိးထီၣ်ဝဲ, “ပှၤန့ၣ်မ့ၢ်ဒၣ်စီၤအ့ၤလံယၤလီၤ.”

လံာ်စီၤပၤခံဘ့ၣ်တဘ့ၣ် 2:13

အန့ၣ်ဝံၤဒီး, အဝဲထၢထီၣ်စီၤအ့ၤလံယၤအဆ့ကၤဖးဒိၣ်လၢအဟဲ လီၤတဲာ်လၢအအိၣ်, ဒီးက့ၤကဒါက့ၤဝဲဒီးဆၢထၢၣ်ဝဲဖဲ ထံကျိယၢ်ဒ့ၣ်အနံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:8

အန့ၣ်ဒီး, စီၤအ့ၤလံယၤဘ့ၣ်လီၤအဆ့ကၤဖးဒိၣ်ဒီးထူထီၣ်ဝဲ ဒီးတီၢ်ထံလၢဆ့ကၤန့ၣ်, ဒီးထံသ့ၣ်ဖးကွံာ်ဝဲနီၤဖးကွံာ်အသးခံခီဒီးအဝဲဒီးစီၤ အလံၤၡါခီဂာ်ဝဲဆူထံကျိအဝၢ်ဘးခီလၢခိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 20:3

အဝဲဖီၣ်န့ၢ်ဝ့ၢ်အပှၤဂီၢ်မုၢ်ဒီးမၢအမၤတၢ်လၢထးဘူးတၢ်တဖၣ်, ထးကြဲတဖၣ်ဒီးကွါတဖၣ်န့ၣ်လီၤ. ပှၤဂီၢ်မုၢ်လၢကယဲၢ်ပှၤဧၣ်မိၣ်ဖိအဝ့ၢ်အဂၤတဖၣ်အပူၤန့ၣ်, မၤဝဲဒ်န့ၣ်အသိးတမံၤဃီန့ၣ်လီၤ. အန့ၣ်ဝံၤဒီးအဝဲဒီးအပှၤတဖၣ်ဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:21

စီၤပၤယိၤအၣ်မၤဃုာ်သကိးတၢ်ဒီးပှၤတဖုလၢအကူၣ်တၢ်အၢထီဒါ စီၤစကၤရယၤ, ဒီးလၢစီၤပၤအတၢ်ဟ့ၣ်လီၤအကလုၢ်အဃိန့ၣ်, ပှၤဂီၢ်မုၢ်ကွံာ်စီၤ စကၤရယၤလၢလၢၢ်ဖဲယွၤအတၢ်လုၢ်ဟံၣ်အဂၢၤပူၤန့ၣ်လီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 26:23

အဝဲသ့ၣ်ဟဲက့ၤ စိာ်က့ၤအီၤဆူ စီၤပၤယဟိၤယါကံၣ် အအိၣ်ဒီးအဝဲဒၣ် မၤသံကွံာ်အီၤဒီး အစိၣ်ဘၣ်တၢ်ကွံာ်လီၤအီၤဆူ ကမျၢၢ်အတၢ်သွၣ်ခိၣ် အပူၤန့ၣ်လီၤ.)

လံာ်စကၤရယၤ 13:4

ဖဲတၢ်ဆၢကတီၢ်အဝဲန့ၣ်တုၤဃီၤန့ၣ်, ဝံလၢအပာ်ကဖၢလၢ အသးလၢအတၢ်ထံၣ်လၢညါတဖၣ်အဃိမ့ၢ်ဂ့ၤ, မၤတၢ်ဒ်ဝံတဂၤအသိးမ့ၢ်ဂ့ၤ, ကူသိးဆ့ကၤလၢအသွဲးတီၢ်ကုလၢအကလီန့ၢ်ပှၤဂီၢ်မုၢ်အဂီၢ်မ့ၢ်ဂ့ၤ, တအိၣ်ဘၣ်နီတဂၤဘၣ်.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မးသဲ 21:35

ပှၤဒိးလဲစပံးလီၢ်တဖၣ် ဟံးဃာ်အဝဲအခ့အပှၤတဖၣ်, ဒီးတီၢ်ဝဲတဂၤ, မၤသံဝဲတဂၤ, ဒီးကွံာ်ဝဲလၢလၢၢ်တဂၤလီၤ.

လံာ်မးသဲ 3:4

စီၤယိၤဟၣ်ကူသိးဝဲတၢ်ကူတၢ်ကၤလၢအဘၣ်တၢ်ထါအီၤလၢကီၤလၤ အူးအဆူၣ်ဒီးအယီၢ်ဒ့န့ၣ်ဘံဃာ်ဝဲဒီးယီၢ်တကိးတၢ်ဖံးလီၤ. အဝဲအီၣ်ဝဲဒွဲၣ်ဒီးအီဝဲကနဲမံၤအစီန့ၣ်လီၤ.

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

၂ ကရံၣ်သူး 12:10

ယသူၣ်မံယသးမံယဲလၢတၢ်ဂံၢ်စၢ်ဘါစၢ်တဖၣ်, တၢ်ကတိၤဒုၣ်ဒွဲၣ်ကတိၤတရီတပါတဖၣ်, တၢ်နးတၢ်ဖှီၣ် တဖၣ်, တၢ်မၤအၢမၤနးတဖၣ်ဒီးတၢ်ကီတၢ်ခဲတဖၣ်အပူၤလၢ ခရံာ်အဃိန့ၣ်လီၤ. အဂ့ၢ်ဒ်အံၤ, ဖဲယဂံၢ်စၢ်ဘါစၢ်န့ၣ်, မ့ၢ်ယဂံၢ်ဆူၣ်ဘါဆူၣ်လီၤ.

ဧ့ၤဘြံၤ 11:25

အဝဲဃုထၢဝဲလၢအကတူၢ်သကိးတၢ်မၤအၢမၤနးဃုာ်ဒီး ကစၢ်ယွၤအပှၤဂီၢ်မုၢ်အါန့ၢ်အကမုာ်လၤတၢ်လၢတၢ်ဒဲးဘး အတၢ်မုာ်တၢ်လၤတစိၢ်တလီၢ်အပူၤတက့ၢ်လီၤ.

ဧ့ၤဘြံၤ 13:3

သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”