ဧ့ၤဘြံၤ 11:35 - Sgaw Karen Common Bible

³⁵ လၢတၢ်စူၢ်တၢ်နာ်န့ၣ်ပိာ်မုၣ်တဖၣ်န့ၢ်ဘၣ်က့ၤအဘူး အတံၢ်လၢအသံတ့ၢ်ဝဲတဖၣ်ခီဖျိတၢ်ဂဲၤဆၢထၢၣ်သမူ ထီၣ်က့ၤန့ၣ်လီၤ. ပှၤအဂၤတဖၣ်လၢအတတူၢ်လိာ်ဘၣ်တၢ်ပျၢ်ထူၣ်ဖျဲးထီၣ်အီၤ ဘၣ်န့ၣ်သံဝဲလၢတၢ်မၤအၢမၤနးအဃိဒ်သိးအကဘၣ် တၢ်ဒုးဂဲၤဆၢထၢၣ်က့ၤအီၤဆူတၢ်မူလၢအဂ့ၤဒၣ်တၢ် တက့ၢ်န့ၣ်လီၤ.

ဧ့ၤဘြံၤ 11:35 Iomraidhean Croise

လံာ်မးသဲ 22:30

အဂ့ၢ်ဒ်အံၤ, လၢတၢ်ဂဲၤဆၢထၢၣ်သမူထီၣ်က့ၤလၢတၢ်သံအမုၢ် တနံၤန့ၣ်, ပှၤကညီတဖၣ်ကလီၤဂာ်ဒီးကလူးလၢမူခိၣ်တဖၣ်, ဒီးတန့ၢ်မါန့ၢ်ဝၤလၢၤဘၣ်.

လံာ်မၢ်ကူး 12:25

အဂ့ၢ်ဒ်လဲၣ်န့ၣ်, တုၤပှၤသံတဖၣ်ဂဲၤဆၢထၢၣ်သမူထီၣ်က့ၤဒီး, ပှၤတန့ၢ်မါန့ၢ်ဝၤလၢၤဘၣ်ဒီးတၢ်ဒိးတ့ဒိးဖျီလိာ်သးတအိၣ် လၢၤဘၣ်.

လံာ်လူၤကၣ် 14:14

ဒီးနကဘၣ်တၢ်ဆိၣ်ဂ့ၤနၤလီၤ. အဂ့ၢ်ဒ်အံၤ, အဝဲသ့ၣ်ဟ့ၣ်ဆၢက့ၤနၤတသ့ဘၣ်. ဖဲပှၤဂ့ၤပှၤဝါတဖၣ်ဂဲၤဆၢထၢၣ်သမူထီၣ်က့ၤလၢတၢ်သံအဆၢ ကတီၢ်န့ၣ်, နကဘၣ်တၢ်ဟ့ၣ်ဘျုးက့ၤနၤလၢကစၢ်ယွၤလီၤ.”

လံာ်လူၤကၣ် 20:36

အဝဲသ့ၣ်လီၤဂာ်ဒီးကလူးတဖၣ်, ဒီးသံဝဲတသ့ဘၣ်. အဝဲသ့ၣ်မ့ၢ်ကစၢ်ယွၤအဖိတဖၣ်, အဂ့ၢ်မ့ၢ်လၢအဂဲၤဆၢထၢၣ်က့ၤလံဝဲလၢတၢ်သံအဃိန့ၣ်လီၤ.

လံာ်ယိၤဟၣ် 5:29

ဒီးကဟဲက့ၤထီၣ်ဝဲလၢအသွၣ်ခိၣ်အပူၤ, ပှၤလၢအမၤတၢ်ဂ့ၤတဖၣ်ကဂဲၤဆၢထၢၣ်က့ၤဒီးမူဝဲ ဒီးပှၤလၢအမၤတၢ်အၢတဖၣ်ကဂဲၤဆၢထၢၣ်က့ၤဒီး ဘၣ်တၢ်စံၣ်ညီၣ်ဃၣ်အီၤန့ၣ်လီၤ.

မၤတၢ် 22:29

တဘျီဃီဖဲန့ၣ်, ပှၤလၢအကသမံသမိးစီၤပီလူးတဖၣ်သုးကွံာ်အသးလၢ အအိၣ်လီၤ. ဒီးသုးဖိတကထိအခိၣ်ပျံၤတၢ်ဖဲအသ့ၣ်ညါ လၢစီၤပီလူးမ့ၢ်ရိမ့ၤအပှၤထံဖိကီၢ်ဖိတဂၤ, ဒီးအဝဲစၢဃာ်ဘၣ်အီၤလၢပျံၤထးတဖၣ်အဃိန့ၣ်လီၤ.

မၤတၢ် 23:6

ဖဲစီၤပီလူးထံၣ်လၢပှၤအိၣ်ဖဲန့ၣ်တနီၤမ့ၢ်ပှၤစးဒူၤကဲဒီး အဂၤတနီၤမ့ၢ်ပှၤဖၤရံၤၡဲန့ၣ်, အဝဲဒၣ်ကိးထီၣ်လၢကီၣ်ကး တၢ်အိၣ်ဖှိၣ်အပူၤ, “ယဒီပုၢ်ဝဲၢ်သ့ၣ်ဧၢ, ယမ့ၢ်ပှၤဖၤရံၤၡဲတဂၤ, ပှၤဖၤရံၤၡဲတဖၣ်အဖိခွါလီၤ. ယဘၣ်တၢ်သမံသမိးယၤဖဲအံၤမ့ၢ်လၢယမုၢ်လၢ်ပှၤသံကဘၣ် တၢ်ဒုးဂဲၤဆၢထၢၣ်သမူထီၣ်က့ၤအီၤအဃိလီၤ.”

မၤတၢ် 24:15

ယအိၣ်ဒီးတၢ်မုၢ်လၢ်တမံၤဃီဒီးပှၤသ့ၣ်တဖၣ် အံၤလၢကစၢ်ယွၤအပူၤ, လၢပှၤကိးဂၤဒဲး, ပှၤအဂ့ၤမ့ၢ်ဂ့ၤ, ပှၤအအၢမ့ၢ်ဂ့ၤကဂဲၤထၢၣ်သမူထီၣ်က့ၤဝဲန့ၣ်လီၤ.

မၤတၢ် 4:19

ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.

မၤတၢ် 9:41

စီၤပ့းတရူးယူာ်ဃီၤအစုဒီးဝံၢ်ဆၢထၢၣ်စၢၤအီၤလီၤ. အန့ၣ်ဝံၤကိးနုာ်က့ၤပှၤစီဆှံဒီးမုၣ်ကမဲတဖၣ်, ဒီးဒုးနဲၣ်အဝဲသ့ၣ်လၢပိာ်မုၣ်န့ၣ်မူဝဲန့ၣ်လီၤ.

1 ကရံၣ်သူး 15:54

မၤသးဒ်န့ၣ်ဒီး ဖဲတၢ်သံသ့ဘၣ်တၢ်ဒုးသိးထီၣ်တ့ၢ်အီၤလၢတၢ် သံတသ့, ဒီးတၢ်လၢအဟးဂီၤသ့ဘၣ်တၢ်ဒုးသိးထီၣ်တ့ၢ် အီၤလၢတၢ်ဟးဂီၤတသ့န့ၣ်, တုၤနုၤတစုတၢ်ကွဲးအသးကဟဲလၢထီၣ်ပှဲၤထီၣ်ဝဲဒၣ်လီၤ.

ဖံလံးပံၤ 3:11

အိၣ်ဒီးတၢ်မုၢ်လၢ်လၢယနီၢ်ကစၢ်ဒၣ်ယဲယကဘၣ်တၢ်ဒုးဂဲၤဆၢထၢၣ် သမူထီၣ်က့ၤယၤလၢတၢ်သံန့ၣ်လီၤ.