ဧ့ၤဘြံၤ 11:34 - Sgaw Karen Common Bible

³⁴ မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.

ဧ့ၤဘြံၤ 11:34 Iomraidhean Croise

လံာ်စီၤပၤအခီၣ်ထံးတဘ့ၣ် 19:1

စီၤပၤအၤဃာ်စံးဘၣ်အမါနီၢ်အံၤစ့ဘ့ၤလးလၢကယဲၢ်တၢ်လၢစီၤ အ့ၤလံယၤမၤတ့ၢ်ဝဲဒီးအဝဲမၤသံကွံာ်ကယဲၢ်ဘဧၤလးအဝံခဲ လၢာ်ဒ်လဲၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 19:3

စီၤအ့ၤလံယၤပျံၤတၢ်ဒီးဃ့ၢ်ပူၤဖျဲးလၢအသးသမူအဂီၢ်လီၤ. အဝဲကိးထီၣ်အခ့အပှၤဒီးလဲၤဝဲဆူဝ့ၢ်ဘ့ၢ်ၡဘၤလၢကီၢ်ယူဒၤ အပူၤန့ၣ်လီၤ. အဝဲပာ်တီၢ်အခ့အပှၤဖဲန့ၣ်,

လံာ်စီၤပၤခံဘ့ၣ်တဘ့ၣ် 6:1

ဘၣ်မုၢ်တနံၤ, ဝံတဖၣ်လၢအဘၣ်တၢ်ကွၢ်ထွဲပၢဆှၢအီၤလၢစီၤ အလံၤၡါန့ၣ်ကဒူးကဒ့ၣ်တၢ်ဆူအအိၣ်စံးဝဲ, “တၢ်လီၢ်လၢပအိၣ်ဆိးန့ၣ်အံၣ်ကဲာ်ဆိးလီၤ.”

လံာ်စီၤပၤခံဘ့ၣ်တဘ့ၣ် 6:32

ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်စီၤယိၤဘး 42:10

တုၤစီၤယိၤဘးဘါထုကဖၣ်တၢ်လၢအတံၤသကိးသၢဂၤ အဂီၢ်ဝံၤအလီၢ်ခံန့ၣ်, ယွၤမၤဘီၣ်ထီၣ်ညီထီၣ်ကဒါက့ၤကဒီး အီၤ, ဒီးဟ့ၣ်အီၤတၢ်လၢအအိၣ်တ့ၢ်ဒီးအီၤလၢညါခံစးန့ၣ်လီၤ.

လံာ်စီၤယိၤဘး 5:20

တုၤတၢ်သၣ်ဝံၤလီၤဒိဟဲဝဲန့ၣ်ဒီးအဝဲကပာ်မူနၤဒီး, လၢတၢ်ဒုးတၢ်ယၤအပူၤကဟုဘံၣ်ကယာ်ဘၢနၤလၢတၢ်သံန့ၣ်လီၤ.

စံးထီၣ်ပတြၢၤ 124:7

ပထူၣ်ဖျဲးလံဒ်ထိၣ်တဘ့ၣ်လၢ ပှၤဖီၣ်ထိၣ်အပျံၤသကွီၤအပူၤအသိးန့ၣ်လီၤ. ပျံၤသကွီၤတဲာ်ကွံာ်လံ, ဒီးပဝဲဒၣ်အံၤပထူၣ်ဖျဲးတ့ၢ်လံ.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

စံးထီၣ်ပတြၢၤ 6:8

ကယဲၢ်ပှၤမၤတၢ်အၢတၢ်သီခဲလၢာ်သ့ၣ်ဧၢ, ဟးထီၣ်ကွံာ်လၢယအိၣ်တက့ၢ်. အဂ့ၢ်ဒ်အံၤ, ယွၤနၢ်ဟူလံယဟီၣ်တၢ်အသီၣ်လံ.

စံးထီၣ်ပတြၢၤ 66:12

နပျဲပဒုၣ်ပဒါတဖၣ်ယီၢ်တံၢ်ပှၤ, ပလဲၤခီဖျိမ့ၣ်အူဒီးထံ, ဘၣ်ဆၣ်ခဲအံၤနဟဲစိာ်ပှၤဆူ တၢ်ပူၤဖျဲးအလီၢ်န့ၣ်လီၤ.

လံာ်တၢ်ဟးထီၣ်ကွံာ် 18:4

အဝဲစံးစ့ၢ်ကီးဝဲ, “ယပၢ်အကစၢ်ယွၤမၤစၢၤယၤဒီးမၤပူၤ ဖျဲးယၤလၢကီၢ်အဲၤကူပတူးအစီၤပၤအတၢ်မၤသံမၤဝီန့ၣ် လီၤ.” မၤသးဒ်န့ၣ်ဒီးယုၢ်ဝဲအဖိခွါအဂၤတဂၤန့ၣ်အမံၤလၢစီၤအလံၤ ဧ့စ့ၢ်န့ၣ်လီၤ.)

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယံးရမံယၤ 26:24

ဘၣ်ဆၣ်, မ့ၢ်လၢစီၤၡ့ၤဖၣ်အဖိခွါ စီၤအဃံကၣ်အတၢ်မၤ စၢၤယၤအဃိဒီး, ယတဘၣ်တၢ်ဟ့ၣ်လီၤကွံာ်ယၤဆူပှၤဂီၢ် မုၢ်အစုပူၤလၢ တၢ်ကမၤသံယၤအဂီၢ်န့ၣ်ဘၣ်.

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

လံာ်ပှၤစံၣ်ညီၣ်ကွီၢ် 15:8

ဒီးအဝဲမၤဒၢၣ်ကွံာ်ပှၤဖလ့ၡသးဖိနးနးကလဲာ်ဒီးမၤသံကွံာ်အီၤအါဂၤလီၤ. တုၤနုၤတစု, အဝဲလဲၤအိၣ်လၢလ့ကအိပူၤဖဲ ဧ့ၤတၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:11

ဒီးစံးလီၤအသး, “ယကဆဲးတ့ၢ်အီၤလၢဂီၤပၤအလိၤလီၤ.” ဒီးကွံာ်ဝဲဘီန့ၣ်ဆူစီၤဒၤဝံးအအိၣ်ခံဘျီဘၣ်ဆၣ်ဒီးစီၤ ဒၤဝံးပဒ့ၣ်အသးပူၤတဘျီဘၣ်တဘျီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:10

စီၤစီလူးကျဲးစၢးဝဲဒ်သိးကဆဲးတံၢ်စီၤဒၤဝံးလၢဂီၤပၤအလိၤလၢ အဘီလီၤ. ဘၣ်ဆၣ်ဒီး, စီၤဒၤဝံးပဒ့ၣ်အသးဒီးဘီန့ၣ်စဲဘူးအသးလၢဂီၤ ပၤလိၤဒီးစီၤဒၤဝံးဃ့ၢ်ထီၣ်ကွံာ်ဝဲဒီးပူၤဖျဲးဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:1

တုၤနုၤတစုစီၤဒၤဝံးထွးထီၣ်ဃ့ၢ်လၢနၤဝိးလၢဝ့ၢ်ရၤမါ ဒီးလဲၤဆူစီၤယိနၤသၣ်အအိၣ်လီၤ. စီၤဒၤဝံးသံကွၢ်ဝဲ, “မ့ၢ်ယမၤတ့ၢ်တၢ်မနုၤလဲၣ်. ယမၤတ့ၢ်တၢ်ကမၣ်ခီပတာ်တၢ်သိၣ်တၢ် သီမနုၤလဲၣ်. ယမၤကမၣ်ဘၣ်တ့ၢ်နပၢ်တုၤလၢအကဘၣ်အဲၣ်ဒီးမၤသံယၤန့ၣ်လၢမနုၤ တမံၤလဲၣ်.”