ဧ့ၤဘြံၤ 11:32 - Sgaw Karen Common Bible

³² ယကဘၣ်စံးအါထီၣ်ဒံးတၢ်မနုၤလဲၣ်. အဂ့ၢ်ဒ်အံၤယမ့ၢ်စံး ကတိၤလၢစီၤကံးဒဧိၣ်, စီၤဘါရး, စီၤၡံၣ်ၡိၣ်, စီၤယံးဖသၤ, စီၤဒၤဝံး, စီၤၡမူၤအ့လးဒီးဝံတဖၣ်အဂ့ၢ်န့ၣ်တၢ်ဆၢကတီၢ် တမ့ၢ်ကလၢလၢယဂီၢ်ဘၣ်.

ဧ့ၤဘြံၤ 11:32 Iomraidhean Croise

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်မးသဲ 5:12

သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.

လံာ်လူၤကၣ် 16:31

ဘၣ်ဆၣ်ဒီးစီၤအၤဘြၤဟၣ်စံးဝဲ, ‘အဝဲသ့ၣ်မ့ၢ်တစူၢ်စီၤမိၤၡ့ဒီးဝံတဖၣ်အတၢ်ကွဲးန့ၣ်, ပှၤတဂၤမ့ၢ်ဂဲၤဆၢထၢၣ်က့ၤလၢတၢ်သံသနာ်က့, တမ့ၢ်အဝဲသ့ၣ်ကစူၢ်ကနာ်တၢ်ဘၣ်.’ ”

လံာ်ယိၤဟၣ် 21:25

တၢ်အဂုၤအဂၤတဖၣ်လၢယ့ၣ်ၡူးမၤဝဲန့ၣ်, အိၣ်ဒံးအါမံၤန့ၣ်လီၤ. တၢ်မ့ၢ်ကွဲးလီၤအီၤတမံၤဘၣ်တမံၤခဲလၢာ်ဒီး, ယဆိကမိၣ်လၢလံာ်တဖၣ်လၢအကဘၣ်တၢ်ကွဲးအီၤန့ၣ်, ဟီၣ်ခိၣ်ဒီဘ့ၣ်တမ့ၢ်လၢအကတြီၢ်လၢၤဘၣ်န့ၣ်လီၤ.

မၤတၢ် 10:43

ဝံကိးဂၤဒဲးကတိၤတ့ၢ်တၢ်ဘၣ်ဃးလၢအဂ့ၢ်, ဒီးစံးဝဲလၢကယဲၢ်ပှၤစူၢ်က့ၤနာ်က့ၤအီၤတဂၤလၢ်လၢ်အတၢ်ဒဲးဘး ကဘၣ်တၢ်ပျၢ်ကွံာ်အီၤလၢအမံၤအစိကမီၤအဃိန့ၣ်လီၤ.”

မၤတၢ် 13:20

တၢ်တဖၣ်အံၤခဲလၢာ်မၤအသးလၢအနံၣ်လွံၢ်ကယၤယဲၢ်ဆံ ဃၣ်ဃၣ်အတီၢ်ပူၤန့ၣ်လီၤ. အန့ၣ်ဝံၤ, အဝဲဒၣ်ဟ့ၣ်လီၤအဝဲသ့ၣ်လၢပှၤစံၣ်ညီၣ်ကွီၢ်တဖၣ် တုၤလီၤလၢဝံစီၤၡမူၤအ့လးကဲထီၣ်ပှၤခိၣ်ပှၤနၢ်အဆၢကတီၢ်န့ၣ်လီၤ.

မၤတၢ် 3:24

ဒီးဝံခဲလၢာ်လၢအအိၣ်ဒီးယွၤအတၢ်ကစီၣ်, စးထီၣ်လၢစီၤၡမူၤအ့လးဒီးဝံဟဲလၢအဝဲဒၣ်အလီၢ်ခံ တဖၣ်ဘိးဘၣ်သ့ၣ်ညါဆိပာ်စ့ၢ်ကီးတၢ်လၢအမၤအသးလၢမုၢ် မဆါတနံၤအံၤတဖၣ်အဂ့ၢ်န့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ရိမ့ၤ 4:1

မ့မ့ၢ်ဒ်န့ၣ်ဒီး, ပကစံးလၢပပှၤကလုာ်အပၢ်စီၤအၤဘြၤဟၣ် အဂ့ၢ်ဒ်လဲၣ်. အတၢ်လဲၤခီဖျိမ့ၢ်တၢ်မနုၤလဲၣ်.

ရိမ့ၤ 6:1

မ့မ့ၢ်ဒ်န့ၣ်ဒီး, ပကစံးဒ်လဲၣ်. မ့ၢ်ပကအိၣ်မူဒံးလၢတၢ်ဒဲးဘး အပူၤဒ်သိးကစၢ်ယွၤအဘျုးအဖှိၣ်ကအါထီၣ်ဝဲအဂီၢ်န့ၣ်ဧါ.

ရိမ့ၤ 7:7

မ့မ့ၢ်ဒ်န့ၣ်ဒီး, ပကစံးဒ်လဲၣ်. တၢ်သိၣ်တၢ်သီအိၣ်ဒၣ်အတၢ် န့ၣ်မ့ၢ်တၢ်ဒဲးဘးဧါ. တမ့ၢ်ဒ်န့ၣ်ဘၣ်. ဘၣ်ဆၣ်တၢ်သိၣ်တၢ်သီမ့ၢ်တၢ်လၢအဒုးသ့ၣ်ညါ ယၤတၢ်ဒဲးဘးမ့ၢ်တၢ်မနုၤလဲၣ်န့ၣ်လီၤ. တၢ်သိၣ်တၢ်သီမ့ၢ် တစံး “သူၣ်လီသးကွံတၢ်တဂ့ၤ” ဒီးတၢ်သူၣ်လီ သးကွံမ့ၢ်တၢ်မနုၤလဲၣ်န့ၣ် တမ့ၢ်ယကသ့ၣ်ညါဘၣ်.

ယၤကိာ် 5:10

ယဒီပုၢ်ဝဲၢ်သ့ၣ်ဧၢ, သ့ၣ်နီၣ်ထီၣ်ဝံတဖၣ်လၢအကတိၤတၢ်လၢကစၢ်အမံၤအပူၤန့ၣ်တက့ၢ်. ပာ်အဝဲသ့ၣ်ဒ်တၢ်အဒိအတဲာ်ဘၣ်ဃးဒီးတၢ်တူၢ်တၢ်နးတၢ်ဖှီၣ်လၢ တၢ်ဝံသးစူၤအပူၤန့ၣ်တက့ၢ်.

၂ ပ့းတရူး 1:21

အဂ့ၢ်ဒ်လဲၣ်န့ၣ်, ဝံအတၢ်ကစီၣ်တဟဲလၢပှၤကညီ အတၢ်ဘၣ်အသးဒၣ်ဝဲနီတဘျီဘၣ်. မ့မ့ၢ်ဒ်သးစီဆှံ ပၢၤဒီးထိၣ်ဂဲၤအသးအသိး, အဝဲသ့ၣ်ကတိၤတၢ်ကစီၣ်လၢ အဟဲလၢကစၢ်ယွၤအအိၣ်န့ၣ်လီၤ.

၂ ပ့းတရူး 3:2

ယသးအိၣ်လၢသုကသ့ၣ်နီၣ်ထီၣ်တၢ်ကတိၤတဖၣ်လၢဝံ စီဆှံတဖၣ်ကတိၤတ့ၢ်ဝဲလၢပျၢၤ, ဒီးကစၢ်ဒီးပှၤအုၣ်က့ၤခီၣ်က့ၤတၢ်အတၢ်မၤလိာ်လၢ အဘၣ်တၢ်ဟ့ၣ်လီၤသုခီဖျိသုတၢ်မၢဖိတဖၣ်လီၤ.

လံာ်ပှၤစံၣ်ညီၣ်ကွီၢ် 13:24

ဒီးပိာ်မုၣ်န့ၣ်ဆံးစၢ်ထီၣ်အဖိခွါတဂၤဒီးယုၢ်ဝဲအမံၤလၢ စီၤၡံၣ်ၡိၣ်လီၤ. ဖိသၣ်ဒိၣ်ထီၣ်ဝဲဒီးယွၤဆိၣ်ဂ့ၤအီၤလီၤ.

လံာ်ပှၤစံၣ်ညီၣ်ကွီၢ် 15:20

ဒီးစီၤၡံၣ်ၡိၣ်ဆှၢပှၤအံၣ်စရ့လးဖိအနံၣ်ခံဆံဖဲပှၤဖလ့ၡသးဖိပၢဘၣ်ကီၢ်အခါန့ၣ်လီၤ.

လံာ်ပှၤစံၣ်ညီၣ်ကွီၢ် 4:1

ဖဲစီၤအ့ဟူာ်သံဝံၤအလီၢ်ခံန့ၣ်အံၣ်စရ့လးအပှၤဂီၢ်မုၢ် မၤကဒီးတၢ်ဒဲးဘးထီဒါယွၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:1

မၤကဒီးတစု, အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါယွၤ အဃိဒီး, အဝဲပျဲကီၢ်မံးဒယၣ်အပှၤဂီၢ်မုၢ်ပၢအဝဲသ့ၣ်နွံနံၣ်လီၤ.

လံာ်ပှၤစံၣ်ညီၣ်ကွီၢ် 6:11

အန့ၣ်ဝံၤဒီး, ယွၤအကလူးန့ၣ်ဟဲဆူသဝီဧိးဖြၤဒီးဆ့ၣ်နီၤလၢ သ့ၣ်သ့ထိးဖၣ်တထံးအဖီလာ်လၢအဘၣ်ဃးဒီးစီၤယိၤအၣ်လၢအမ့ၢ် ပှၤအဘံၤဧ့စ့ၢ်ဖိန့ၣ်လီၤ. အဝဲအဖိခွါစီၤကံးဒဧိၣ်န့ၣ်တီၢ်ခူသူၣ်ဘုကၠူၣ်တနီၤလၢနီၣ် စံၢ်စပံးသၣ်အလီၢ်ဒ်သိးပှၤမံးဒယၣ်ဖိတဖၣ်အသုတထံၣ်အီၤတဂ့ၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:14

တုၤနုၤတစု, ယွၤစံးဘၣ်အီၤ, “လဲၤထီၣ်ဒီးနဂံၢ်ဆူၣ်ဘါဆူၣ်ဖးဒိၣ်ခဲလၢာ်ဒီးအုၣ်က့ၤခီၣ်က့ၤပှၤအံၣ်စရ့လးဖိလၢ ပှၤမံးဒယၣ်ဖိတဖၣ်အစုပူၤတက့ၢ်. ယနီၢ်ကစၢ်ဒၣ်ယဲ, ယဆှၢလီၤနၤလီၤ”.

လံာ်စီၤၡမူၤအ့လးအခီၣ်ထံးတဘ့ၣ် 1:20

မၤသးဒ်န့ၣ်ဒီး, တၢ်န့ၣ်မ့ၢ်နီၢ်ဃးနၤအိၣ်ထီၣ်ဒီးအဟုးအသး ဒီးဆံးစၢ်ထီၣ်အဖိခွါတဂၤအဂ့ၢ်လီၤ. ပိာ်မုၣ်န့ၣ်ယုၢ်န့ၢ်အမံၤလၢစီၤၡမူၤအ့လးဒီးတဲဖျါထီၣ်ဝဲ အခီပညီလၢ, “ယဃ့န့ၢ်အီၤလၢယွၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:11

ဒီးယွၤဆှၢလီၤစီၤကံးဒဧိၣ်, ဝံၤဒီးစီၤဘါရးဝံၤဒီးစီၤ ယံးဖသၤဒီးလီၢ်ခံကတၢၢ်မ့ၢ်ယၤန့ၣ်လီၤ. ပဝဲတဂၤစုာ်စုာ်ပအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစု ပူၤဒီးသုအိၣ်မူလၢတၢ်ဘံၣ်တၢ်ဘၢတၢ်ပူၤဖျဲးအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:45

စီၤဒၤဝံးစံးဆၢဝဲဒၣ်, “နဟဲထီဒါယၤလၢနး, ဘီဒီးဘီဖိတဖၣ်လီၤ. မ့မ့ၢ်ယဟဲထီဒါနၤလၢပှၤအံၣ်စရ့လး ဖိအသုးမုၢ်အကစၢ်ယွၤ, ယွၤသ့တၢ်လၢာ်, လၢနမၤတရီတပါအီၤတဂၤန့ၣ်အမံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:11

ဒီးစီၤအ့လကါနၤက့ၤကဒါက့ၤဆူအဟံၣ်လၢဝ့ၢ်ရၤမါလီၤ. မ့မ့ၢ်စီၤၡမူၤအ့လးအိၣ်တ့ၢ်ဝဲလၢဝ့ၢ်ၡံလိၤဒီးမၤယွၤ အတၢ်မၤလၢစီၤဧ့လံၤအဖီလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:4

ပှၤသုးဖိအဂံၢ်အဘါဆူၣ်တဖၣ်အချံၣ်န့ၣ်တၢ်မၤကၢ်အီၤ, မ့မ့ၢ်ပှၤအဂံၢ်စၢ်ဘါစၢ်န့ၣ်အဂံၢ်အဘါဆူၣ်ထီၣ်လီၤ.