ဧ့ၤဘြံၤ 11:31 - Sgaw Karen Common Bible

³¹ လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

ဧ့ၤဘြံၤ 11:31 Iomraidhean Croise

လံာ်မးသဲ 1:1

အအံၤမ့ၢ်တၢ်ကွဲးဖျါထီၣ်ယ့ၣ်ၡူးခရံာ်အတၢ်ဟဲလီၤစၢၤ အဂ့ၢ်လီၤ. အဝဲမ့ၢ်ပှၤဟဲလီၤစၢၤလၢစီၤဒၤဝံးလၢအဟဲလီၤစၢၤလၢစီၤ အၤဘြၣ်ဟၣ်လီၤ.

လံာ်မးသဲ 1:5

(ဘၣ်တၢ်ကိးစ့ၢ်ကီးလၢစီၤရၣ် - ရူၤသး ၄:၁၉), စီၤဧးမံၤနဒး, စီၤနးၡိၣ်, စီၤစၤလမိၣ်,

မၤတၢ် 15:33

အဝဲသ့ၣ်အိၣ်ဖဲန့ၣ်စှၤနွံဝံၤအလီၢ်ခံ, ဘၣ်တၢ်ပျၢ်က့ၤအီၤမုာ်မုာ်လၢပှၤစူၢ်က့ၤနာ်က့ၤတၢ်တဖၣ်, ဒီးအဝဲသ့ၣ်က့ၤက့ၤဆူပှၤလၢအမၢလီၤတ့ၢ်အီၤတဖၣ်အအိၣ် န့ၣ်လီၤ.

ဧ့ၤဘြံၤ 3:18

ပှၤလၢကစၢ်ယွၤဆိၣ်လီၤအသးလၢအတလဲၤနုာ်ဘၣ်ဝဲဆူ အတၢ်အိၣ်ဘှံးအပူၤလ့ၤတက့ၤဘၣ်န့ၣ်မ့ၢ်မတၤတဖၣ် လဲၣ်. မ့ၢ်ပှၤလၢအတဒိကနၣ်တၢ်တဖၣ်တမ့ၢ်ဘၣ်ဧါ.

ယၤကိာ် 2:25

ပှၤဃဲသဲမုၣ်နီၢ်ရၤဃးမ့ၢ်တၢ်ဒ်န့ၣ်အသိးစ့ၢ်ကီးလီၤ. အဝဲဘၣ်တၢ်ပာ်တီပာ်လိၤအီၤခီဖျိအတၢ်မၤလၢအမ့ၢ်ဝဲ တၢ်တူၢ်လိာ်ပှၤအံၣ်စရ့လးဖိအပှၤကွၢ်ဟုၣ်ကွၢ်စုာ်တၢ် တဖၣ်, ဒီးမၤစၢၤအဝဲသ့ၣ်ဒ်သိးအကဃ့ၢ်ပူၤဖျဲးကွံာ် အသးလၢကျဲအဂၤတဘိန့ၣ်လီၤ.

လံာ်စီၤယိၤၡူ 1:1

ယွၤအခ့အပှၤစီၤမိၤၡ့သံဝံၤအလီၢ်ခံန့ၣ်, ယွၤကတိၤတၢ်ဒီးပှၤလၢအမၤစၢၤစီၤမိၤၡ့, စီၤယိၤၡူလၢအမ့ၢ်စီၤနိၣ်အဖိခွါန့ၣ်လီၤ.

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,