ဧ့ၤဘြံၤ 11:23 - Sgaw Karen Common Bible

²³ လၢတၢ်စူၢ်တၢ်နာ်န့ၣ်, စီၤမိၤၡ့အိၣ်ဖျဲၣ်ထီၣ်ဝံၤအလီၢ်ခံအမိၢ် အပၢ်တဖၣ်ပာ်ခူသူၣ်အီၤသၢလါလီၤ. အဂ့ၢ်မ့ၢ်လၢ အထံၣ်ဝဲလၢဖိသၣ်အံၤအက့ၢ်အဂီၤဂ့ၤဒီးဃံလၤဝဲသတး ဒီးအဝဲသ့ၣ်တပျံၤဘၣ်စီၤပၤအတၢ်မၤလိာ်ဘၣ်.

ဧ့ၤဘြံၤ 11:23 Iomraidhean Croise

စံးထီၣ်ပတြၢၤ 118:6

ယွၤအိၣ်ဒီးယၤဒီးယတပျံၤဘၣ်တၢ်ဘၣ်. ပှၤကညီမၤယၤကသ့မနုၤလဲၣ်.

စံးထီၣ်ပတြၢၤ 56:4

ယသန့ၤယသးလၢကစၢ်ယွၤအပူၤ ယတအိၣ်ဘၣ်ဒီးတၢ်ပျံၤဘၣ်န့ၣ်လီၤ. ယစံးထီၣ်ပတြၢၤအီၤလၢ အတၢ်အၢၣ်လီၤအီလီၤအဃိ, ပှၤကညီမၤယၤကသ့ဒ်လဲၣ်.

လံာ်တၢ်ဟးထီၣ်ကွံာ် 1:16

“ဖဲသုမၤစၢၤပှၤဧ့ၤဘြံၤမုၣ်တဖၣ်ဆံးစၢ်အဖိန့ၣ်မ့ၢ်အိၣ် ဖျဲၣ်ထီၣ်အပိာ်ခွါဖိဒီးမၤသံကွံာ်အီၤတက့ၢ်. မ့မ့ၢ်အပိာ်မုၣ်ဖိဒီးပျဲအမူတက့ၢ်,” န့ၣ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

မၤတၢ် 7:20

ဖဲအကတီၢ်န့ၣ်စီၤမိၤၡ့အိၣ်ဖျဲၣ်ထီၣ်ဝဲ, ဒီးမ့ၢ်ဖိသၣ်လၢအဒိၣ် တၢ်ဂ့ၤမးဒီးယွၤဘၣ်သူၣ်ဘၣ်သးလၢအီၤတဂၤလီၤ. အဝဲဒၣ်ဘၣ်တၢ်အံးထွဲကွၢ်ထွဲအီၤလၢအပၢ်အဟံၣ်ပူၤသၢလါလီၤ.

ဧ့ၤဘြံၤ 13:6

လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”