ဧ့ၤဘြံၤ 11:21 - Sgaw Karen Common Bible

²¹ လၢတၢ်စူၢ်တၢ်နာ်ဖဲစီၤယၤကိာ်ဘူးထီၣ်လၢအကသံန့ၣ်, ဆိၣ်ဂ့ၤဆိၣ်ဝါစီၤယိၤသးအဖိခွါခံဂၤလိာ်လီၤ. အဝဲအိၣ်သန့ၤအသးလၢအနီၣ်ထိးဘိအလိၤဒီးဘူၣ်ထီၣ်ဘါထီၣ် ကစၢ်ယွၤလီၤ.

ဧ့ၤဘြံၤ 11:21 Iomraidhean Croise

လံာ်တၢ်ကဲထီၣ်အခီၣ်ထံး 47:31

စီၤယၤကိာ်စံးဝဲ, “မၤတၢ်ဆိၣ်တမံၤလၢနကမၤအီၤန့ၣ်တ က့ၢ်.” ဒီးစီၤယိၤသးမၤတၢ်ဆိၣ်န့ၣ်, ဒီးစီၤယၤကိာ်စံးဘျုးစံး ဖှိၣ်တၢ်ဖဲန့ၣ်, လၢလီၢ်မံခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:1

လၢခံတယံာ်ဘၣ်န့ၣ်, စီၤယိၤသးဘၣ်တၢ်တဲဘၣ်အီၤလၢအပၢ်ဘၣ်ဆူး ဘၣ်ဆါဝဲဒၣ်န့ၣ်လီၤ. အဃိအဝဲ, ကိးထီၣ်အဖိခွါခံဂၤလၢအမ့ၢ်စီၤမနၤ ၡ့ၤဒီးစီၤအ့ဖရဲၣ်, ဒီးလဲၤထံၣ်စီၤယၤကိာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:47

လၢတၢ်န့ၣ်အမဲာ်ညါ, ကွီၢ်အပဒိၣ်ပပှၢ်တဖၣ်လဲၤနုာ်ဒ်သိးကဟ့ၣ်ထီၣ် တၢ်ယူးယီၣ်ဆူတၢ်ဒိၣ်ကစၢ်စီၤပၤဒၤဝံးဒီးစံးဝဲ, မ်နကစၢ်ယွၤဒုးမၤမံၤဟူသၣ်ဖျါစီၤၡလိၤမိၤအါန့ၢ်ဒံးနၤ ဒၣ်လဲာ်, တက့ၢ်န့ၣ်လီၤ. အန့ၣ်တစု, စီၤပၤဒၤဝံးသကူးလီၤအသးဒီးဘူၣ် ထီၣ်ဘါထီၣ်တၢ်လၢအလီၢ်မံအဖီခိၣ်န့ၣ်လီၤ.