ဧ့ၤဘြံၤ 11:19 - Sgaw Karen Common Bible

¹⁹ အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.

ဧ့ၤဘြံၤ 11:19 Iomraidhean Croise

လံာ်တၢ်ကဲထီၣ်အခီၣ်ထံး 22:13

ဒီးစီၤအၤဘြၤဟၣ်ကွၢ်တၢ်ဆူအခိၣ်အဃၢၤဒီးထံၣ်ဘၣ်သိဖါတဒု အနၢၤတဖၣ်ဘၣ်ဘျးလၢသ့ၣ်တပှီာ်တပှာ်အကျါဒီးအဝဲ လဲၤဖီၣ်န့ၢ်အီၤဒီးလုၢ်ထီၣ်အီၤဒ်တၢ်လုၢ်မ့ၣ်အူတမံၤအသိးလၢ အဖိခွါအလီၢ်န့ၣ်လီၤ.

လံာ်မးသဲ 12:36

နာ်ယၤတက့ၢ်. လၢတၢ်စံၣ်ညီၣ်အမုၢ်တနံၤန့ၣ်, ပှၤကိးဂၤဒဲးကဘၣ်စံးဆၢတၢ်လၢကယဲၢ်အတၢ်ကတိၤကလီ ကလီကိးဘီဒဲးအဂီၢ်လီၤ.

လံာ်မးသဲ 9:28

ဖဲယ့ၣ်ၡူးလဲၤနုာ်ဆူဟံၣ်ပူၤန့ၣ်, ပှၤမဲာ်ဘျီၣ်ခံဂၤဟဲဆူအအိၣ်ဒီးအဝဲဒၣ်သံကွၢ်အဝဲသ့ၣ်, “သုနာ်လၢယမၤဘျါက့ၤသုသ့ဧါ.” အဝဲသ့ၣ်စံးဆၢ, “မ့ၢ်ကစၢ်ဧၢ, ပနာ်လီၤ.”

ရိမ့ၤ 5:14

ဘၣ်ဆၣ်, စးထီၣ်လၢစီၤအၤဒၣ်တုၤလီၤလၢစီၤမိၤၡ့ အစိၤန့ၣ်, တၢ်သံပၢတၢ်လၢပှၤဟီၣ်ခိၣ်ဖိခဲလၢာ်အဖီခိၣ်, ပၢၢ်တုၤဒၣ်လဲာ်လၢပှၤလၢအတၢ်ဒဲးဘးတလီၤဂာ်ဒီး စီၤအၤဒၣ်အတၢ်ဒဲးဘးလၢအမ့ၢ်တၢ်တဒိကနၣ် ကစၢ်ယွၤအတၢ်မၤလိာ်ဘၣ်န့ၣ်လီၤ. စီၤအၤဒၣ်မ့ၢ်ပှၤလၢအကဟဲတဂၤအက့ၢ်အဂီၤအဒိ အတဲာ်န့ၣ်လီၤ.

အ့းဖ့းစူး 3:20

ခီဖျိလၢအစိအကမီၤလၢအမၤတၢ်လၢပပူၤန့ၣ်, ယွၤမၤတၢ်သ့ဝဲဒိၣ်န့ၢ်အါန့ၢ်ဒၣ်လဲာ်တၢ်လၢပဃ့ဒီးဆိ ကမိၣ်ဝဲသ့တက့ၢ်န့ၣ်လီၤ.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

ဧ့ၤဘြံၤ 9:9

အအံၤမ့ၢ်တၢ်အဒိအတဲာ်လၢခ့ခါဆၢကတီၢ်ခဲအံၤအဂီၢ်, ပာ်ဖျါထီၣ်လၢ, တၢ်မၤဘူၣ်ဒီးတၢ်လုၢ်တဖၣ်လၢအဘၣ်တၢ်လုၢ်ထီၣ်ပာ်ထီၣ် အီၤန့ၣ်, မၤလၢထီၣ်ပှဲၤထီၣ်ပှၤဘူၣ်ထီၣ်ဘါထီၣ်ယွၤအသးလၢ အသ့ၣ်ညါတၢ်န့ၣ်တသ့ဘၣ်အဂ့ၢ်လီၤ.