ဧ့ၤဘြံၤ 11:17 - Sgaw Karen Common Bible

¹⁷ လၢတၢ်စူၢ်တၢ်နာ်စီၤအၤဘြၤဟၣ်ဖဲအဘၣ်တၢ်မၤကွၢ်အီၤန့ၣ်, လုၢ်ထီၣ်အဖိခွါစီၤအံၤစဲးန့ၣ်လီၤ. စီၤအၤဘြၤဟၣ်ဒိးန့ၢ်ဘၣ်တၢ်စံးပာ်လၢကစၢ်ယွၤဘၣ်ဆၣ်ဒီး အဝဲအိၣ်ကတဲာ်ကတီၤအသးလၢအကလုၢ်ထီၣ်အဖိခွါအိၣ်ထဲ တဂၤဃီအံၤန့ၣ်လီၤ.

ဧ့ၤဘြံၤ 11:17 Iomraidhean Croise

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:31

ဒီးဖဲကီၢ်ဘၤဘူၤလိၣ်အမီၣ်သီတဖၣ်ဟဲတ့ၢ်ဝဲလၢကဃုသ့ၣ်ညါတၢ် မၤအသးလီၤတိၢ်လီၤဆီလၢအကဲထီၣ်တ့ၢ်လၢထံကီၢ်အပူၤအခါဒၣ် လဲာ်န့ၣ်, ကစၢ်ယွၤပျဲစီၤဃံးစကံယၤလၢကမၤဒ်အတၢ်ဘၣ်အသးဒၣ်ဝဲဒ်သိး အကမၤကွၢ်အသကဲးပဝးအဂီၢ်ဧိၤန့ၣ်လီၤ.

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

လံာ်ဒၤနံးယ့လး 11:35

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တနီၤကဘၣ်တၢ်မၤသံကွံာ်အီၤ, ဘၣ်ဆၣ်ဒီးလၢတၢ်အံၤအဃိပှၤဂီၢ်မုၢ်ကဘၣ်တၢ်မၤကဆှီအီၤလီၤ. တၢ်အံၤကမၤအသးတုၤတၢ်အကတၢၢ်တုၤဝဲ, တၢ်အကတီၢ်လၢ ကစၢ်ယွၤပာ်လီၤဝဲန့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

ဧ့ၤဘြံၤ 7:6

ဘၣ်ဆၣ်ဒီးအံၤတမ့ၢ်ဘၣ်ပှၤဟဲလီၤစၢၤလၢစီၤလ့ၤဝံသနာ် က့, ဟံးန့ၢ်ဘၣ်တၢ်ဆံဆဲၣ်ပူတပူလၢစီၤအၤဘြၤဟၣ်အအိၣ် ဒီးဆိၣ်ဂ့ၤအီၤ, ပှၤတဂၤလၢအဒိးန့ၢ်ကစၢ်ယွၤအတၢ်အၢၣ်လီၤ တဖၣ်န့ၣ်လီၤ.

ယၤကိာ် 5:11

ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.