ဧ့ၤဘြံၤ 11:16 - Sgaw Karen Common Bible

¹⁶ မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

ဧ့ၤဘြံၤ 11:16 Iomraidhean Croise

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ဟးထီၣ်ကွံာ် 3:15

တဲဘၣ်ပှၤအံၣ်စရ့လးဖိတဖၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤန့ၣ်ဆှၢလီၤနၤဆူ အဝဲသ့ၣ်အအိၣ်တက့ၢ်. အအံၤမ့ၢ်ယမံၤအထူအယိာ် လၢပှၤတစိၤဘၣ်တစိၤကဘၣ်ကိးယၤန့ၣ်တက့ၢ်.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်တၢ်ဟးထီၣ်ကွံာ် 4:5

ဒီးယွၤစံးဝဲဒၣ်, “မၤတၢ်အံၤလၢနကပာ်ဖျါထီၣ်တၢ်အုၣ်သးဆူ ပှၤအံၣ်စရ့လးဖိသ့ၣ်တဖၣ်အအိၣ်လၢယွၤ, အဝဲသ့ၣ်အပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤန့ၣ်လီၣ်ဖျါထီၣ်တ့ၢ်လံအသး လၢသုမဲာ်ညါလံန့ၣ်တက့ၢ်.”

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မၢ်ကူး 12:26

မ့မ့ၢ်တခီန့ၣ်, ပှၤကအိၣ်မူဒ်မူခိၣ်ကလူးတဖၣ်အသိးန့ၣ်လီၤ. တၢ်ဂ့ၢ်ဘၣ်ဃးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤန့ၣ်, မ့ၢ်သုတဖးဘၣ်လၢလံာ်မိၤၡ့အပူၤတၢ်ကွဲးတတီၤလၢအစံး တၢ်ဘၣ်ဃးတၤဆှုၣ်တပှီာ်တလိၣ် လၢမ့ၣ်အူအီၣ်အီၤအဂ့ၢ်န့ၣ်နီတဘျီဘၣ်ဧါ. လၢတၢ်ကွဲးဖဲန့ၣ်အပူၤကစၢ်ယွၤစံးဘၣ်စီၤမိၤၡ့, ‘ယမ့ၢ်စီၤအၤဘြၤဟၣ်အကစၢ်ယွၤ, စီၤအံၤစဲး အကစၢ်ယွၤဒီးစီၤယၤကိာ်အကစၢ်ယွၤလီၤ.’

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်လူၤကၣ် 20:37

ဒီးစီၤမိၤၡ့အုၣ်အသးဖျါဖျါလၢပှၤသံတဖၣ်ဘၣ် တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ. ဖဲတၢ်ကွဲးတတီၤလၢအ ဘၣ်ဃးဒီးသ့ၣ်တၤဆှုၣ်တခိၣ်လၢမ့ၣ်အူအီၣ်အီၤအပူၤန့ၣ်, အဝဲဒၣ်ကတိၤတၢ်ဘၣ်ဃးဒီးကစၢ်ဒ်အမ့ၢ်ဝဲ စီၤအၤဘြၤဟၣ် အကစၢ်ယွၤ, စီၤအံၤစဲးအကစၢ်ယွၤ, ဒီးစီၤယၤကိာ်အကစၢ်ယွၤလီၤ.

လံာ်ယိၤဟၣ် 14:2

လၢယပၢ်အဟံၣ်ပူၤန့ၣ်, ဒၢးအိၣ်ဝဲအါဖျၢၣ်လီၤ. ယကလဲၤကတဲာ်ကတီၤတၢ်လီၢ်လၢသုဂီၢ်လီၤ. တၢ်အံၤမ့တမ့ၢ်ဘၣ်န့ၣ်, ယတစံးဘၣ်တဲဘၣ်သုဘၣ်.

မၤတၢ် 7:32

‘ယမ့ၢ်ယဲသုမိၢ်ပၢ်ဖံဖုလၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤလီၤ.’ စီၤမိၤၡ့ပျံၤတၢ်ဒီးကနိးကစုာ်ဝဲ, ဒီးကွၢ်ဝဲတဘူၣ်လၢၤဘၣ်.

ဖံလံးပံၤ 3:20

မ့မ့ၢ်ပဝဲသ့ၣ်တဖၣ်အံၤ, ပမ့ၢ်မူခိၣ်အဘီဖိမုၢ်ဖိ, ဒီးလၢတၢ်သးဆူၣ်အပူၤပအိၣ်ခိးကွၢ်လၢ်ပပှၤအုၣ်က့ၤခီၣ်က့ၤတၢ်, ကစၢ်ယ့ၣ်ၡူးခရံာ်အတၢ်ကဟဲလၢမူခိၣ်န့ၣ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

ဧ့ၤဘြံၤ 10:34

အဂ့ၢ်ဒ်အံၤ, သုသးအိၣ်သးကညီၤဘၣ်ပှၤလၢအလီၤဘၣ်လၢ ဃိာ်ပူၤတဖၣ်ဒီးဖဲတၢ်လၢအအိၣ်ဒီးသုတဖၣ်ဘၣ်တၢ်ဟံးန့ၢ် ကွံာ်အီၤလၢသုအိၣ်န့ၣ်, သုတူၢ်အီၤလၢတၢ်သးမုာ်သးခုအပူၤမ့ၢ်လၢသုသ့ၣ်ညါ လၢတၢ်လၢအဂ့ၤဒီးဂၢၢ်ကျၢၤဒိၣ်န့ၢ်အန့ၣ်တက့ၢ်အိၣ်ဒံး ဒီးသုအဃိန့ၣ်လီၤ.

ဧ့ၤဘြံၤ 11:10

အဂ့ၢ်ဒ်အံၤ, အဝဲဒၣ်အိၣ်ခိးကွၢ်လၢ်ဝ့ၢ်တဖျၢၣ်လၢ အအိၣ်ဒီးအခီၣ်ထံးအဂၢၢ်အကျၢၤ, ဝ့ၢ်လၢပှၤတ့အီၤဒီးပှၤသူၣ်ထီၣ်အီၤမ့ၢ်ကစၢ်ယွၤန့ၣ်လီၤ.

ဧ့ၤဘြံၤ 11:14

ပှၤလၢအစံးတၢ်ဒ်သိးအံၤတဖၣ်ပာ်ဖျါထီၣ်အသး လၢအမ့ၢ်ပှၤလၢအဃုအထံအကီၢ်န့ၣ်လီၤ.

ဧ့ၤဘြံၤ 11:40

အဂ့ၢ်မ့ၢ်လၢကစၢ်ယွၤတိာ်ပာ်တ့ၢ်ဝဲလၢအကသုးကျဲၤတၢ်ဂ့ၤ ဒိၣ်ဒၣ်တၢ်တက့ၢ်လၢပဂီၢ်အဃိလီၤ. မ့တမ့ၢ်လၢပဝဲဒၣ်ဘၣ်ဒီးအဝဲသ့ၣ်တဘၣ်တၢ်မၤလၢထီၣ် ပှဲၤထီၣ်အီၤဘၣ်န့ၣ်လီၤ.

ဧ့ၤဘြံၤ 12:22

မ့မ့ၢ်သုဝဲသုဟဲဆူကစၢၢ်စံယိၣ်, ဒီးဆူကစၢ်ယွၤလၢအမူဝဲတဂၤ အဝ့ၢ်, ယရူၤၡလ့ၣ်လၢအဘၣ်ဃးဒီးမူခိၣ်, အိၣ်ဃုာ်ဒီးကလူးလၢပှၤဂံၢ်အီၤတလၢာ်ဘၣ်အအိၣ်,

ဧ့ၤဘြံၤ 13:14

အဂ့ၢ်ဒ်လဲၣ်န့ၣ်, လၢဟီၣ်ခိၣ်အံၤဝ့ၢ်လၢအအိၣ်လီၤထူလီၤယိာ်လၢပဂီၢ် တအိၣ်ဘၣ်. မ့မ့ၢ်ပဃုဝ့ၢ်လၢအကဟဲအိၣ်ထီၣ်ဆူညါတဖျၢၣ်န့ၣ်လီၤ.

ဧ့ၤဘြံၤ 2:11

ပှၤလၢအမၤစီထီၣ်ဆှံထီၣ်ပှၤတဖၣ်လၢအတၢ်ဒဲးဘးဒီး ပှၤလၢအဘၣ်တၢ်မၤစီထီၣ်ဆှံထီၣ်အီၤတဖၣ်အိၣ်ဒီးပၢ်တဂၤ ဃီလီၤ. လၢတၢ်န့ၣ်အဃိယ့ၣ်ၡူးအမဲာ်တဆှးဘၣ်လၢကကိး အဝဲသ့ၣ်လၢဒီပုၢ်ဝဲၢ်ဘၣ်.

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.