ဧ့ၤဘြံၤ 11:1 - Sgaw Karen Common Bible

¹ တၢ်စူၢ်တၢ်နာ်မ့ၢ်တၢ်လၢအမၤဂၢၢ်မၤကျၢၤတၢ်လၢပမုၢ်လၢ်ပဝဲ တဖၣ်ဒီးဒုးသ့ၣ်ညါလီၤတံၢ်ပှၤတၢ်တဖၣ်လၢပထံၣ်အီၤတသ့ဘၣ် န့ၣ်လီၤ.

ဧ့ၤဘြံၤ 11:1 Iomraidhean Croise

စံးထီၣ်ပတြၢၤ 27:13

ယနာ်လၢယကအိၣ်မူထံၣ်ဘၣ်ယွၤအတၢ်ဂ့ၤတၢ်ဝါလၢပှၤ အမူတဖၣ်အကီၢ်အပူၤန့ၣ်လီၤ.

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

1 ကရံၣ်သူး 13:13

မ့မ့ၢ်, ဖဲဆၢကတီၢ်ခဲကနံၣ်အံၤန့ၣ်, တၢ်သၢမံၤအံၤလၢအမ့ၢ်ဝဲတၢ်နာ်, တၢ်မုၢ်လၢ်, ဒီးတၢ်အဲၣ်တၢ်ကွံတဖၣ်အိၣ်ဒံးဒၣ်တၢ်, ဒီးအဒိၣ်ကတၢၢ်လၢအကျါန့ၣ်မ့ၢ်ဝဲတၢ်အဲၣ်တၢ်ကွံလီၤ.

၂ ကရံၣ်သူး 11:17

သပှၢ်ကတၢၢ်, တၢ်လၢယစံးကတိၤယဲခဲကနံၣ်အံၤန့ၣ် တမ့ၢ်ဝဲဒ်ကစၢ်အဲၣ်ဒိးယကကတိၤအီၤအသိးန့ၣ်ဘၣ်. ဖဲလၢအဘၣ်ဃးဒီးတၢ်ကတိၤတၢ်ကဖၢလၢဒ်အံၤအသိး န့ၣ်ယကတိၤစဲဃဲၤယဲတၢ်ဒ်တၢ်ပျုၢ်တဂၤအသိးလီၤ.

၂ ကရံၣ်သူး 4:18

အဂ့ၢ်ဒ်အံၤ, ပပာ်ထီၣ်ပတၢ်သးစၢၢ်ဆၢလၢတၢ်လၢအဘၣ် တၢ်ထံၣ်အီၤတဖၣ်အလိၤန့ၣ်တမ့ၢ်ဘၣ်. မ့မ့ၢ်, မ့ၢ်ဝဲလၢတၢ်လၢတၢ်တထံၣ်အီၤတဖၣ်အလိၤတခီလီၤ. တၢ်လၢတၢ်ထံၣ်အီၤသ့န့ၣ်အိၣ်ဒၣ်တစိၢ်တလီၢ်, မ့မ့ၢ်တၢ်လၢတၢ်ထံၣ်အီၤတသ့န့ၣ်အိၣ်ဝဲလီၤထူလီၤ ယိာ်န့ၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

၂ ကရံၣ်သူး 5:7

အဂ့ၢ်ဒ်အံၤ, ပတၢ်အိၣ်မူမ့ၢ်တၢ်လၢအဘၣ်ဃးဒီးတၢ်စူၢ် တၢ်နာ်လီၤ. တမ့ၢ်တၢ်လၢအဘၣ်တၢ်ထံၣ်အီၤသ့န့ၣ်ဘၣ်.

၂ ကရံၣ်သူး 9:4

ဘၣ်ဆၣ်ဒီးပှၤကီၢ်မၤက့းဒနံဖိတဖၣ်မ့ၢ်ဟဲပိာ်ယခံ ဒီးထံၣ်လၢသုတအိၣ်ကတဲာ်ကတီၤဒံးသုသးန့ၣ်, ပကမဲာ်ဆှးပဝဲဆံးဒိၣ်လဲၣ်. ပတတဲဒံးလၢသုတၢ်မဲာ်ဆှး အဂ့ၢ်ဘၣ်. အဂ့ၢ်မ့ၢ်လၢပနာ်တ့ၢ်လံလၢာ်လၢာ်ဆ့ဆ့လၢ သုကအိၣ်ကတဲာ်ကတီၤသုသးအဃိန့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

တံတူး 1:1

လံာ်ပရၢအံၤဟဲလၢ, ကစၢ်ယွၤအခ့အပှၤဒီးယ့ၣ်ၡူးခရံာ်အပှၤ တၢ်မၢဖိစီၤပီလူးအအိၣ်လီၤ. ယဘၣ်တၢ်ဃုထၢဒီးမၢလီၤယၤဒ်သိးယကမၤစၢၤကစၢ်ယွၤ အပှၤဃုထၢဖိတဖၣ်အတၢ်စူၢ်တၢ်နာ်, ဒီးဆှၢအဝဲသ့ၣ်ဆူတၢ်မ့ၢ်တၢ်တီလၢအဘၣ်တၢ်သိၣ်လိအီၤလၢ ပတၢ်ဘူၣ်တၢ်ဘါ,

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 10:39

ပဝဲဒၣ်အံၤပတမ့ၢ်ပှၤလၢအဂုၤက့ၤအလီၢ်ခံဒီးဘၣ်တုၤဆူ တၢ်ဟးဂီၤအပူၤန့ၣ်ဘၣ်, မ့မ့ၢ်ပအိၣ်ဒီးတၢ်စူၢ်တၢ်နာ်ဒီးပဘၣ်တၢ်မၤပူၤဖျဲးကွံာ်ပှၤန့ၣ်လီၤ.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 6:12

မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,