ဧ့ၤဘြံၤ 10:5 - Sgaw Karen Common Bible

⁵ လၢတၢ်အံၤအဃိဖဲခရံာ်ကဟဲလီၤဆူဟီၣ်ခိၣ်ချၢန့ၣ်စံးဝဲဒၣ်, “နတသးလီဘၣ်တၢ်လုၢ်တၢ်ပာ်ဒီး တၢ်မၤဘူၣ်တဖၣ်ဘၣ်. မ့မ့ၢ်နကတဲာ်ကတီၤန့ၢ်နီၢ်ခိလၢယဂီၢ်လီၤ.

ဧ့ၤဘြံၤ 10:5 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်ယၡါယၤ 1:11

အဝဲစံး, “မ့ၢ်သုဆိကမိၣ်လၢယသးလီကယဲၢ်တၢ်လုၢ်တၢ်ပာ်တဖၣ် လၢသုလုၢ်ထီၣ်ယၤတထံၣ်ဃီအံၤန့ၣ်ဧါ. သိတဖၣ်လၢသုဒွဲၣ် အူအီၤလၢမ့ၣ်အူဒ်တၢ်လုၢ်တၢ်ပာ်တဖၣ် အသိးဒီးသုဆၣ်ဖိကီၢ်ဖိအဂ့ၤတဖၣ်အသိန့ၣ်ယဒိးန့ၢ်တ့ၢ်အီၤ အါန့ၣ်ယလိၣ်ဘၣ်အီၤလံ. ယသးလၢာ်ဂီၤဖံးတဖၣ်, သိတဖၣ်, ဒီးမဲာ်တဲးလဲးတဖၣ်အသွံၣ်လံ.

လံာ်ယၡါယၤ 40:16

ကယဲၢ်ဆၣ်ဖိကီၢ်ဖိခဲလၢာ်လၢလဘၤနိၣ်အသ့ၣ်ဒိၣ်ပှၢ်တီၢ်တဖၣ်အ ပူၤ တလၢတလီၣ်ဝဲလၢတၢ်ကလုၢ်ထီၣ်တၢ်ဆူပကစၢ်ယွၤအ အိၣ်အဂီၢ်ဘၣ် ဒီးအသ့ၣ်တဖၣ်စှၤကဲၣ်ဆိးလၢတၢ်ဆိၣ်ကဲၤထီၣ်မ့ၣ်အူအဂီၢ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 31:22

သုကမၤယံာ်မၤနီၢ်သုသးဆံးယံာ်လဲၣ်, ပှၤဂီၢ်မုၢ်လၢ အတၢ်နာ်တအိၣ်ဘၣ်သ့ၣ်ဧၢ, ယတ့လီၤတ့ၢ်တၢ်အသီဒီး လီၤဆီတမံၤ, လီၤဆီဝဲဒ်သိးသိး ပိာ်မုၣ်တဂၤဒီ ဒၣ်အိၣ် ပှိၤပိာ်ခွါတဂၤန့ၣ်လီၤ.

လံာ်ယံးရမံယၤ 6:20

တၢ်နၢမူလၢအဝဲသ့ၣ်ဟဲစိာ်န့ၢ်ယၤလၢကီၢ်ၡဘၤမ့ၢ်ဂ့ၤ, ဒီးတၢ်နၢမူနၢဆှီတဖၣ်လၢထံကီၢ်လၢအယံၤတဘ့ၣ်မ့ၢ်ဂ့ၤ, ယတအဲၣ်ဒိးဘၣ်. ယတတူၢ်လိာ်အဝဲသ့ၣ်အတၢ်မၤ ဘူၣ်မၤတီၢ်တဖၣ်မ့ၢ်ဂ့ၤ, ယတသးမုာ်သးခုလၢအဝဲသ့ၣ် အတၢ်လုၢ်တၢ်ပာ်တဖၣ်အဃိမ့ၢ်ဂ့ၤန့ၣ်ဘၣ်.

လံာ်မးသဲ 11:3

အဝဲသ့ၣ်သံကွၢ်ယ့ၣ်ၡူးဒီးစံး, “တဲဘၣ်ပှၤတက့ၢ်. ပှၤလၢစီၤယိၤဟၣ်စံးဝဲလၢအကဟဲတဂၤန့ၣ်မ့ၢ်နၤဧါ. မ့တမ့ၢ်ဘၣ်ဒီးမ့ၢ်ပကဘၣ်ခိးကွၢ်လၢ်ဒံးပှၤအဂၤတဂၤဧါ.”

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 7:19

ဒီးဆှၢအီၤဆူကစၢ်အအိၣ်ဒ်သိးအကသံကွၢ်အီၤ, “နမ့ၢ်နဲပှၤတဂၤလၢစီၤယိၤဟၣ်စံးလၢအကဟဲန့ၣ်ဧါ. မ့တမ့ၢ်ဘၣ်ဒီး, မ့ၢ်ပကဘၣ်အိၣ်ခိးကွၢ်လၢ်ပှၤတဂၤဒၣ်ဒံးဧါ.”

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ဧ့ၤဘြံၤ 1:6

မ့မ့ၢ်ဖဲကစၢ်ယွၤကဆှၢလီၤအဖိဝဲၢ်ကိဆူဟီၣ်ခိၣ်န့ၣ် စံးဝဲ, “မ်ကစၢ်ယွၤအကလူးခဲလၢာ်တီၤလီၤဘါအီၤတက့ၢ်.”

ဧ့ၤဘြံၤ 10:10

ဒီးလၢတၢ်ဘၣ်ကစၢ်ယွၤအသးအံၤအဃိ, ပဘၣ်တၢ်မၤစီထီၣ်ဆှံထီၣ်ပှၤခီဖျိယ့ၣ်ၡူးခရံာ်အတၢ်လုၢ်ထီၣ် အနီၢ်ခိထဲတဘျီဧိၤန့ၣ်လီၤ.

ဧ့ၤဘြံၤ 10:7

လၢတၢ်န့ၣ်အဃိယစံးယဲ, ‘ကွၢ်ကွၢ်ကစၢ်ယွၤဧၢ, ယဟဲယဲဒ်သိးယကမၤတၢ်ဘၣ်နသး ဒ်တၢ်ကွဲးအသးလၢလံာ်တၢ်သိၣ်တၢ်သီ အလံာ်ထူပူၤအသိးန့ၣ်လီၤ.’ ”

ဧ့ၤဘြံၤ 10:8

ဖဲအစံးဝဲဒ်လၢထးအသိး, “နတသးလီဘၣ်တၢ်လုၢ်တၢ်ပာ်ဒီးတၢ်မၤဘူၣ်မၤတီၢ်ဘၣ်ဒီး တဘၣ်ဘၣ်နသးလၢတၢ်လုၢ်ဆိၣ်ကဲၤဒီဒုဒီးတၢ်လုၢ်တၢ်ဒဲးဘး ဘၣ်.” အကတီၢ်န့ၣ်, တၢ်သ့ၣ်တဖၣ်အံၤဘၣ်တၢ်လုၢ်ထီၣ်အီၤဒ်တၢ်သိၣ်တၢ်သီအသိး,

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

ဧ့ၤဘြံၤ 8:3

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢပာ် လီၤအီၤလၢအကလုၢ်ထီၣ်တၢ်မၤဘူၣ်ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ. လၢတၢ်န့ၣ်အဃိ, အလီၢ်အိၣ်ဝဲလၢပှၤလုၢ်တၢ်အခိၣ်အဒိၣ်ကတၢၢ်အံၤစ့ၢ် ကီးကအိၣ်ဒီးတၢ်လၢအကလုၢ်ထီၣ်ဝဲတမံၤမံၤန့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၂ ယိၤဟၣ် 1:7

ပှၤလီတၢ်ဝ့ၤတၢ်အါဂၤအိၣ်ထီၣ်ဝဲလၢဟီၣ်ခိၣ်ချၢလီၤ. အဝဲသ့ၣ်မ့ၢ်ပှၤတဖၣ်လၢအတအၢၣ်လီၤအီလီၤဝဲလၢ ယ့ၣ်ၡူးခရံာ်ဟဲဝဲလၢတၢ်ဖံးတၢ်ညၣ်အပူၤဘၣ်. ပှၤဒ်န့ၣ်သိးတဂၤ, မ့ၢ်ပှၤလီတၢ်ဒီးမ့ၢ်ခရံာ်အဒုၣ်အဒါ န့ၣ်လီၤ.