ဧ့ၤဘြံၤ 10:38 - Sgaw Karen Common Bible

³⁸ ဘၣ်ဆၣ်ဒီးယပှၤဂီၢ်မုၢ်အတီအလိၤန့ၣ် ကမူဝဲလၢတၢ်နာ်လီၤ. ဘၣ်ဆၣ်အဝဲသ့ၣ်အကျါတဂၤမ့ၢ်ဂုၤက့ၤဆူအလီၢ်ခံဒီး ယတဘၣ်သူၣ်ဘၣ်သးလၢၤအီၤဘၣ်.

ဧ့ၤဘြံၤ 10:38 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:22

ယစူၢ်တ့ၢ်ယွၤအတၢ်သိၣ်တၢ်သီန့ၣ်လီၤ. ယတဃၣ်ကွံာ်ဘၣ်ယသးလၢယကစၢ်ယွၤ အအိၣ်ဘၣ်.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 5:4

အဂ့ၢ်ဒ်အံၤ, နတမ့ၢ်ကစၢ်ယွၤတဂၤလၢအဘၣ်သူၣ်ဘၣ်သးလၢ တၢ်တတီတလိၤန့ၣ်ဘၣ်. တၢ်အၢတၢ်သီတအိၣ်တဆိးဘၣ်ဒီးနၤဘၣ်.

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယဃ့းစက့လး 18:24

ဘၣ်ဆၣ်ပှၤတီပှၤလိၤတဂၤမ့ၢ်ဆိကတီၢ်အတၢ်မၤဂ့ၤဒီးစးထီၣ်မၤ ကယဲၢ်တၢ်အၢတၢ်သီလၢအလီၤသးဘၣ်အၢတဖၣ်, လၢပှၤအၢပှၤသီတဖၣ်မၤဝဲန့ၣ်, မ့ၢ်အဝဲကမူဒံးကစီဒီဧါ. တမ့ၢ်ဘၣ်. တၢ်လၢအမၤဂ့ၤတ့ၢ်ဝဲတဖၣ်တဘၣ်တၢ်သ့ၣ်နီၣ်လၢၤအီၤနီတမံၤဘၣ်. အဝဲကသံမ့ၢ်လၢအတၢ်သးတတီဒီးအတၢ်ဒဲးဘးတဖၣ်အဃိန့ၣ်လီၤ.

လံာ်ယဃ့းစက့လး 3:20

တုၤပှၤအဂ့ၤနီၢ်နီၢ်တဂၤ စးထီၣ်မၤတၢ်အၢတၢ်သီဒီးယပာ်အီၤလၢ တၢ်လီၤပျံၤလီၤဖုး, လီၤဘၣ်ယိာ်အဂ့ၢ်အခၢးအပူၤလံဒီး, နမ့ၢ်တဟ့ၣ် ပလီၢ်အီၤဘၣ်နၣ် အဝဲဒၣ်ကသံဝဲလီၤ. အဝဲဒၣ် ကသံဝဲလၢအတၢ်ဒဲးဘးတဖၣ်အဃိလီၤ. ယတသ့ၣ်နီၣ်ဘၣ် တၢ်အဂ့ၤလၢ အမၤတ့ၢ်ဝဲဘၣ်ဒီးယကဟံး ဃာ်နၤ ဒ်ပှၤအိၣ်မူအိၣ်ဒါလၢ အတၢ်သံအဂီၢ်န့ၣ်လီၤ.

လံာ်ယဃ့းစက့လး 33:13

ဘၣ်တဘၣ်ယကအၢၣ်လီၤဟ့ၣ်တၢ်မူဆူပှၤအဂ့ၤတဂၤလီၤ. ဘၣ်ဆၣ်အဝဲမ့ၢ်ဆိကမိၣ်ထီၣ်ဝဲလၢအဝဲအတၢ်ဂ့ၤလၢအပူၤကွံာ် တဖၣ်လၢပှဲၤဝဲလံ, ဒီးစးထီၣ်မၤတၢ်ဒဲးဘးန့ၣ်, ယတသ့ၣ်နီၣ် ထီၣ်က့ၤတၢ်ဂ့ၤလၢအဝဲမၤတ့ၢ်ဝဲတဖၣ်နီတမံၤဘၣ်. အဝဲကသံ လၢအတၢ်ဒဲးဘးတဖၣ်အဃိန့ၣ်လီၤ.

လံာ်ဃဘးကူာ် 2:4

ဒီးတၢ်ကစီၣ်န့ၣ်မ့ၢ်တၢ်အံၤ, “ပှၤတတီတလိၤတဖၣ်န့ၣ်တမူ ဘၣ်ဝဲဘၣ်. မ့မ့ၢ်ပှၤတီပှၤလိၤန့ၣ်ကမူဝဲလၢအတၢ်သးတီဒီး ကစၢ်ယွၤအဃိန့ၣ်လီၤ.”

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်မးသဲ 12:18

“အအံၤမ့ၢ်ယခ့ယပှၤလၢယဃုထၢထီၣ်အီၤ, ပှၤတဂၤလၢယအဲၣ်, ဒီးဘၣ်ယသးလၢအီၤလီၤ. ယကဟ့ၣ်လီၤအီၤလၢယသး, ဒီးအဝဲကစံၣ်တဲၤတဲလီၤယတၢ်စံၣ်ညီၣ်ဆူ ပှၤကလုာ်တဖၣ်အအိၣ်လီၤ.

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

ကလၤတံ 3:11

ခဲကနံၣ်အံၤ, အိၣ်ဖျါဝဲဒၣ်ဆှံဆှံလၢတၢ်တမၤလိၤမၤဘၣ် ပှၤကညီဒီးကစၢ်ယွၤခီဖျိတၢ်သိၣ်တၢ်သီန့ၣ်နီတဂၤဘၣ်. အဂ့ၢ်ဒ်အံၤ, တၢ်ကွဲးအသးစံးဝဲ, “ထဲဒၣ်ပှၤလၢအဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိ တၢ်နာ်န့ၣ်ကမူဝဲလီၤ” (ဃဘး ၂:၄).

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.

ဧ့ၤဘြံၤ 10:39

ပဝဲဒၣ်အံၤပတမ့ၢ်ပှၤလၢအဂုၤက့ၤအလီၢ်ခံဒီးဘၣ်တုၤဆူ တၢ်ဟးဂီၤအပူၤန့ၣ်ဘၣ်, မ့မ့ၢ်ပအိၣ်ဒီးတၢ်စူၢ်တၢ်နာ်ဒီးပဘၣ်တၢ်မၤပူၤဖျဲးကွံာ်ပှၤန့ၣ်လီၤ.

ယၤကိာ် 5:6

သုစံၣ်ညီၣ်ဒီးမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးအဝဲသ့ၣ်တခီၣ်ဆၢသုဘၣ်.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.