ဧ့ၤဘြံၤ 10:36 - Sgaw Karen Common Bible

³⁶ သုကဘၣ်ဝံသးစူၤဒီးတူၢ်တၢ်ဒ်သိးသုကမၤတၢ်ဘၣ်ကစၢ်ယွၤ အသးဝံၤ, ဒီးဒိးန့ၢ်ဘၣ်တၢ်လၢအဘၣ်တၢ်စံးပာ်တ့ၢ်အီၤန့ၣ်လီၤ.

ဧ့ၤဘြံၤ 10:36 Iomraidhean Croise

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

စံးထီၣ်ပတြၢၤ 40:1

ယအိၣ်ခိးကွၢ်လၢ်ယွၤအတၢ်မၤစၢၤလၢ တၢ်သးစူၤအပူၤလီၤ. အဝဲဒိကနၣ်ယၤဒီးနၢ်ဟူတ့ၢ်ယတၢ်ကိးထီၣ်န့ၣ်လီၤ.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 12:50

အဂ့ၢ်ဒ်အံၤ, ပှၤတဂၤလၢ်လၢ်လၢအမၤဖဲဒၣ်ယပၢ်အိၣ်လၢမူခိၣ် အတၢ်ဘၣ်အသးန့ၣ်, မ့ၢ်ယဒီပုၢ်ဝဲၢ်ခွါ, ယဒီပုၢ်ဝဲၢ်မုၣ်ဒီးယမိၢ်လီၤ.”

လံာ်မးသဲ 21:31

ဖိခွါခံဂၤအံၤ, မ့ၢ်ပှၤမၤတၢ်ဘၣ်အပၢ်အသးလၢလဲၣ်တဂၤလဲၣ်.” ဒီးအဝဲသ့ၣ်စံးဆၢအီၤ, “မ့ၢ်ဖိခွါလၢအဒိၣ်တဂၤလီၤ.” တုၤနုၤတစုယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်ကလဲၤနုာ်ဆိဆူ ကစၢ်ယွၤအဘီအမုၢ်အပူၤလၢသုမဲာ်ညါလီၤ.

လံာ်မးသဲ 24:13

ဘၣ်ဆၣ်ဒီး, ပှၤတဂၤလၢ်လၢ်လၢအတူၢ်တၢ်တဖၣ်အံၤန့ၢ်ဝဲ, ဒီးအိၣ်ဂၢၢ်ဆိးကျၢၤဝဲတုၤအကတၢၢ်န့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ.

လံာ်မးသဲ 7:21

ပှၤလၢအကိးယၤ ‘ကစၢ်ဧၢ, ကစၢ်ဧၢ,’ န့ၣ်တလဲၤနုာ်ဘၣ်ဆူမူခိၣ် အဘီအမုၢ်အပူၤကိးဂၤဒဲးဘၣ်. ကလဲၤနုာ်ဘၣ်ထဲပှၤတဖၣ်လၢအမၤတၢ်လၢယပၢ်လၢမူခိၣ်အဲၣ်ဒိး အကမၤဝဲန့ၣ်လီၤ.

လံာ်မၢ်ကူး 3:35

ပှၤတဂၤလၢ်လၢ်လၢအမၤတၢ်ဘၣ်ယွၤအသးန့ၣ်, မ့ၢ်ယဒီပုၢ်ဝဲၢ်ခွါ, ယဒီပုၢ်ဝဲၢ်မုၣ်, ဒီးယမိၢ်လီၤ.”

လံာ်လူၤကၣ် 21:19

အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.

လံာ်လူၤကၣ် 8:15

တၢ်ချံလၢအလီၤဘၣ်လၢဟီၣ်ခိၣ်ညၣ်ထ့ၣ်အဂ့ၤပာ်ဖျါထီၣ်ပှၤ တဖၣ်လၢအနၢ်ဟူဘၣ်တၢ်အကလုၢ်ကထါဒီးဟံးဃာ်ဂၢၢ်ကျၢၤ ဝဲလၢသးလၢအဂ့ၤဒီးစူၢ်ယွၤအကလုၢ်အပူၤဒီးမၤဝဲဒ်န့ၣ်သပှၢ် ပှၢ်တုၤအဝဲသ့ၣ်သၣ်ထီၣ်တၤသၣ်တစုလီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

မၤတၢ် 13:22

ဒီးကစၢ်ယွၤထုးထီၣ်ကွံာ်အီၤလၢစီၤပၤအလီၢ်ဝံၤအလီၢ်ခံ, ဒုးကဲထီၣ်စီၤဒၤဝံးလၢအဝဲသ့ၣ်အစီၤပၤလီၤ. လၢစီၤဒၤဝံးအဂ့ၢ်န့ၣ်, ကစၢ်ယွၤစံးတ့ၢ်ဝဲဒ်အံၤ, ‘ယထံၣ်ဘၣ်တ့ၢ်ယဲလၢစီၤယံးၡဲအဖိခွါစီၤဒၤဝံးမ့ၢ်ပှၤလၢ အဘၣ်သူၣ်ဘၣ်သးယၤတကလုာ်, ပှၤတဂၤလၢအကမၤတၢ်လၢအဘၣ်ယသးခဲလၢာ်န့ၣ်လီၤ.’

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 8:25

ဘၣ်ဆၣ်ဒီးတၢ်လၢပတထံၣ်ဘၣ်အီၤန့ၣ်ပမ့ၢ်မုၢ်လၢ်အီၤဒီး, ပအိၣ်ခိးကွၢ်လၢ်အီၤလၢတၢ်ဝံသးစူၤအပူၤန့ၣ်လီၤ.

1 ကရံၣ်သူး 13:7

တၢ်အဲၣ်တၢ်ကွံန့ၣ်တဟ့ၣ်လီၤအသးနီတစုဘၣ်. ဒီးအဝဲဒၣ်အတၢ်စူၢ်တၢ်နာ်, တၢ်မုၢ်လၢ်, ဒီးတၢ်သူၣ်စူၤသးစူၤတဖၣ်န့ၣ်တလီၤတိၢ်နီတစုဘၣ်.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

အ့းဖ့းစူး 6:6

တမ့ၢ်ဘၣ်ဒ်ပှၤလၢအမၤတၢ်လၢပှၤကညီကထံၣ်, ဒီးဘၣ်သူၣ်ဘၣ်သးအီၤအဂီၢ်အသိးန့ၣ်ဘၣ်. မ့မ့ၢ်လၢသုသးဒီဖျၢၣ်ညါန့ၣ်မၤတၢ်ဘၣ်ကစၢ်ယွၤအသးဒ်ခရံာ် အကုၢ်တဖၣ်အသိးန့ၣ်တက့ၢ်.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

ကလီးစဲ 3:24

သ့ၣ်ညါသုဝဲလၢကစၢ်ကဟ့ၣ်သုတၢ်န့ၢ်သါလၢအကတီၤ ပာ်တ့ၢ်ဝဲလၢအပှၤဂီၢ်မုၢ်အဂီၢ်, ဒ်ခိၣ်ဖးအသိးန့ၣ်တက့ၢ်. အဂ့ၢ်ဒ်အံၤ, ခရံာ်မ့ၢ်ကစၢ်နီၢ်နီၢ်လၢသုမၤအတၢ်န့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

ဧ့ၤဘြံၤ 11:39

တၢ်အံၤမ့ၢ်မးတၢ်ကွဲးနီၣ်တမံၤလၢအဘၣ်ဃးဒီးကယဲၢ် ပှၤတဖၣ်လၢအမၤနၢၤတၢ်န့ၣ်လီၤ. အန့ၣ်ဒၣ်လဲာ်အဝဲသ့ၣ် တဒိးန့ၢ်တၢ်လၢကစၢ်ယွၤအၢၣ်လီၤတ့ၢ်ဝဲန့ၣ်ဘၣ်.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 6:12

မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

ဧ့ၤဘြံၤ 6:15

စီၤအၤဘြၤဟၣ်အသူၣ်စူၤသးစူၤသတးဒီးဒိးန့ၢ်တၢ်စံးပာ် န့ၣ်လီၤ.

ဧ့ၤဘြံၤ 6:17

လၢတၢ်န့ၣ်အဃိ, ဖဲကစၢ်ယွၤသးအိၣ်လီၣ်ဖျါထီၣ်န့ၢ်ပှၤလၢ အကန့ၢ်သါဃုာ်တၢ်စံးပာ်အံၤတဖၣ်လၢအတၢ်တိာ်ပာ်မ့ၢ် တၢ်လၢအတလဲလိာ်အသးဘၣ်န့ၣ်, ယွၤအၢၣ်လီၤတၢ်အိၣ်ဒီးတၢ်ဆိၣ်လီၤအသးလီၤ.

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

၁ ပ့းတရူး 1:9

မ့ၢ်လၢသုဒိးန့ၢ်ဘၣ်တၢ်အုၣ်က့ၤခီၣ်က့ၤသုသးသမူ တဖၣ်, လၢအမ့ၢ်သုတၢ်စူၢ်တၢ်နာ်လၢအဝဲအပူၤအတၢ်တိာ် အဃိန့ၣ်လီၤ.

၁ ယိၤဟၣ် 2:17

ဟီၣ်ခိၣ်ဒီးတၢ်လၢအအိၣ်လၢအပူၤခဲလၢာ်လၢပှၤကညီ သူၣ်လီသးကွံဝဲန့ၣ်ကလဲၤပူၤကွံာ်ဝဲ, ဘၣ်ဆၣ်ပှၤလၢအမၤတၢ်ဘၣ်ကစၢ်ယွၤအသးန့ၣ်အိၣ်မူဝဲလီၤ ထူလီၤယိာ်လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 14:12

ဖဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ်, ပှၤလၢအဒိကနၣ်ဒီးအိၣ်မူထွဲကစၢ်ယွၤအတၢ်မၤလိာ်တဖၣ် ဒီးတီလၢယ့ၣ်ၡူးန့ၣ်, ကတူၢ်တၢ်လၢတၢ်သူၣ်စူၤသးစူၤအပူၤလီၤ.