ဧ့ၤဘြံၤ 10:22 - Sgaw Karen Common Bible

²² မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 10:22 Iomraidhean Croise

လံာ်စီၤပၤအခီၣ်ထံးတဘ့ၣ် 15:3

အဝဲမၤတ့ၢ်တၢ်ဒဲးဘးတဖၣ်တမံၤဃီဒ်အပၢ်အသိး, ဒီးတသူၣ်တီသးရၤဘၣ်ဒီးယွၤ, အကစၢ်ယွၤလၢာ်လၢာ်ဆ့ဆ့ ဒ်အဖုဖးဒိၣ်စီၤဒၤဝံးအသိးန့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 12:33

လၢပှၤစဘူလိၣ်ဖိအဒူၣ်ပူၤန့ၣ်, ပှၤလၢအသးတီဒီးတၢ်နာ်န့ၢ်အီၤသ့အိၣ်ယဲၢ်ကလးန့ၣ်လီၤ. အဝဲသ့ၣ်မ့ၢ်ပှၤအိၣ်ကတဲာ်ကတီၤအသးလၢကဒုးတၢ်ဒီးဘၣ်တၢ်သိၣ်လိ တ့ၢ်အီၤလၢကသူတၢ်စုတၢ်ကဝဲၤကိးကလုာ်ဒဲးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

စံးထီၣ်ပတြၢၤ 111:1

စံးထီၣ်ပတြၢၤယွၤတက့ၢ်. ယကစံးဘျုးယွၤလၢယသးဒီဖျၢၣ်ညါ လၢအပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ.

စံးထီၣ်ပတြၢၤ 119:10

ယဃုနၤလၢယသးဒီဖျၢၣ်ညါလီၤ. မ်ယသုတဟးဖျိးကွံာ်လၢနတၢ်မၤလိာ်တဖၣ်န့ၣ်တဂ့ၤ.

စံးထီၣ်ပတြၢၤ 119:145

ယွၤဧၢ, ယဃ့ကညးတၢ်လၢယသးဒီဖျၢၣ်ညါလီၤ. စံးဆၢလၢ်ယၤတက့ၢ်. ယကတိၢ်န့ၢ်နတၢ်မၤလိာ်တဖၣ်လီၤ.

စံးထီၣ်ပတြၢၤ 119:2

ပှၤလၢအတိၢ်န့ၢ်ဖံးဃာ်အတၢ်အုၣ်အသး ဒီးဃုယွၤလၢအသးဒီဖျၢၣ်ညါန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:34

ဟ့ၣ်လၢ်ယၤတၢ်နၢ်ပၢၢ်ဒ်သိး ယကတိၢ်န့ၢ်ဟံးဃာ်နတၢ်သိၣ်တၢ်သီ ဒီးမၤထွဲအီၤလၢယသးဒီဖျၢၣ်ညါန့ၣ်တက့ၢ်.

စံးထီၣ်ပတြၢၤ 119:58

ယဃ့ကညးနၤလၢယသးဒီဖျၢၣ်ညါ, လၢနကသူၣ်ကညီၤသးကညီၤလၢ်ယၤ ဒ်နတၢ်အၢၣ်လီၤအသိးန့ၣ်တက့ၢ်.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 119:7

တုၤယမၤလိနတၢ်စံၣ်ညီၣ်တီတဖၣ်အဂ့ၢ်န့ၣ်ဒီး ယကစံးထီၣ်ပတြၢၤနၤလၢ ယသူၣ်တီသးလိၤအပူၤန့ၣ်လီၤ.

စံးထီၣ်ပတြၢၤ 119:80

မ်ယသးလၢထီၣ်ပှဲၤထီၣ်လၢ တၢ်ဒိကနၣ်နတၢ်မၤလိာ်အပူၤဒ်သိး ယသုတဘၣ်တၢ်မဲာ်ဆှးတဂ့ၤအဂီၢ်န့ၣ်တက့ၢ်.

စံးထီၣ်ပတြၢၤ 32:11

သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

စံးထီၣ်ပတြၢၤ 9:1

ယကစံးထီၣ်ပတြၢၤယွၤလၢယသးဒီဖျၢၣ်ညါ, ယကစံးဘၣ်တဲဘၣ်ယဲ နတၢ်မၤလီၤလးခဲလၢာ်လၢနမၤတ့ၢ်နဲလီၤ.

စံးထီၣ်ပတြၢၤ 94:15

တၢ်စံၣ်ညီၣ်တီကအိၣ်က့ၤကဒီးလၢ ကွီၢ်ဘျီၣ်တဖၣ်အပူၤ ဒီးပှၤတီပှၤလိတဖၣ် ကဆီၣ်ထွဲမၤစၢၤအီၤလီၤ.

လံာ်တၢ်ဟးထီၣ်ကွံာ် 29:4

ဟဲကိးစီၤအၤဟရိၣ်ဒီးအဖိခွါတဖၣ်ဆူယအိၣ်ယဆိးအဒဲစီဆှံ အကျဲစၢၤဒီးမၢအဝဲသ့ၣ်လုၣ်ကဆှီထီၣ်အသးဒ်တၢ်အလုၢ်အလၢ်အိၣ် ဝဲအသိးတက့ၢ်.

တၢ်ကတိၤဒိ. 23:26

ဖိခွါဧၢ, ပာ်သူၣ်ပာ်သးတံၢ်တံၢ်နီၢ်နီၢ်သပှၢ်ပှၢ်, ဒီးပျဲယတၢ်အိၣ်မူကဲဒိကဲတဲာ်လၢနဂီၢ်တက့ၢ်.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယံးရမံယၤ 24:7

ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.

လံာ်ယံးရမံယၤ 3:10

ဒီးတုၤတၢ်အံၤခဲလၢာ်ဝံၤအလီၢ်ခံ, ကီၢ်ယူဒၤလၢအမ့ၢ်ကီၢ်အံၣ်စရ့ လးအဒီပုၢ်ဝဲၢ်မုၣ်လၢအသးတတီန့ၣ်, ဟဲက့ၤကဒါက့ၤဆူယအိၣ်ထဲလၢတၢ် ပာ်မၤအသးအပူၤဧိၤန့ၣ်လီၤ. အဝဲပာ်အသးတတီတလိၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:21

အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်ယဃ့းစက့လး 16:9

အန့ၣ်ဝံၤဒီးယဟံးန့ၢ်ထံဒီးသ့ကွံာ်တၢ်သွံၣ်လၢနလိၤန့ၣ်လီၤ. ယဖှူသ့ၣ်စၤယံးအသိလၢနဖံးဘ့ၣ်ခိၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:7

ဒီးပှၤလၢအဘၣ်တၢ်မၤကဆှီထီၣ်က့ၤအီၤလၢတၢ်ဆါအၢန့ၣ်ကဘၣ်တၢ် ဖှံအီၤလၢတၢ်သွံၣ်နွံဘျီဒီးကဒုးသ့ၣ်ညါဝဲလၢအကဆှီထီၣ်လံန့ၣ်လီၤ. ဒီးကပျဲထိၣ်လၢအမူတဘ့ၣ်န့ၣ်ယူၤကွံာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:4

အန့ၣ်ဝံၤဒီးယွၤဟ့ၣ်လီၤတၢ်သိၣ်တၢ်ဘျၢဒ်အဖီလာ်အသိးန့ၣ်လီၤ. တချုးလၢစီၤအၤဟရိၣ်နုာ်ဆူတၢ်လီၢ်စီဆှံကတၢၢ်ဒံးဘၣ်န့ၣ်, ကဘၣ်လုၢ်ထံဒီးသိးထီၣ်ပှၤလုၢ်တၢ်အခိၣ်အကူအသိးတဖၣ်လၢအမ့ၢ်ဆ့ဖှီဝါစီဆှံ, ယီၢ်တကိးဖှီဝါဒီးခိၣ်သလုးဖှီဝါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:6

ဒီးစီၤမိၤၡ့ကိးထီၣ်စီၤအၤဟရိၣ်ဒီးအဖိခွါတဖၣ်ဆူတၢ်မဲာ် ညါဒီးမၢအမၤကဆှီအသးလၢထံဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးလီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်တၢ်ဂံၢ် 8:7

ဖှံအီၤဒီးတၢ်မၤကဆှီထီၣ်တၢ်အထံဒီးတဲဘၣ်အဝဲသ့ၣ်လၢကလူၤ ကွံာ်အဆူၣ်ဒီဂၤညါ, ဒီးကဆှုၣ်ကွံာ်အတၢ်ကူတၢ်သိးဒၣ်ဝဲတဖၣ်တက့ၢ်. အန့ၣ်ဒီးအဝဲသ့ၣ်က, ကဆှီထီၣ်ဝဲဒ်တၢ်ဘူၣ်တၢ်ဘါအလုၢ်အလၢ်အသိး န့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်လူၤကၣ် 1:1

စီၤသီးဖံၤလူးသးဘိဧၢ, ပှၤအါဒံအါဂၤဂုာ်ကျဲးစၢးတ့ၢ်ဝဲအဂ့ၤကတၢၢ်လၢအကကွဲး ဖျါထီၣ်က့ၤတၢ်ဂ့ၢ်လၢအမၤတ့ၢ်အသးလၢပသိးပကျါသ့ၣ် တဖၣ်န့ၣ်လီၤ.

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

လံာ်ယိၤဟၣ် 8:9

ဖဲအဝဲသ့ၣ်နၢ်ဟူတၢ်အံၤဝံၤဒီးဟးထီၣ်ကွံာ်ဝဲတဂၤဘၣ်တဂၤ, ပှၤလၢအသးပှၢ်တဖၣ်ဟးထီၣ်လၢညါန့ၣ်လီၤ. ယ့ၣ်ၡူးအိၣ်တီၢ်ထဲတဂၤဧိၤဒီးပိာ်မုၣ်န့ၣ်အိၣ်ဆၢထၢၣ်ဒံးဒၣ် ဖဲန့ၣ်လီၤ.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

မၤတၢ် 8:21

နတဘၣ်ထွဲဘၣ်ဃးဒီးပတၢ်မၤအံၤဘၣ်. အဂ့ၢ်မ့ၢ်လၢနသးတဘျၢလၢကစၢ်ယွၤအမဲာ်အတၢ်ထံၣ်အပူၤ အဃိလီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

အ့းဖ့းစူး 3:12

လၢခရံာ်အပူၤဒီးခီဖျိပတၢ်စူၢ်တၢ်နာ်က့ၤအီၤန့ၣ်, ပအိၣ်ဒီးတၢ်သူၣ်ခူတလ့ၣ်သးခူတလ့ၣ်လၢပကလဲၤနုာ်ဆူ ကစၢ်ယွၤအမဲာ်ညါအိၣ်ဒီးတၢ်သူၣ်ဂၢၢ်သးကျၢၤန့ၣ်လီၤ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

အ့းဖ့းစူး 6:5

ကုၢ်သ့ၣ်ဧၢ, စူၢ်သုကစၢ်တဖၣ်အိၣ်ဒီးတၢ်ပျံၤဒီးတၢ်ကနိးကစုာ် တက့ၢ်. မၤတၢ်အံၤလၢတၢ်သးတီအပူၤဒ်သုမၤဘၣ်ခရံာ်အတၢ် အသိး,

၁ တံၤမသ့း 4:2

တၢ်သိၣ်လိသီလိတဖၣ်အံၤကဘၣ်တၢ်ရၤလီၤအီၤလၢ ပှၤလီတၢ်ဝ့ၤတၢ်, ပှၤပာ်မၤအသးတဖၣ်လၢအသးလၢအသ့ၣ်ညါဒၣ်တၢ်ဘၣ် တၢ်မၤသံကွံာ်အီၤဒ်ထးလူအီၣ်သံကွံာ်အီၤအသိးန့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ဧ့ၤဘြံၤ 10:1

အဂ့ၢ်ဒ်အံၤ, ပှၤယူဒၤဖိအတၢ်သိၣ်တၢ်သီတမ့ၢ်ဘၣ်တၢ်နီၢ်နီၢ် လၢအကဟဲဝဲတဖၣ်အက့ၢ်အဂီၤလၢအမ့ၢ်အတီန့ၣ်ဘၣ်. မ့ၢ်ဒၣ်တၢ်နီၢ်နီၢ်န့ၣ်အကဒုန့ၣ်လီၤ. တၢ်လုၢ်တၢ်ပာ်တမံၤဃီဘၣ်တၢ်လုၢ်ထီၣ်ပာ်ထီၣ်အီၤထီဘိ တနံၣ်ဘၣ်တနံၣ်န့ၣ်လီၤ. လၢတၢ်န့ၣ်အဃိတၢ်သိၣ်တၢ်သီအံၤမၤလၢပှဲၤပှၤလၢအဟဲဆူ အအိၣ်တဖၣ်ခီဖျိတၢ်လုၢ်တၢ်ပာ်တဖၣ်အံၤကသ့ဝဲဒ်လဲၣ်.

ဧ့ၤဘြံၤ 10:19

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ပအိၣ်ဒီးတၢ်သဘျ့အလၢအပှဲၤလၢပကလဲၤနုာ်ဘၣ်ဆူတၢ်လီၢ် စီဆှံကတၢၢ်အပူၤခီဖျိယ့ၣ်ၡူးအတၢ်သံန့ၣ်လီၤ.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.

ယၤကိာ် 1:6

ဘၣ်ဆၣ်တုၤသုဃ့ဘါထုကဖၣ်တၢ်ဒီး, သုကဘၣ်နာ်တၢ်ဒီးတဘၣ်သးဒ့ဒီနီတစဲးဘၣ်. ပှၤလၢ အသးဒ့ဒီတဂၤန့ၣ်, လီၤဂာ်ဒီးလပီလၢပီၣ်လဲၣ်ပူၤလၢကလံၤအူဘၣ်အီၤဒီး ဟူးဝးဝဲန့ၣ်လီၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,