ဧ့ၤဘြံၤ 10:19 - Sgaw Karen Common Bible

¹⁹ လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ပအိၣ်ဒီးတၢ်သဘျ့အလၢအပှဲၤလၢပကလဲၤနုာ်ဘၣ်ဆူတၢ်လီၢ် စီဆှံကတၢၢ်အပူၤခီဖျိယ့ၣ်ၡူးအတၢ်သံန့ၣ်လီၤ.

ဧ့ၤဘြံၤ 10:19 Iomraidhean Croise

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

ရိမ့ၤ 8:15

အဂ့ၢ်ဒ်လဲၣ်န့ၣ်, ကစၢ်ယွၤအသးလၢအဘၣ်တၢ်ဟ့ၣ်လီၤ သုန့ၣ်တဒုးကဲထီၣ်သုလၢကုၢ်ဒီးဒုးအိၣ်ထီၣ်တၢ်ပျံၤတၢ်ဖုး လၢသုပူၤန့ၣ်ဘၣ်. မ့မ့ၢ်ကစၢ်ယွၤအသးဒုးကဲထီၣ်သုလၢ ကစၢ်ယွၤအဖိတဖၣ်ဒီးလၢအသးအစိကမီၤအပူၤပကိးထီၣ် ကစၢ်ယွၤ, “ပၢ်ဧၢ, ယပၢ်ဧၢ” န့ၣ်လီၤ.

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

အ့းဖ့းစူး 3:12

လၢခရံာ်အပူၤဒီးခီဖျိပတၢ်စူၢ်တၢ်နာ်က့ၤအီၤန့ၣ်, ပအိၣ်ဒီးတၢ်သူၣ်ခူတလ့ၣ်သးခူတလ့ၣ်လၢပကလဲၤနုာ်ဆူ ကစၢ်ယွၤအမဲာ်ညါအိၣ်ဒီးတၢ်သူၣ်ဂၢၢ်သးကျၢၤန့ၣ်လီၤ.

၂ တံၤမသ့း 1:7

အဂ့ၢ်ဒ်လဲၣ်န့ၣ်, သးလၢကစၢ်ယွၤဟ့ၣ်လီၤတ့ၢ်ပှၤန့ၣ်တဒုး ကဲထီၣ်ပှၤလၢ, ပှၤလၢအပျံၤတၢ်ဘၣ်. မ့မ့ၢ်ယွၤအသးမၤပှဲၤ ပသးဒီးတၢ်စိတၢ်ကမီၤ, တၢ်အဲၣ်တၢ်ကွံ, ဒီးတၢ်ပၢၤသူၣ်ပၢၤသးန့ၣ်လီၤ.

ဧ့ၤဘြံၤ 10:18

ဖဲတၢ်ပျၢ်ကွံာ်တၢ်တဖၣ်အံၤအိၣ်ဝဲန့ၣ်တၢ်လုၢ်တၢ်ပာ်လၢတၢ်ဒဲးဘး အဂီၢ်အလီၢ်တအိၣ်လၢၤဘၣ်.

ဧ့ၤဘြံၤ 10:35

မၤသးဒ်န့ၣ်ဒီး တဘၣ်ညိကွံာ်သုတၢ်သးခူတလ့ၣ် လၢအအိၣ်ဒီးအဘူးအလဲဒိၣ်ဒိၣ်ကလဲာ်န့ၣ်တဂ့ၤ.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:3

ဒဲလၢအအိၣ်လၢယၣ်ဘျးသဒၢတၢ်ခံဘ့ၣ်တဘ့ၣ်အလီၢ်ခံတခီ ဘၣ်တၢ်ကိးအီၤလၢတၢ်စီတၢ်ဆှံကတၢၢ်အလီၢ်န့ၣ်လီၤ.

၁ ယိၤဟၣ် 4:17

တၢ်အဲၣ်တၢ်ကွံဘၣ်တၢ်မၤလၢထီၣ်ပှဲၤထီၣ်လၢပပူၤ, ဒ်သိးပကအိၣ်ဒီးတၢ်သးဒူလၢမုၢ်စံၣ်ညီၣ်အနံၤ အဂီၢ်န့ၣ်လီၤ. အဂ့ၢ်ဒ်အံၤ, လၢဟီၣ်ခိၣ်ချၢအံၤဒၣ်လဲာ် ပတၢ်အိၣ်မူမ့ၢ်တၢ်တမံၤဃီဒီးခရံာ်အတၢ်အိၣ်မူန့ၣ်လီၤ.