ဧ့ၤဘြံၤ 10:10 - Sgaw Karen Common Bible

¹⁰ ဒီးလၢတၢ်ဘၣ်ကစၢ်ယွၤအသးအံၤအဃိ, ပဘၣ်တၢ်မၤစီထီၣ်ဆှံထီၣ်ပှၤခီဖျိယ့ၣ်ၡူးခရံာ်အတၢ်လုၢ်ထီၣ် အနီၢ်ခိထဲတဘျီဧိၤန့ၣ်လီၤ.

ဧ့ၤဘြံၤ 10:10 Iomraidhean Croise

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်ယိၤဟၣ် 17:19

ယပာ်စီဆှံယသးလၢအဝဲသ့ၣ်အဂီၢ်, ဒ်သိးအဝဲသ့ၣ်စ့ၢ်ကီးကပာ်စီဆှံအသးနီၢ်နီၢ်အဂီၢ်န့ၣ်လီၤ.

လံာ်ယိၤဟၣ် 19:34

ဘၣ်ဆၣ်ဒီး, ပှၤသုးဖိအကျါတဂၤဆဲးဖျိယ့ၣ်ၡူးအကပၤ လၢဘီ, ဒီးတၢ်သွံၣ်ဒီးထံဟဲယွၤလီၤဝဲတဘျီဃီန့ၣ်လီၤ.

လံာ်ယိၤဟၣ် 6:51

ယဲဒၣ်အံၤယမ့ၢ်ကိၣ်မူလၢအဟဲလီၤလၢမူခိၣ် န့ၣ်လီၤ. ပှၤတဂၤလၢ်လၢ်လၢအအီၣ်ကိၣ်အံၤန့ၣ်, ကမူဝဲလီၤထူလီၤယိာ်န့ၣ်လီၤ. ကိၣ်လၢယကဟ့ၣ်လီၤအီၤ န့ၣ်, မ့ၢ်ယညၣ်လၢယဟ့ၣ်လီၤလၢပှၤဟီၣ်ခိၣ်ဖိကမူဝဲအဂီၢ် န့ၣ်လီၤ.”

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

ဧ့ၤဘြံၤ 10:12

မ့မ့ၢ်ခရံာ်လုၢ်ထီၣ်တၢ်လုၢ်တမံၤလၢတၢ်လုၢ်တၢ်ဒဲးဘးအဂီၢ်, တၢ်လုၢ်တမံၤလၢအဒုးကဲထီၣ်တၢ်ဘျုးလီၤထူလီၤယိာ်, ဝံၤဒီးဆ့ၣ်နီၤဝဲလၢ ကစၢ်ယွၤအစုထွဲတခီလီၤ.

ဧ့ၤဘြံၤ 10:14

အဂ့ၢ်ဒ်အံၤခီဖျိတၢ်လုၢ်ထီၣ်ပာ်ထီၣ်တဘျီဧိၤန့ၣ်အဝဲဒၣ် မၤလၢထီၣ်ပှဲၤထီၣ်လံပှၤလၢအဘၣ်တၢ်မၤစီဆှံအီၤ တဖၣ်န့ၣ်လံ.

ဧ့ၤဘြံၤ 10:20

ခီဖျိအကစၢ်ဒၣ်ဝဲအနီၢ်ခိန့ၣ်အဝဲဒၣ်အိးထီၣ်န့ၢ်ပှၤတၢ်မူအကျဲ အသီတဘိလၢအလဲၤဖျိကွံာ်ယၣ်ဘျးသဒၢန့ၣ်လီၤ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

ဧ့ၤဘြံၤ 10:5

လၢတၢ်အံၤအဃိဖဲခရံာ်ကဟဲလီၤဆူဟီၣ်ခိၣ်ချၢန့ၣ်စံးဝဲဒၣ်, “နတသးလီဘၣ်တၢ်လုၢ်တၢ်ပာ်ဒီး တၢ်မၤဘူၣ်တဖၣ်ဘၣ်. မ့မ့ၢ်နကတဲာ်ကတီၤန့ၢ်နီၢ်ခိလၢယဂီၢ်လီၤ.

ဧ့ၤဘြံၤ 13:12

လၢတၢ်န့ၣ်အဃိ, ယ့ၣ်ၡူးဒိးသံစ့ၢ်ကီးအသးလၢဝ့ၢ် အချၢဒ်သိးဒီးကမၤကဆှီထီၣ်အပှၤဂီၢ်မုၢ်ခီဖျိအသွံၣ်ဒၣ် ဝဲန့ၣ်လီၤ.

ဧ့ၤဘြံၤ 2:11

ပှၤလၢအမၤစီထီၣ်ဆှံထီၣ်ပှၤတဖၣ်လၢအတၢ်ဒဲးဘးဒီး ပှၤလၢအဘၣ်တၢ်မၤစီထီၣ်ဆှံထီၣ်အီၤတဖၣ်အိၣ်ဒီးပၢ်တဂၤ ဃီလီၤ. လၢတၢ်န့ၣ်အဃိယ့ၣ်ၡူးအမဲာ်တဆှးဘၣ်လၢကကိး အဝဲသ့ၣ်လၢဒီပုၢ်ဝဲၢ်ဘၣ်.

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

ဧ့ၤဘြံၤ 7:27

အဝဲန့ၣ်, အလီၢ်တအိၣ်ဘၣ်လၢအကလုၢ်ထီၣ်ပာ်ထီၣ်တၢ်လုၢ် တဖၣ်ကိးနံၤဒဲး, အဆိလၢအတၢ်ဒဲးဘးဒၣ်ဝဲအဂီၢ်, လၢခံက့ၤလၢပှၤဂၤအဂီၢ်, ဒ်ပှၤလုၢ်တၢ်အခိၣ်အဒိၣ်ကတၢၢ် တဖၣ်န့ၣ်အသိးဘၣ်. အဝဲလုၢ်ထီၣ်တၢ်ထဲတဘျီဧိၤလၢအလၢဝဲပှဲၤဝဲလၢကိးဆၢ ကတီၢ်ဒဲးအဂီၢ်ဖဲအလုၢ်ထီၣ်အသးဒၣ်ဝဲန့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

ဧ့ၤဘြံၤ 9:26

မ့ၢ်မၤဝဲဒ်န့ၣ်ဒီးကဘၣ်တူၢ်တၢ်တဘျီဘၣ်တဘျီအါဘျီ စးထီၣ်လၢဟီၣ်ခိၣ်အခီၣ်ထံးလံၤလံၤန့ၣ်လီၤ. မ့မ့ၢ်အခဲအံၤ ဖဲတၢ်အကတၢၢ်ဘူးထီၣ်အကတီၢ်အံၤ, အဝဲလီၣ်ဖျါထီၣ် အသးထဲတဘျီဧိၤဒ်သိးအကသုးကွံာ်တၢ်ဒဲးဘးခီဖျိ အလုၢ်ထီၣ်အကစၢ်ဒၣ်ဝဲန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 5:6

ယ့ၣ်ၡူးခရံာ်မ့ၢ်ပှၤလၢအဟဲဝဲအိၣ်ဒီးအတၢ်ဒိးဘျၢ အသးလၢထံဒီးအတၢ်တူၢ်သံအသးအသွံၣ်န့ၣ်လီၤ. အဝဲတဟဲဝဲထဲလၢထံဧိၤန့ၣ်ဘၣ်. မ့မ့ၢ်, ဟဲဝဲလၢထံဒီးသွံၣ်ခံမံၤလိာ်န့ၣ်လီၤ. ဒီးယွၤအသးအကစၢ်ဒၣ်ဝဲအုၣ်အသးလၢတၢ်အံၤမ့ၢ် တၢ်မ့ၢ်တၢ်တီ, မ့ၢ်လၢယွၤအသးမ့ၢ်တၢ်မ့ၢ်တၢ်တီ အဃိန့ၣ်လီၤ.