ဧ့ၤဘြံၤ 1:8 - Sgaw Karen Common Bible

⁸ ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

ဧ့ၤဘြံၤ 1:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 72:7

လၢအမုၢ်နံၤတဖၣ်အပူၤန့ၣ်, ပှၤတီပှၤလိၤကဘီၣ်ထီၣ်ညီထီၣ်, ဒီးတၢ်ဃူတၢ်ဖိးကအိၣ်တုၤ လါတအိၣ်လၢၤဘၣ်န့ၣ်လီၤ.

စံးထီၣ်ပတြၢၤ 99:4

စီၤပၤလၢအဂံၢ်ဆူၣ်ဘါဆူၣ်ဧၢ, နအဲၣ်တၢ်လၢအတီလီၤ နဒုးအိၣ်ထီၣ်တၢ်စံၣ်ညီၣ်တီလၢ ကီၢ်အံၣ်စရ့လးအပူၤ, နဟဲစိာ်တၢ်တီတၢ်လိၤဒီး တၢ်အဂ့ၤအဘၣ်လီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 38:15

ယစံးဆၢအီၤ, “ယမ့ၢ်တဲဘၣ်နၤတၢ်မ့ၢ်တၢ်တီဒီး နကမၤသံယၤ, ဒီးယမ့ၢ်ဟ့ၣ်ကူၣ်နၤဒီး, တမ့ၢ်လၢ နကကနၣ်ယၤန့ၣ်ဘၣ်.”

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်လူၤကၣ် 1:75

ဒ်သိးပကစီဝဲဆှံဝဲဒီးတီဝဲလိၤဝဲလၢအဝဲဒၣ်အမဲာ်ညါ လၢပတၢ်အိၣ်မူဒီစိၤညါန့ၣ်လီၤ.

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 10:33

ပှၤယူဒၤဖိတဖၣ်စံးဆၢအီၤ, “တမ့ၢ်လၢတၢ်မၤအဂ့ၤတမံၤမံၤ အဃိ, ပသးအိၣ်ကွံာ်သံနၤလၢလၢၢ်န့ၣ်ဘၣ်. မ့ၢ်လၢနကတိၤဒုၣ်ဒွဲၣ်စံးအၢယွၤအဃိလီၤ. နမ့ၢ်ဒၣ်ပှၤကညီ တဂၤလီၤ. ဘၣ်ဆၣ်နစံးလီၤနသးလၢနမ့ၢ်ကစၢ်ယွၤလီၤ.”

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

ရိမ့ၤ 9:5

အဝဲသ့ၣ်ဟဲလီၤစၢၤလၢပၢ်သ့ၣ်လၢပျၢၤဒီးခရံာ်လၢ အလိၣ်ထီၣ်အသးဒ်ပှၤကညီတဂၤအသိးန့ၣ်, မ့ၢ်ပှၤ တကလုာ်ဃီဒီးအဝဲသ့ၣ်လီၤ. မ်ကစၢ်ယွၤလၢအပၢ တၢ်ခဲလၢာ်တဂၤ, ဘၣ်တၢ်စံးထီၣ်ပတြၢၤအီၤလီၤ စိၤလီၤထီတက့ၢ်. အၤမ့ၣ်.

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

လံာ်သိၣ်လီၤသီလီၤတၢ် 2:37

ဘၣ်ဆၣ် ပတလဲၤဘူးဘၣ်ဒီး ပှၤဧၤမိၣ်ဖိတဖၣ်အလီၢ်ကဝီၤအဃၢၤမ့ၢ်ဂ့ၤ, ပတလဲၤဘၣ်ဆူ ထံကျိယးဘိးအကၢၢ်နံၤမ့ၢ်ဂ့ၤ, ပတလဲၤဘၣ်ဆူဝ့ၢ်တဖၣ်လၢ အအိၣ်လၢ တၢ်လူၢ်ဒီခိၣ်မ့ၢ်ဂ့ၤ ဆူတၢ်လီၢ်အဂုၤအဂၤဖဲ ယွၤပကစၢ်ယွၤ မၤလိာ်ပှၤလၢ ပတဘၣ်လဲၤဝဲန့ၣ်ဘၣ်.

လံာ်သိၣ်လီၤသီလီၤတၢ် 7:14

ပှၤဂီၢ်မုၢ်လၢဟီၣ်ခိၣ်ချၢလၢကဘၣ်တၢ်ဆိၣ်ဂ့ၤထူးထူးတီၤတီၤ ထဲသိးဒီးသုတအိၣ်ဘၣ်နီတကလုာ်ဘၣ်. ပိာ်ခွါမ့တမ့ၢ်ပိာ်မုၣ်လၢသုကျါမ့ၢ်ဂ့ၤ, သုဆၣ်ဖိကီၢ်ဖိလၢသုဘုၣ်အီၤအဖါမ့တမ့ၢ်အမိၢ်မ့ၢ်ဂ့ၤန့ၣ်, အတူာ်ဖိတအိၣ်ဘၣ်.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၂ ပ့းတရူး 1:11

လၢကျဲဒ်အံၤန့ၣ်, တၢ်ကဟ့ၣ်သုတၢ်အခွဲးအယာ်အလၢ အပှဲၤလၢသုကလဲၤနုာ်ဘၣ်ဆူပကစၢ်ဒီးပှၤအုၣ်က့ၤခီၣ်က့ၤ ပှၤယ့ၣ်ၡူးခရံာ်အဘီအမုၢ်အထူအယိာ်အပူၤန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.