ဧ့ၤဘြံၤ 1:14 - Sgaw Karen Common Bible

¹⁴ မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.

ဧ့ၤဘြံၤ 1:14 Iomraidhean Croise

လံာ်တၢ်ကဲထီၣ်အခီၣ်ထံး 32:24

မ့မ့ၢ်အဝဲအိၣ်လီၤတဲာ်တ့ၢ်ထဲတဂၤဧိၤန့ၣ်လီၤ. ဖဲန့ၣ်ပှၤတဂၤဟဲဒီးကနိတၢ်ဒီးအီၤတုၤမုၢ်ဘူးကဆ့ၣ်ထီၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်စီၤယိၤဘး 1:6

မုၢ်တနံၤဖဲကစၢ်ယွၤအကလူးတဖၣ်ဟဲပာ်ဖျါထီၣ်အသးလၢ ယွၤအမဲာ်ညါန့ၣ်, မုၣ်ကီၤလံၢ်အိၣ်စ့ၢ်ကီးလၢအဝဲသ့ၣ်အကျါန့ၣ် လီၤ.

စံးထီၣ်ပတြၢၤ 104:4

နသူကလံၤတဖၣ်ဒ် နပှၤစိာ်တၢ်ကစီၣ်တဖၣ်အသိး ဒီးလီဝၢ်ဒံးတဖၣ်အတၢ်ကပြ့ၢ်ထီၣ်ဒ် နခ့နပှၤတဖၣ်အသိးန့ၣ်လီၤ.

စံးထီၣ်ပတြၢၤ 34:7

ယွၤအကလူးသူၣ်ဒဲဝးတရံးပှၤလၢအပျံၤအီၤ ဒီးမၤပူၤဖျဲးအဝဲသ့ၣ်လီၤ.

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 2:13

တုၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်က့ၤဝံၤအလီၢ်ခံဒီး ယွၤအကလူးတဂၤလီၣ်ဖျါထီၣ်အသးလၢစီၤယိၤသးလၢတၢ်မံမီၢ် အပူၤဒီးစံးဝဲ, “ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်န့ၣ်ဝံၤဃ့ၢ်ပူၤဖျဲးကွံာ်သုသးဆူ ကီၢ်အဲၤကူပတူးဒီးအိၣ်ဖဲန့ၣ်တုၤယမၢနဟးထီၣ်တစုန့ၣ်တက့ၢ်. အဂ့ၢ်ဒ်အံၤ စီၤပၤဟ့ၤရိာ်ကမၢလီၤပှၤလၢကဃုဖိသၣ်အံၤဒ်သိး အကမၤသံအီၤအဂီၢ်လီၤ.”

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မးသဲ 4:11

အန့ၣ်ဒီးမုၣ်ကီၤလံၢ်ဟးဖးဒီးယ့ၣ်ၡူးဒီးကလူးတဖၣ်ဟဲ ဒီးမၤတၢ်အခ့အပှၤအတၢ်မၤလၢအဂီၢ်လီၤ.

လံာ်မၢ်ကူး 10:17

ဖဲယ့ၣ်ၡူးဟးထီၣ်ဒီးလဲၤတၢ်အကတီၢ်န့ၣ်, ပှၤတဂၤဟဲဃ့ၢ်ထီၣ်ဒီးချံးခီၣ်တီၤလီၤလၢအမဲာ်ညါဒီးသံ ကွၢ်အီၤ, “သရၣ်လၢအဂ့ၤတဂၤဧၢ, ဒ်သိးယကန့ၢ်ဘၣ်သါတၢ်မူအထူအယိာ်အဂီၢ်ယကဘၣ် မၤတၢ်မနုၤလဲၣ်.”

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်လူၤကၣ် 1:23

ဒီးဖဲစီၤစဃၤရံအတၢ်ဖံးတၢ်မၤအဆၢကတီၢ်လၢတၢ်လုၢ်ဟံၣ်အပူၤ ကတၢၢ်န့ၣ်, အဝဲဒၣ်က့ၤက့ၤဆူအဟံၣ်လီၤ.

လံာ်လူၤကၣ် 16:22

ပှၤဖှီၣ်ဖိယာ်ဖိတဂၤအံၤသံဝဲ, ဒီးဘၣ်တၢ်စိာ်ထီၣ်အီၤလၢကလူး တဖၣ်ဆူ စီၤအၤဘြၤဟၣ်အကပၤ, ဖဲတၢ်အီၣ်အမူးလၢမူခိၣ်န့ၣ်လီၤ. ပှၤထူးပှၤတီၤစ့ၢ်ကီးသံဝဲ, ဒီးဘၣ်တၢ်ခူၣ်လီၤအီၤလီၤ.

လံာ်လူၤကၣ် 2:13

သတူၢ်ကလာ်, မူခိၣ်ကလူးအသုးမုၢ်ဖးဒိၣ်တဖုဟဲအိၣ်ဖျါထီၣ်ဝဲလၢ ကလူးတဂၤန့ၣ်အသိး, ဒီးသးဝံၣ်စံးထီၣ်ပတြၢၤကစၢ်ယွၤဒီးစံး,

လံာ်လူၤကၣ် 2:9

ယွၤအကလူးတဂၤအိၣ်ဖျါထီၣ်လၢအဝဲသ့ၣ်အမဲာ်ညါ, ဒီးကစၢ်အလၤကပီၤကပီၤထီၣ်ဝးတရံးအဝဲသ့ၣ်လီၤ. အဝဲသ့ၣ်ပျံၤတၢ်ဖုးတၢ်ဒိၣ်မး,

မၤတၢ် 11:22

တၢ်ဂ့ၢ်တမံၤအံၤအကစီၣ်လဲၤတုၤဆူတၢ်အိၣ်ဖှိၣ်လၢဝ့ၢ်ယရူၤၡလ့ၣ်, သတးဒီးအဝဲသ့ၣ်ဆှၢလီၤစီၤဘၢ်နါဘၤဆူဝ့ၢ်အၣ်တံၤအီာ်န့ၣ်လီၤ.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

မၤတၢ် 12:7

သတူၢ်ကလာ်, ကစၢ်အကလူးတဂၤအိၣ်ဆၢထၢၣ်ဖဲန့ၣ်, ဒီးတၢ်ကပီၤထီၣ်ဝဲလၢဃိာ်အဒၢးပူၤန့ၣ်လီၤ. ကလူးတရုၤ စီၤပ့းတရူးအဖံဘၣ်ခိၣ်, ထိၣ်ဂဲၤထၢၣ်အီၤဒီးစံးဝဲ, “မၤချ့ချ့, ဂဲၤဆၢထၢၣ်တက့ၢ်.” တဘျီဃီဖဲန့ၣ်ပျံၤထးတဖၣ်လီၤတဲာ်ကွံာ်လၢစီၤပ့းတရူးအစု ခံခီအလိၤန့ၣ်လီၤ.

မၤတၢ် 13:2

ဖဲအဝဲသ့ၣ်ဘူၣ်ထီၣ်ဘါထီၣ်တၢ်ဒီးဒုၣ်တၢ်အီၣ်တၢ်အီအဆၢ ကတီၢ်န့ၣ်, သးစီဆှံစံးဘၣ်အီၤ, “ပာ်လီၤဆီန့ၢ်ယၤစီၤဘၢ်နါဘၤဒီး စီၤစီလူး, ဒ်သိးအကမၤတၢ်မၤလၢယကိးန့ၢ်အီၤလၢအကမၤဝဲ အဂီၢ်န့ၣ်တက့ၢ်.”

မၤတၢ် 16:26

သတူၢ်ကလာ်, ဟီၣ်ခိၣ်ဟူးဝဲဒၣ်ဆူၣ်ဆူၣ်ကလဲာ်တုၤ အမၤဟူးဝးဆှဲးဆှိးဃိာ်အခီၣ်ထံးန့ၣ်လီၤ. တဘျီဃီဖဲန့ၣ်, တြဲၤတဖၣ်အိးထီၣ်အသးဒီးပျံၤထးတဖၣ်လီၤတဲာ်ကွံာ်လၢ ပှၤဃိာ်ဖိခဲလၢာ်အလိၤလီၤ.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

မၤတၢ် 5:19

ဘၣ်ဆၣ်ဒီးနၤအဝဲန့ၣ်ကစၢ်အကလူးတဂၤအိးထီၣ်တြဲၤတဖၣ်ဒီးဒုးဟးထီၣ်ဝဲ ပှၤတၢ်မၢဖိတဖၣ်ဆူတၢ်ချၢ, ဒီးစံးဘၣ်အဝဲသ့ၣ်,

ရိမ့ၤ 11:14

ဘၣ်သ့ၣ်သ့ၣ်, ယမၤသးက့ၣ်ယပှၤကလုာ်ဒၣ်ယဲကသ့, ဒ်သိးလၢယဃိန့ၣ်ယွၤကအုၣ်က့ၤခီၣ်က့ၤအဝဲသ့ၣ်တနီၤနီၤ န့ၣ်လီၤ.

ရိမ့ၤ 13:6

လၢတၢ်ဂ့ၢ်အံၤအဃိစ့ၢ်ကီးသုဟ့ၣ်တၢ်ခိတၢ်သွဲတဖၣ်လီၤ. အဂ့ၢ်ဒ်လဲၣ်န့ၣ်ပဒိၣ်ပပှၢ်တဖၣ်မၤတၢ်လၢကစၢ်ယွၤအဂီၢ်ဖဲ အဝဲသ့ၣ်မၤလၢပှဲၤအမူအဒါတဖၣ်အခါန့ၣ်လီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ရိမ့ၤ 15:27

အဝဲသ့ၣ်အကစၢ်ဒၣ်ဝဲအသးဆူၣ်သးခုမၤတၢ်အံၤလီၤ. ဘၣ်ဆၣ်ဒီးနီၢ်နီၢ်တခီအဝဲသ့ၣ်အိၣ်ဒီးအမူအဒါလၢအကမၤစၢၤ ပှၤတဖၣ်န့ၣ်လီၤ. အဂ့ၢ်ဒ်လဲၣ်န့ၣ်, ဒ်ပှၤယူဒၤဖိတဖၣ်နီၤဟ့ၣ်ပှၤကလုာ်ဂၤတဖၣ်လၢနီၢ်သးအတၢ်ဆိၣ် ဂ့ၤအသိးန့ၣ်ပှၤကလုာ်ဂၤတဖၣ်ကြၢးမၤစၢၤပှၤယူဒၤဖိတဖၣ်လၢနီၢ်ခိ အတၢ်ဆိၣ်ဂ့ၤတကပၤန့ၣ်လီၤ.

ရိမ့ၤ 8:17

မ့ၢ်လၢပမ့ၢ်အဖိတဖၣ်အဃိ, ပကန့ၢ်သါတၢ်ဆိၣ်ဂ့ၤတဖၣ် လၢအပာ်ဃာ်ဝဲလၢအပှၤဂီၢ်မုၢ်အဂီၢ်, ဒီးပကန့ၢ်သါဃုာ် ဒီးခရံာ်တၢ်လၢကစၢ်ယွၤပာ်ဃာ်လၢအဝဲအဂီၢ်စ့ၢ်ကီးန့ၣ် လီၤ. အဂ့ၢ်ဒ်လဲၣ်န့ၣ်, ပမ့ၢ်ဒိးဃုာ်တၢ်နးတၢ်ဖှီၣ်ဒီးခရံာ် ဒီးပကဘၣ်ဃုာ်တၢ်လၤတၢ်ကပီၤဒီးအီၤစ့ၢ်ကီးလီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

၂ ကရံၣ်သူး 9:12

အဂ့ၢ်ဒ်အံၤ, တၢ်လၢသုမၤတမံၤအံၤန့ၣ်, တမ့ၢ်ထဲအမၤလၢထီၣ်ပှဲၤထီၣ် ကစၢ်ယွၤအပှၤဂီၢ်မုၢ်အတၢ်လိၣ်တဖၣ်ဧိၤဘၣ်. မ့မ့ၢ်, ဒုးအိၣ်ထီၣ်တၢ်စံးဘျုးစံးဖှိၣ်ကစၢ်ယွၤအတၢ်ပုာ်ထီၣ်ယွၤလီၤန့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

ကလၤတံ 3:7

မ့မ့ၢ်ဒ်န့ၣ်ဒီး, သုကြၢးသ့ၣ်ညါနၢ်ပၢၢ်လၢပှၤလၢအလီၤစၢၤနီၢ်နီၢ် လၢစီၤအၤဘြၤဟၣ်မ့ၢ်ပှၤတဖၣ်လၢအအိၣ်ဒီးတၢ်စူၢ်တၢ်နာ်န့ၣ်လီၤ.

ကလၤတံ 3:9

စီၤအၤဘြၤဟၣ်နာ်တၢ် ဒီး တၢ်ဆိၣ်ဂ့ၤဘၣ်အီၤလီၤ. ဒ်န့ၣ်အသိးပှၤလၢအနာ်တၢ်ခဲလၢာ်ဘၣ်ဆိၣ်ဂ့ၤဝဲဒ် စီၤအၤဘြၤဟၣ်အသိးန့ၣ်လီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ဖံလံးပံၤ 2:25

ယဆိကမိၣ်တ့ၢ်လၢအလီၢ်အိၣ်ဝဲဒၣ်လၢယကဆှၢလီၤပဒီပုၢ်ဝဲၢ် စီၤအ့းပၤဖရီးဒံတူးဆူသုအိၣ်, ပှၤလၢအမၤတ့ၢ်တၢ်ဒီးဒုးတ့ၢ်တၢ်ဒီးယၤဒီးမ့ၢ်တ့ၢ်သုခၢၣ် စးလၢအဟဲမၤစၢၤယၤန့ၣ်လီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

တံတူး 3:7

ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

ဧ့ၤဘြံၤ 10:11

ပှၤယူဒၤဖိအပှၤလုၢ်တၢ်အခိၣ်မၤအတၢ်မၤကိးနံၤဒဲးဒီးလုၢ်ထီၣ် တၢ်လုၢ်တၢ်ပာ်တမံၤဃီအဘျီတဖၣ်အဘျီဘၣ်ဆၣ်ဒီး တၢ်လုၢ်တၢ်ပာ်တဖၣ်အံၤဟံးထီၣ်ကွံာ်တၢ်ဒဲးဘးတဖၣ် တသ့ဘၣ်.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

ဧ့ၤဘြံၤ 6:12

မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

ဧ့ၤဘြံၤ 6:17

လၢတၢ်န့ၣ်အဃိ, ဖဲကစၢ်ယွၤသးအိၣ်လီၣ်ဖျါထီၣ်န့ၢ်ပှၤလၢ အကန့ၢ်သါဃုာ်တၢ်စံးပာ်အံၤတဖၣ်လၢအတၢ်တိာ်ပာ်မ့ၢ် တၢ်လၢအတလဲလိာ်အသးဘၣ်န့ၣ်, ယွၤအၢၣ်လီၤတၢ်အိၣ်ဒီးတၢ်ဆိၣ်လီၤအသးလီၤ.

ဧ့ၤဘြံၤ 8:6

ဘၣ်ဆၣ်ဒီးခဲအံၤယ့ၣ်ၡူးဘၣ်တၢ်ဟ့ၣ်လီၤအီၤလၢပှၤလုၢ် တၢ်အခိၣ်အတၢ်ဖံးတၢ်မၤလၢအဂ့ၤဒိၣ်န့ၢ်အဝဲသ့ၣ်အတၢ်မၤ တက့ၢ်, ဒ်သိးဒၣ်တၢ်အၢၣ်လီၤအီလီၤလၢအဝဲဒုးအိၣ်ထီၣ်ဝဲလၢ ကစၢ်ယွၤဒီးအပှၤဂီၢ်မုၢ်အဘၢၣ်စၢၤမ့ၢ်တၢ်လၢအဂ့ၤဒိၣ်ဒၣ် တၢ်တက့ၢ်, မ့ၢ်လၢအသူၣ်လီၤအသးလၢတၢ်စံးပာ်တဖၣ်လၢ အဘၣ်ဃးဒီးတၢ်ဂ့ၤဒိၣ်ဒၣ်တၢ်တဖၣ်အဖီခိၣ်အဃိန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,

လံာ်လီၣ်ဖျါ 5:6

တုၤနုၤတစုယထံၣ်သိဖိတဒုဆၢထၢၣ်လၢလီၢ်ပစိာ်အခၢၣ်သး, ဘၣ်တၢ်ကဝီၤဃာ်အီၤလၢတၢ်အသးသမူအိၣ်လွံၢ်ဒုဒီးပှၤ သူၣ်က့သးပှၢ်တဖၣ်န့ၣ်လီၤ. အိၣ်ဖျါလၢသိဖိတဒုန့ၣ်ဘၣ် တၢ်မၤသံအီၤလီၤ. အဝဲအိၣ်ဒီးအနၢၤနွံဘိဒီးအမဲာ်ချံနွံတိၣ်, လၢအမ့ၢ်ဝဲကစၢ်ယွၤအသးနွံဖျၢၣ်, လၢအဘၣ်တၢ်ဆှၢလီၤတ့ၢ်အီၤသကုၤဟီၣ်ခိၣ်ဒီဘ့ၣ်ညါန့ၣ်လီၤ.