ဧ့ၤဘြံၤ 1:13 - Sgaw Karen Common Bible

¹³ ကစၢ်ယွၤတစံးဘၣ်အကလူးနီတဂၤနီတဘျီလၢ “ဆ့ၣ်နီၤဖဲအံၤလၢယစုထွဲတခီ တုၤယပာ်လီၤနဒုၣ်နဒါခဲလၢာ် ဒ်နခီၣ်ယီၢ်အသိးလၢနခီၣ်အဖီလာ်” န့ၣ်ဘၣ်.

ဧ့ၤဘြံၤ 1:13 Iomraidhean Croise

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

လံာ်မးသဲ 22:44

‘ယွၤကတိၤတၢ်ဒီးယကစၢ်ဒီးစံး, ဆ့ၣ်နီၤဖဲအံၤလၢယစုထွဲတကပၤ တုၤယပာ်နဒုၣ်နဒါတဖၣ်လၢနခီၣ်အဖီလာ်တက့ၢ်’ (စံး. ၁၁၀:၁).

လံာ်မၢ်ကူး 12:36

စီၤဒၤဝံးအကစၢ်ဒၣ်ဝဲန့ၣ်သးစီဆှံထိးဘၣ်အသးဒီးစံးဝဲ, ‘ယွၤစံးဘၣ်ယကစၢ်, ဆ့ၣ်နီၤလၢယစုထွဲတခီ, တုၤယဒုးအိၣ်နဒုၣ်နဒါတဖၣ်လၢ နခီၣ်ညါသးအဖီလာ်တစုတက့ၢ်.’

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

လံာ်လူၤကၣ် 20:42

အဂ့ၢ်ဒ်အံၤ, စီၤဒၤဝံးအနီၢ်ကစၢ်ဒၣ်ဝဲစံးဝဲဖဲလံာ်စံးထီၣ်ပတြၢၤအပူၤ, ‘ကစၢ်စံးဘၣ်ယကစၢ် ဆ့ၣ်နီၤဖဲအံၤလၢယစုထွဲတကပၤ

မၤတၢ် 7:55

မ့မ့ၢ်စီၤစတ့းဖၣ်လၢထီၣ်ပှဲၤထီၣ်ဒီးသးစီဆှံ, ကွၢ်ထီၣ်တၢ်ဆူမူခိၣ်ဒီးထံၣ်ဘၣ်ကစၢ်ယွၤအလၤကပီၤ, ဒီးထံၣ်ဝဲယ့ၣ်ၡူးအိၣ်ဆၢထၢၣ်လၢကစၢ်ယွၤအစုထွဲတခီ လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

လံာ်စီၤယိၤၡူ 10:24

ဒီးဖဲအဝဲသ့ၣ်ဟဲဆှၢထီၣ်စီၤပၤတဖၣ်ဆူစီၤယိၤၡူအအိၣ်န့ၣ်, စီၤယိၤၡူကိးဖှိၣ်ပှၤအံၣ်စရ့လးဖိခဲ လၢာ်ဒီးစံးဘၣ်သုးခိၣ်သုးနၢ်လၢအလဲၤတၢ်ဒီးအီၤတဖၣ်လၢအကဟဲ ဒီးပာ်ထီၣ်အခီၣ်လၢစီၤပၤတဖၣ်အံၤအကိာ်လိၤန့ၣ်လီၤ. ဒီးအဝဲသ့ၣ်မၤဝဲဒ်န့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.