လံာ်ဃးကဲ 2:6 - Sgaw Karen Common Bible

⁶ တယံာ်ဘၣ်န့ၣ်, ယကမၤဟူးဝးမူခိၣ်ဒီးဟီၣ်ခိၣ်, ခိဒီးပီၣ်လဲၣ်လီၤ.

လံာ်ဃးကဲ 2:6 Iomraidhean Croise

လံာ်စီၤယိၤဘး 9:6

ကစၢ်ယွၤမၤဟူးဝးဟီၣ်ခိၣ်ဒီးဟီၣ်ခိၣ်ဟူးဝးဝဲဒီးမၤဝးတၢ် အထူၣ်တဖၣ်လၢအယိးဃာ်ဟီၣ်ခိၣ်န့ၣ်လီၤ.

စံးထီၣ်ပတြၢၤ 18:7

တုၤနုၤတစုဟီၣ်ခိၣ်ဟူးဝးဒီးဆှဲးဆှိးဝဲ, ကစၢၢ်တဖၣ်အခီၣ်ထံးသုးအသးဒီးဟူးဝးဝဲ, မ့ၢ်လၢကစၢ်ယွၤသးဒိၣ်ထီၣ်အဃိန့ၣ်လီၤ.

စံးထီၣ်ပတြၢၤ 37:10

တစိၢ်ဖိဒီးပှၤအၢပှၤသီကဟါမၢ်ကွံာ်ဝဲ, နမ့ၢ်ဃုအီၤဘၣ်ဆၣ်နတထံၣ်န့ၢ်အီၤလၢၤဘၣ်.

လံာ်ယၡါယၤ 10:25

လၢတစိၢ်ဖိအတီၢ်ပူၤန့ၣ်, ယကမၤဝံၤယတၢ်စံၣ်ညီၣ်သု, ဝံၤဒီးယကမၤဟးဂီၤအဝဲသ့ၣ်လီၤ.

လံာ်ယၡါယၤ 13:13

ယကမၤတုၤမူခိၣ်တဖၣ်ကနိးကစုာ်ဝဲ, ဒီးဟီၣ်ခိၣ်ကဘၣ်တၢ်တြုၤ ဖျိးကွံာ်အီၤလၢအလီၢ်ဒၣ်ဝဲလၢမုၢ်တနံၤဖဲယၤ, ယွၤသ့တၢ် လၢာ်ကစၢ်ဒုးနဲၣ်ယတၢ်သးကဲၤထီၣ်န့ၣ်လီၤ.

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယၡါယၤ 29:17

ဒ်တၢ်စံးပာ်အိၣ်ဝဲအသိးန့ၣ်, တယံာ်လၢၤဘၣ်ဒီးသ့ၣ်ဒိၣ်ပှၢ် တီၣ်န့ၣ်ကကဲထီၣ်စံာ်ပျီ, ဒီးစံာ်ပျီကကဲထီၣ်က့ၤသ့ၣ်ဒိၣ်ပှၢ် တီၣ်လီၤ.

လံာ်ယၡါယၤ 34:4

မုၢ်, လါ, ဒီးဆၣ်တဖၣ်ကလီၤကလဲကွံာ်ဒီးကဲထီၣ်ဖၣ်ဆါန့ၣ် လီၤ. မူကပိာ်လိၤကလီၤမၢ်ကွံာ်ဒ်လံာ်ထူတထူဘၣ်တၢ်ထူထီၣ် အီၤအသိး, ဒီးဆၣ်တဖၣ်ကလီၤဆှု ဝဲဒ်သ့ၣ်လၣ်တဖၣ်လီၤဆှုကွံာ်လၢစပံးမုၢ်တမုၢ်, မ့တမ့ၢ်, ချၢၣ်ဒၢတထူၣ်အလိၤအသိး န့ၣ်လီၤ.

လံာ်ယံးရမံယၤ 33:14

ယွၤစံးဝဲဒၣ်, “တၢ်ဆၢကတီၢ်ဟဲလံဝဲလၢ ယကမၤလၢပှဲၤ တၢ်အၢၣ်လီၤလၢ ယမၤတ့ၢ်ဒီး ကီၢ်အံၣ်စရ့လးဒီး ကီၢ်ယူဒၤ အပှၤဂီၢ်မုၢ်န့ၣ်လီၤ.

လံာ်ယံးရမံယၤ 51:33

တယံာ်လၢၤဘၣ်န့ၣ်, ဒုၣ်ဒါကကျီလီၤကွံာ်အဝဲသ့ၣ်ဒီး ကယီၢ်တံၢ်အီၤဒ် ဘုဧိၤဟုဧိၤလၢကြဲၢ်ပူၤအသိးန့ၣ်လီၤ. ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယဃ့းစက့လး 38:19

လၢယတၢ်သးဒိၣ်ကဲၤထီၣ်အပူၤန့ၣ်ယဘိးဘၣ်သ့ၣ်ညါလၢ ဖဲမုၢ်နံၤအဝဲန့ၣ်, ဟီၣ်ခိၣ်ကဟူးဒိၣ်ဒိၣ်ကလဲာ်လၢကီၢ်အံၣ်စရ့လး အပူၤန့ၣ်လီၤ.

လံာ်ယဃ့းစက့လး 38:20

ကယဲၢ်ညၣ်ဒီးထိၣ်, ကယဲၢ်ဆၣ်ဖိကီၢ်ဖိဒိၣ်မ့ၢ်ဂ့ၤဆံးမ့ၢ်ဂ့ၤ, ဒီးကယဲၢ်ပှၤကညီလၢဟီၣ်ခိၣ်အမဲာ်ဖံးခိၣ်, ကကနိးကစုာ်လၢတၢ် ပျံၤယွၤအဃိန့ၣ်လီၤ. ကစၢၢ်ကလိတဖၣ်ကလီၤပှီၢ်ဝဲ, လ့ကဘျၣ်ဖးထီတဖၣ်ကလီၤကလဲကွံာ်ဝဲဒီးကယဲၢ်တၢ်ဒူၣ်ကိးခါဒဲး ကလီၤပှီၢ်ကွံာ်န့ၣ်လီၤ.

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

မၤတၢ် 2:19

ယကမၤတၢ်လီၤလးတဖၣ်လၢမူကပိာ်လိၤ, ဒီးဒုးနဲၣ်ဖျါထီၣ်တၢ်ပနီၣ်လီၤလးတဖၣ်လၢ ဟီၣ်ခိၣ်ချၢလီၤ. တၢ်သွံၣ်, မ့ၣ်အူ, ဒီးမ့ၣ်အူလုၢ်ကအိၣ်ဝဲ,

ဧ့ၤဘြံၤ 10:37

အဂ့ၢ်ဒ်အံၤ, “တစိၢ်ဖိဒီးပှၤလၢအကဟဲဝဲတဂၤန့ၣ် ကဟဲဝဲဒီးတမၤယံာ်မၤနီၢ်အသးဘၣ်.

လံာ်လီၣ်ဖျါ 11:9

လၢသၢသီဒီးနံၤတဝာ်အတီၢ်ပူၤ, ပှၤကလုာ်လၢကိးထံကိးကီၢ်, ကိးဒူၣ်ကိးထၢ, အိၣ်ဒီးတၢ်ကတိၤအကျိာ်အါကျိာ်, ဒီးပှၤကလုာ်ကိးကလုာ်ဒဲးကကွၢ်အဝဲသ့ၣ်အစိၣ်, ဒီးတပျဲတၢ်ကခူၣ်လီၤအီၤဘၣ်လီၤ.