လံာ်ဃးကဲ 2:18 - Sgaw Karen Common Bible

¹⁸ တနံၤအံၤမ့ၢ်လါခွံလါတလါထီၣ်ခံဆံလွံၢ်နံၤတနံၤ, မုၢ်တနံၤဖဲတၢ်လုၢ်ဟံၣ်အခီၣ်ထံးဘၣ်တၢ်ပာ်လီၤအီၤ ဝံၤဝဲန့ၣ်လီၤ. စးထီၣ်ခဲအံၤဒီးဆူညါတၢ်မနုၤကမၤအသးလဲၣ်န့ၣ်, ကွၢ်တက့ၢ်.

လံာ်ဃးကဲ 2:18 Iomraidhean Croise

လံာ်စီၤဧ့စြၤ 4:24

တၢ်ဖံးတၢ်မၤလၢတၢ်လုၢ်ဟံၣ်အဂီၢ်ဘၣ်တၢ်ဆိကတီၢ်ကွံာ်အီၤဒီး ဘၣ်တၢ်ပာ်ဒၣ်အီၤဒ်န့ၣ်တုၤလီၤလၢကီၢ်ပၤရၣ်အစီၤပၤဖးဒိၣ်စီၤ ဒၤရယါဝ့ၣ်ကဲစီၤပၤခံနံၣ်တနံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:25

ဒီးယဲၢ်နံၣ်တနံၣ်န့ၣ်သုကအီၣ်အသၣ်ဒ်သိးအကမၤအါထီၣ်တၢ်လၢသု ဂီၢ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်ဃးကဲ 2:10

ဖဲစီၤဒၤရယါဝ့ၣ်ကဲစီၤပၤဖးဒိၣ်ခံနံၣ်တနံၣ်, လါခွံလါတလါထီၣ်ခံဆံလွံၢ်သီအနံၤန့ၣ်, ယွၤသ့တၢ်လၢာ်ကစၢ်ကတိၤတ့ၢ်ကဒီးတၢ်ဆူဝံဃးကဲလီၤ.

လံာ်ဃးကဲ 2:15

ယွၤစံးဝဲ, “တၢ်မနုၤမၤတ့ၢ်အသးဒီးသုလဲၣ်န့ၣ်, သုထံၣ်တသ့ဘၣ်ဧါ. တချုးလၢသုစးထီၣ်ဘှီကဒါက့ၤတၢ်လုၢ်ဟံၣ်ဒံးဘၣ်န့ၣ်,

လံာ်စကၤရယၤ 4:9

အဝဲစံးဝဲဒၣ်, “စီၤစရူၤဘၤဘ့လးပာ်လီၤတၢ်လုၢ်ဟံၣ်အခီၣ်ထံးလံ. ဒီးအဝဲဒၣ်ကမၤဝံၤတၢ်သူၣ်ထီၣ်န့ၣ်လီၤ. ဖဲတၢ်အံၤမၤအသးန့ၣ်, ယပှၤဂီၢ်မုၢ်ကသ့ၣ်ညါလၢပှၤလၢအဆှၢလီၤအီၤဆူအဝဲသ့ၣ်အအိၣ်န့ၣ်, မ့ၢ်ယၤလီၤ.”

လံာ်စကၤရယၤ 8:12

အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.

လံာ်စကၤရယၤ 8:9

အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.