လံာ်ဃးကဲ 2:17 - Sgaw Karen Common Bible

¹⁷ ယမၢလီၤတ့ၢ်ကလံၤကိၢ်တဖၣ်ဒီးသူၣ်, ဒ်သိးကမၤဟးဂီၤတၢ်တမံၤလၢ်လၢ်လၢသုကျဲးစၢးသူၣ်လီၤဖျး လီၤအီၤ, ဘၣ်ဆၣ်သုတပီၢ်ယၢ်လီၤက့ၤတ့ၢ်ဒံးသုသးဘၣ်.

လံာ်ဃးကဲ 2:17 Iomraidhean Croise

လံာ်တၢ်ကဲထီၣ်အခီၣ်ထံး 42:23

စီၤယိၤသးနၢ်ပၢၢ်တၢ်လၢအဝဲသ့ၣ်စံးတ့ၢ်ဝဲ, ဘၣ်ဆၣ်အဝဲသ့ၣ်တသ့ၣ်ညါဝဲဘၣ်. အဂ့ၢ်ဒ်အံၤ, အဝဲသ့ၣ်ကတိၤတၢ်ဒီးအီၤခီဖျိပှၤကတိၤကျိးထံတၢ်တဂၤန့ၣ် လီၤ.

လံာ်တၢ်ကဲထီၣ်အခီၣ်ထံး 42:27

ဖဲတၢ်လီၢ်လၢအဝဲသ့ၣ်ကမံဝဲန့ၣ်, အဝဲသ့ၣ်အကျါတဂၤအိးထီၣ် အထၢၣ်လၢကဒုးအီၣ်အကသ့ၣ်ယီၤအဆၣ်ဒီး, ထံၣ်န့ၢ်အစ့ဒၣ်ဝဲလၢအထၢၣ်အခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:37

လၢကီၢ်အံၤအပူၤဖဲတၢ်သၣ်ဝံၤလီၤဒိအိၣ်ထီၣ်အံၤမ့ၢ်ဂ့ၤ, တၢ်သံသတြိာ်တမံၤမၤအသးမ့ၢ်ဂ့ၤ, တၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤလၢကလံၤမုၢ်ကိၢ် အဃိမ့ၢ်ဂ့ၤ, လၢဒွဲၣ်အဖုအဂီၢ်အဃိမ့ၢ်ဂ့ၤ, ဒီးဖဲနပှၤဂီၢ်မုၢ်ဘၣ်တၢ်ထီဒါအီၤလၢအဝဲသ့ၣ်အဒုၣ်အဒါတဖၣ် အခါမ့ၢ်ဂ့ၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 28:22

ဒီးဖဲအဝဲအတၢ်ကိၢ်တၢ်ဂီၤတဖၣ်တုၤဃီၤဆူအအၢကတၢၢ် အကတီၢ်န့ၣ်, စီၤအၤဃးတဂၤန့ၣ်မၤတၢ်ဒဲးဘးထီဒါယွၤအါန့ၢ်ဒံးအလီၢ် တက့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:28

တုၤတၢ်သၣ်ဝံၤလီၤဒိအိၣ်ထီၣ်လၢထံဧိၤကီၢ်ဧိၤအပူၤမ့ၢ်ဂ့ၤ, တၢ်ဆါသံသတြိာ်တမံၤမ့ၢ်ဂ့ၤ, တၢ်မုၢ်တၢ်ဘိတဖၣ်ဘၣ်တၢ်မၤဟး ဂီၤအီၤလၢကလံၤကိၢ်မ့တမ့ၢ်ဒွဲၣ်ဧိၤတကံၤဧိၤအဖုအဂီၢ်တဖၣ် မ့ၢ်ဂ့ၤ, ဖဲနပှၤဂီၢ်မုၢ်ဘၣ်တၢ်ထီဒါအီၤလၢအဝဲသ့ၣ်အဒုၣ်အဒါတဖၣ်မ့ၢ် ဂ့ၤ, ဖဲတၢ်ဆူးတၢ်ဆါမ့တမ့ၢ်တၢ်ဆိးက့အိၣ်လၢအဝဲသ့ၣ်အကျါမ့ၢ် ဂ့ၤ,

လံာ်စီၤယိၤဘး 36:13

ပှၤတဖၣ်လၢ အအိၣ်ဒီးသးလၢတစူၢ်တနာ်ယွၤန့ၣ်, သးဒိၣ်ထီၣ်တထံၣ် ဃီဒီးဖဲအဘၣ်တၢ်စံၣ်ညီၣ်အီၤဒၣ်လဲာ်န့ၣ်, တကိးထီၣ်ဝဲလၢ တၢ်မၤစၢၤအဂီၢ်ဘၣ်.

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

စံးထီၣ်ပတြၢၤ 78:46

အဝဲဆှၢလီၤဒွဲၣ်တဖၣ်လၢ ကအီၣ်ကွံာ်အတၢ်မုၢ် တၢ်ဘိတဖၣ်ဒီး မၤဟးဂီၤအစံၣ်ပျီတဖၣ်န့ၣ်လီၤ.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

လံာ်ယၡါယၤ 37:27

ပှၤအိၣ်တ့ၢ်ဖဲန့ၣ်အစိကမီၤတအိၣ်လၢၤဘၣ်. တၢ်ပျံၤတၢ်ဖုးဒီးတၢ်သးလီၤကတုၤလီၤဘၣ်အဝဲသ့ၣ်လီၤ. အဝဲသ့ၣ်လီၤဂာ်ဒ်တပံၢ်လၢပျီတဘ့ၣ်အပူၤ, မ့တမ့ၢ်, ဒ်နီၣ်ဧိၤမံၤဧိၤမဲထီၣ်လၢဟံၣ်တဖျၢၣ်အခိၣ်ဒုးအလိၤအသိးဖဲ မုၢ်ထီၣ်ကလံၤကိၢ်အူသဖှိဘၣ်အီၤအခါန့ၣ်လီၤ.

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်ယၡါယၤ 62:8

ယွၤမၤတ့ၢ်တၢ်အၢၣ်လီၤအီလီၤသမှံၤသပှၢ်တမံၤ, ဒီးလၢအစိကမီၤဒၣ်ဝဲန့ၣ်ကဒုးကဲထီၣ်လိၣ်ထီၣ်ဝဲလီၤ. အဝဲစံးဝဲဒၣ်လၢ, နဘုဧိၤဟုဧိၤတကဲထီၣ်လၢၤဘၣ်တၢ်အီၣ် လၢနဒုၣ်နဒါတဖၣ်အဂီၢ်, ဒီးပှၤတခီဘီမုၢ်ဖိတဖၣ်တအီလၢၤဘၣ်နစပံးထံဘၣ်.

လံာ်ယၡါယၤ 9:13

ပှၤအံၣ်စရ့လးဖိတဖၣ်တပီၢ်ယၢ်လီၤက့ၤအသးဘၣ်. ယွၤသ့တၢ်လၢာ်ကစၢ်, စံၣ်ညီၣ်တ့ၢ်လံအဝဲသ့ၣ်ဒၣ်လဲာ်န့ၣ်, အဝဲသ့ၣ်တဟဲက့ၤကဒါက့ၤဆူအအိၣ်ဘၣ်.

လံာ်ယံးရမံယၤ 3:24

မ့မ့ၢ်တၢ်ဘူၣ်ထီၣ်ဘါထီၣ်ဘဧၤလး, တၢ်မဲာ်ဆှးအကစၢ်, ဒုးလီၤမၢ်ကွံာ်ပသိအဖုဒီးမဲာ်တဲးလဲးအဖုတဖၣ်, ဖိခွါတဖၣ်ဒီးဖိမုၣ်တဖၣ်, ကယဲၢ်တၢ်ခဲလၢာ်လၢပမိၢ် ပၢ်ဖံဖုလၢပျၢၤတဖၣ်မၤန့ၢ်တ့ၢ်ဝဲစးထီၣ်လၢပျၢၤလၢ ကစၢၤလံၤလံၤန့ၣ်လီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ဧၤမိၣ် 4:6

ယမ့ၢ်ပှၤတဂၤလၢအဟဲစိာ်တၢ်သၣ်ဝံၤလီၤဒိဆူကယဲၢ်သုဝ့ၢ်ခဲ လၢာ်အပူၤလီၤ. အန့ၣ်ဒၣ်လဲာ်သုတဟဲက့ၤကဒါက့ၤဆူယအိၣ်ဘၣ်.

လံာ်ဃးကဲ 1:11

ယမၢလီၤတ့ၢ်တၢ်ယီၤဃ့လီၤဘၣ်လၢထံဧိၤကီၢ်ဧိၤအလိၤ, လၢအတၢ်လူၢ်တဖၣ်အလိၤ, စံာ်ဧိၤပျီဧိၤ, စပံးလီၢ်တဖၣ်ဒီးသ့ၣ်စၤယံးအကရၢၢ်တဖၣ်အလိၤ, လၢကယဲၢ်တၢ်မုၢ်တၢ်ဘိလၢဟီၣ်ခိၣ်ဒုးမဲထီၣ်တဖၣ်အလိၤ, လၢပှၤကညီတဖၣ်ဒီးဆၣ်ဖိကီၢ်ဖိတဖၣ်အလိၤ, လၢတၢ်ကိးမံၤဒဲးလၢသုကျဲးစၢးသူၣ်လီၤဖျးလီၤအလိၤန့ၣ်လီၤ.”

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်ဃးကဲ 1:9

သုမုၢ်လၢ်တ့ၢ်လၢတၢ်ကူးဘၣ်က့ၤတၢ်အါအါဂီၢ်ဂီၢ်, ဘၣ်ဆၣ်ကဲထီၣ်က့ၤထဲတၢ်စှၤကိာ်ဧိၤလီၤ. ဒီးဖဲသုဟဲက့ၤစိာ်တၢ်ကူးဘၣ်က့ၤဆူဟံၣ်န့ၣ်, ယအူဒံကွံာ်အီၤလီၤ. ဘၣ်မနုၤယမၤတ့ၢ်တၢ်န့ၣ်လဲၣ်. မ့ၢ်လၢယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤ, ဖဲသုဝဲတဂၤဘၣ်တဂၤအတၢ်မၤအါဝဲလၢတၢ်မၤထီၣ်သုဟံၣ်ဒၣ်ဝဲ အခါန့ၣ်လီၤ.

လံာ်ဃးကဲ 2:16

သုကလဲၤတ့ၢ်ဆူဘုဧိၤဟုဧိၤပာ်ဖှိၣ်သးအလီၢ်တပူၤ ဒီးမုၢ်လၢ်ထံၣ်ဘၣ်တၢ်ဃီၣ်န့ၢ်, ခံဆံနာ်ဘၣ်ဆၣ်, ဖဲန့ၣ်ကအိၣ်ထဲတဆံ နာ်ဧိၤလီၤ. သုကလဲၤတ့ၢ်ဒ်သိးသုကဃီၣ်န့ၢ်စပံးထံလၢနီၣ်စံၢ်စပံးထံ အပူၤအခွးယဲၢ်ဆံဘၣ်ဆၣ်, ဖဲန့ၣ်ကအိၣ်ထဲခံဆံခွးဧိၤလီၤ.

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.

လံာ်သိၣ်လီၤသီလီၤတၢ် 28:22

ယွၤကတီၢ်သုဒီးတၢ်ဆူးတၢ်ဆါတဖၣ်လၢအဘၣ်ကူဘၣ်ဂာ်တၢ်သ့, အိၣ်ဒီးတၢ်ညိးထီၣ်ဒီးတၢ်လိၤကိၢ်, အဝဲကဆှၢလီၤတၢ်ယီၤဃ့ဒီးကလံၤကိၢ်တဖၣ်လၢကမၤဟးဂီၤကွံာ် သုတၢ်မုၢ်တၢ်ဘိတဖၣ်န့ၣ်လီၤ. တၢ်တတၢးတနါတဖၣ်အံၤကအိၣ်ဒီးသုတုၤလီၤလၢသုသံတစုန့ၣ်လီၤ.

လံာ်လီၣ်ဖျါ 2:21

ယဟ့ၣ်တ့ၢ်လံအီၤတၢ်ဆၢကတီၢ်လၢအကပီၢ်ယၢ်လီၤအသးလၢ အတၢ်ဒဲးဘးတဖၣ်အဂီၢ်, ဘၣ်ဆၣ်ဒီးအဝဲအသးတအိၣ်ဃၣ်ကွံာ် အသးလၢအတၢ်အိၣ်မူအအၢအသီန့ၣ်ဘၣ်.