လံာ်ဃးကဲ 2:16 - Sgaw Karen Common Bible

¹⁶ သုကလဲၤတ့ၢ်ဆူဘုဧိၤဟုဧိၤပာ်ဖှိၣ်သးအလီၢ်တပူၤ ဒီးမုၢ်လၢ်ထံၣ်ဘၣ်တၢ်ဃီၣ်န့ၢ်, ခံဆံနာ်ဘၣ်ဆၣ်, ဖဲန့ၣ်ကအိၣ်ထဲတဆံ နာ်ဧိၤလီၤ. သုကလဲၤတ့ၢ်ဒ်သိးသုကဃီၣ်န့ၢ်စပံးထံလၢနီၣ်စံၢ်စပံးထံ အပူၤအခွးယဲၢ်ဆံဘၣ်ဆၣ်, ဖဲန့ၣ်ကအိၣ်ထဲခံဆံခွးဧိၤလီၤ.

လံာ်ဃးကဲ 2:16 Iomraidhean Croise

လံာ်ယၡါယၤ 5:10

စပံးမုၢ်တဖၣ်လၢအမဲထီၣ်လၢတဆံယဲၢ်အ့ကၢၢ်အဖီခိၣ်န့ၣ်ကဟ့ၣ် ထီၣ်စပံးထံထဲတဘၤသးဧိၤလီၤ. ဒီးတၢ်အချံတဧိၤမ့ၣ်န့ၣ်ကဟ့ၣ်ထီၣ်ဒၣ်ထဲဘုခ့တအ့ဖးဧိၤလီၤ.”

လံာ်ယံးရမံယၤ 48:33

တၢ်သူၣ်ဖှံသးညီဒီး တၢ်သူၣ်ခုသးခုဘၣ်တၢ်ဟံး ထီၣ်ကွံာ်လၢ ကီၢ်မိၤအးအဟီၣ်ခိၣ်ညၣ်ထ့ၣ်အဂ့ၤ အပူၤလီၤ. ယဒုးဆိကတီၢ် စပံးထံအတၢ်ယွၤလီၤလၢ နီၣ်စံၢ်စပံးသၣ်တဖၣ်အပူၤန့ၣ်လီၤ. ပှၤတအိၣ်နီတဂၤဘၣ် လၢကယီၢ်စပံးသၣ်ဒီး ကိးထီၣ်လၢတၢ်သးခုအပူၤန့ၣ်ဘၣ်.

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်ဃးကဲ 2:15

ယွၤစံးဝဲ, “တၢ်မနုၤမၤတ့ၢ်အသးဒီးသုလဲၣ်န့ၣ်, သုထံၣ်တသ့ဘၣ်ဧါ. တချုးလၢသုစးထီၣ်ဘှီကဒါက့ၤတၢ်လုၢ်ဟံၣ်ဒံးဘၣ်န့ၣ်,

လံာ်ဃးကဲ 2:17

ယမၢလီၤတ့ၢ်ကလံၤကိၢ်တဖၣ်ဒီးသူၣ်, ဒ်သိးကမၤဟးဂီၤတၢ်တမံၤလၢ်လၢ်လၢသုကျဲးစၢးသူၣ်လီၤဖျး လီၤအီၤ, ဘၣ်ဆၣ်သုတပီၢ်ယၢ်လီၤက့ၤတ့ၢ်ဒံးသုသးဘၣ်.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.