လံာ်ဃးကဲ 2:12 - Sgaw Karen Common Bible

¹² ပစံးဒၣ်ကလိာ်, ပှၤတဂၤဂၤဟံးန့ၢ်တၢ်ညၣ်စီဆှံတလိၣ် လၢတၢ်လုၢ်တၢ်ပာ်တမံၤအကျါဒီးစိာ်ဝဲလၢအဆ့ကၤဒိၣ် အထၢၣ်တဖျၢၣ်အပူၤလီၤ. အဝဲမ့ၢ်ပျဲအဆ့ကၤဒိၣ်ထိးဘၣ်ကိၣ် တဖျၢၣ်ဖျၢၣ်, တၢ်အီၣ်လၢပှၤဖီဝံၤ, စပံးထံ, သ့ၣ်စၤယံးအသိ မ့တမ့ၢ်တၢ်အီၣ်ထီရီၤတမံၤမံၤဒီး, တၢ်န့ၣ်ကမၤစီဆှံထီၣ်ကွံာ်တၢ်အီၣ်န့ၣ်စ့ၢ်ကီးဧါ.” ဖဲတၢ်သံကွၢ်န့ၣ်ဘၣ်တၢ်သံကွၢ်အီၤဒီး ပှၤလုၢ်တၢ်အခိၣ်တဖၣ်စံးဆၢဝဲ, “တမ့ၢ်ဘၣ်.”

လံာ်ဃးကဲ 2:12 Iomraidhean Croise

လံာ်တၢ်ဟးထီၣ်ကွံာ် 29:37

မၤတၢ်အံၤကိးနံၤဒဲးနွံသီတက့ၢ်. အန့ၣ်ဒီးတၢ်လုၢ်လီၢ်ကစီဆှံထီၣ်ဝဲလၢလၢပှဲၤပှဲၤန့ၣ်လီၤ. ဒီးပှၤတဂၤဂၤမ့ၢ်ဂ့ၤ, တၢ်တမံၤမံၤမ့ၢ်ဂ့ၤလၢအထိးဘၣ်အီၤ န့ၣ်ကဘၣ်တၢ်မၤဘၣ်ဒိအီၤလၢတၢ်စီဆှံအံၤအစိအကမီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:1

သၣ်ဘုလါအသံတဖၣ်န့ၣ်, မၤနၢအုၣ်သိနၢမူဒီပလီသ့လီၤ. ဒီးတၢ်သူၣ်တထံသးတဆးတစဲးတြူာ်ကွံာ်တၢ်ကူၣ်သ့အဒိၣ် ကတၢၢ်သ့လီၤ.

လံာ်ယဃ့းစက့လး 44:19

တချုးဒံးလၢအဝဲသ့ၣ်လဲၤထီၣ်ဆူတၢ်လုၢ်ဟံၣ်အဂၢၤလၢတၢ်ချၢ ဖဲပှၤဂီၢ်မုၢ်တဖၣ်အိၣ်ဝဲန့ၣ်, အဆိကတၢၢ်အဝဲသ့ၣ်ကဘၣ်ဘ့ၣ်လီၤ ကွံာ်တၢ်ကူတၢ်ကၤတဖၣ်လၢအဝဲသ့ၣ်ကူသိးတ့ၢ်ဝဲဖဲအမၤအမူ အဒါလၢယွၤအတၢ်လုၢ်ဟံၣ်ပူၤအခါဒီးပာ်တ့ၢ်အီၤလၢဒၢးစီဆှံ တဖၣ်အပူၤန့ၣ်လီၤ. အဝဲသ့ၣ်ကဘၣ်ကူသိးထီၣ်တၢ်ကူ တၢ်ကၤအဂၤတဖၣ်ဒီးဒ်သိးကတြီအတၢ်ကူတၢ်သိး စီဆှံတဖၣ်လၢသုတမၤဘၣ်ဒိပှၤဂီၢ်မုၢ်တဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:27

ပှၤတဂၤဂၤမ့တမ့ၢ်တၢ်တမံၤမံၤလၢအထိးဘၣ်ဆၣ်ဖိကီၢ်ဖိအညၣ် န့ၣ်, ကဘၣ်တၢ်မၤဆါအီၤလၢတၢ်လုၢ်အံၤအတၢ်စီ တၢ်ဆှံအစိကမီၤန့ၣ်လီၤ. ဒီးတၢ်ကူတၢ်သိးမ့ၢ်ဘၣ်တၢ်ဖှံ အီၤလၢဆၣ်ဖိကီၢ်ဖိအသွံၣ်န့ၣ်ဒီး, ကဘၣ်တၢ်ဆှုၣ်ကွံာ်အီၤလၢ တၢ်လီၢ်စီဆှံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:29

ဒီးပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိအပူၤ န့ၣ်, ကအီၣ်ဘၣ်ဝဲတၢ်လုၢ်အံၤလီၤ. တၢ်အံၤမ့ၢ်တၢ်စီဆှံဒိၣ်မးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:6

ဒီးပှၤပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိ အပူၤန့ၣ်, ကအီၣ်ဘၣ်ဝဲတၢ်လုၢ်အံၤလၢတၢ်လီၢ်စီဆှံအပူၤလီၤ. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်မးသဲ 23:19

ပှၤမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်, မ့ၢ်တၢ်လုၢ်ဧါ. မ့တမ့ၢ်ဘၣ်ဒီး တၢ်လုၢ်လီၢ်လၢအမၤစီဆှံထီၣ်တၢ်လုၢ်န့ၣ်လဲၣ်.

လံာ်သိၣ်လီၤသီလီၤတၢ် 33:10

အဝဲသ့ၣ်ကသိၣ်လိနပှၤဂီၢ်မုၢ်လၢကစူၢ်ယူဒၤအတၢ်သိၣ်တၢ်သီ, လၢနဟ့ၣ်လီၤန့ၣ်လီၤ. အဝဲသ့ၣ်ကလုၢ်ထီၣ်တၢ်လုၢ်တၢ်ပာ်တဖၣ်လၢနတၢ်လုၢ်လီၢ်အဖီခိၣ်န့ၣ်လီၤ.