လံာ်ဃးကဲ 1:8 - Sgaw Karen Common Bible

⁸ ခဲကနံၣ်အံၤ, လဲၤထီၣ်ဆူတၢ်လူၢ်တဖၣ်, မၤန့ၢ်သ့ၣ်တၢၢ်သ့ၣ်ဘၣ်, ဒီးဘှီထီၣ်ကဒါက့ၤတၢ်လုၢ်ဟံၣ်တက့ၢ်. ဒီးယကသူၣ်ခုသးခု ဒီးဒိးဘၣ်တၢ်ဘူၣ်ထီၣ်ဘါထီၣ်ယၤဒ်ယကြၢးအသိးန့ၣ်လီၤ.

လံာ်ဃးကဲ 1:8 Iomraidhean Croise

လံာ်စီၤပၤအခီၣ်ထံးတဘ့ၣ် 6:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးအလီၢ်ခံ, အနံၣ်လွံၢ်ကယၤဃိးဆံ, ဖဲစီၤၡလိၤမိၤကဲစီၤပၤလၢကီၢ်အံၣ်စရ့လးလွံၢ်နံၣ်တနံၣ်လၢလါခံလါတလါ, လါစံာ်အပူၤန့ၣ်စီၤၡလိၤမိၤစးထီၣ်တၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:3

ယွၤစံးဘၣ်အီၤ, “ယနၢ်ဟူတ့ၢ်နတၢ်ထုကဖၣ်န့ၣ်လံ. ယမၤစီဆှံလံယွၤအတၢ်လုၢ်ဟံၣ်လၢနသူၣ်ထီၣ်တ့ၢ်အီၤအံၤ, ဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤလီၤစိၤလီၤထီ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:19

ခဲကနံၣ်အံၤ, မၤယွၤသုကစၢ်ယွၤအတၢ်မၤလၢသုသးဒီဖျၢၣ်ညါ ဒီးသုသူၣ်ကံၢ်သးလဲန့ၣ်တက့ၢ်. စးထီၣ်သူၣ်ထီၣ်ယွၤအတၢ်လုၢ်ဟံၣ်ဒ်သိးသုပာ်ယွၤအတၢ်အၢၣ်လီၤ အီလီၤအတလါစီဆှံဒီးကယဲၢ်တၢ်အဃၢၤအဃိၢ်စီဆှံလၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်အီၤအဂီၢ်တဖၣ်, လၢအပူၤကသ့ဝဲန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 7:16

အဂ့ၢ်ဒ်အံၤ, ယဃုထၢတ့ၢ်တၢ်လီၢ်အံၤဒီးပာ်စီဆှံတ့ၢ်အီၤဒ် အမ့ၢ်တၢ်လီၢ်လၢယကဘၣ်တၢ်ဘူၣ်ထီၣ်ဘါထီၣ်ယၤတဘိ ယူၢ်ဃီန့ၣ်လီၤ. ယကအံးလီၤကွၢ်လီၤတၢ်လီၢ်အံၤဒီးဒီဒၣ်အိၣ် ပှိၤအီၤကိးဆၢကိးကတီၢ်ဒဲးန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤဧ့စြၤ 6:4

တၢ်ဒူၣ်တဖၣ်ကဘၣ်တၢ်ဘှီထီၣ်အီၤအိၣ်ဒီးလၢၢ်သၢဂ့ၢ်အဖီခိၣ်သ့ၣ် တဂ့ၢ်တဆီဘၣ်တဆီန့ၣ်လီၤ. ကယဲၢ်တၢ်လၢာ်ဘူၣ်လၢာ်စ့ၤခဲလၢာ်ကဘၣ်တၢ်ထုးထီၣ်အီၤလၢစီၤပၤ အစ့ပာ်ဖှိၣ်အလီၢ်န့ၣ်လီၤ.

လံာ်တၢ်ဟးထီၣ်ကွံာ် 29:43

ဖဲန့ၣ်ယကသဂၢၢ်ကီၢ်အံၣ်စရ့လးအပှၤဂီၢ်မုၢ်ဒီးယတၢ်အိၣ်ဝဲဆိးဝဲ အတၢ်ကပြုၢ်ကပြီၤန့ၣ်ကမၤစီဆှံတၢ်လီၢ်န့ၣ်လီၤ.

လံာ်ယၡါယၤ 60:13

သ့ၣ်တဖၣ်လၢတၢ်မၤန့ၢ်အီၤလၢသ့ၣ်ဆှိ, သ့ထိးအီၣ်ဒီးသ့ၣ်ဆှိတအၤၡူၢ်, သ့ၣ်အဂ့ၤကတၢၢ်လၢကီၢ်လဘၤနိၣ်အသ့ၣ်ပှၢ်ပူၤတဖၣ် ကဘၣ်တၢ်ဟဲစိာ်အီၤလၢတၢ်ကသူၣ်ထီၣ်က့ၤနၤအဂီၢ်, ဝ့ၢ်ယရူၤၡလ့ၣ်ဧၢ, ဒ်သိးကမၤဃံမၤလၤထီၣ်ယတၢ်လုၢ်ဟံၣ်, ဒ်သိးယဝ့ၢ်ကအိၣ်ဒီးအလၤကပီၤအဂီၢ်န့ၣ်လီၤ.

လံာ်ယၡါယၤ 60:7

ကယဲၢ်သိလၢကီၢ်က့ဒၢ်ဒီးကီၢ်နဘါယိးတဖၣ်ကဘၣ်တၢ် ဟဲစိာ်အီၤဆူနအိၣ်ဒ်တၢ်လုၢ်တၢ်ပာ်တဖၣ်အသိးဒီးလုၢ်ထီၣ် အီၤလၢတၢ်လုၢ်လီၢ်ဖီခိၣ်လၢတၢ်မၤသးခုယွၤအဂီၢ်လီၤ. ယွၤကဒုးကဲထီၣ်အတၢ်လုၢ်ဟံၣ်ဒီးအလၤကပီၤဒိၣ်န့ၢ်ဒံး လၢညါအစိၤစိၤအဃၣ်ဃၣ်လီၤ.

လံာ်ယၡါယၤ 66:11

သုကမုာ်လၤသးခုဘၣ်လၢအတၢ်ဘီၣ်ထီၣ်ညီထီၣ်အဃိ, ဒ်ဖိသၣ်တဂၤလၢအအီအမိၢ်အနုၢ်ထံအသိးန့ၣ်လီၤ.

လံာ်ဃးကဲ 1:7

ဘၣ်မနုၤတၢ်အံၤမၤတ့ၢ်အသးလဲၣ်န့ၣ်, သုထံၣ်တသ့ဘၣ်ဧါ.

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်ဃးကဲ 2:9

တၢ်လုၢ်ဟံၣ်အသီန့ၣ်ကဃံဒိၣ်လၤဒိၣ်န့ၢ်ဒံးအလီၢ်လံၤတဖျၢၣ်, ဒီးဖဲန့ၣ်, ယကဟ့ၣ်ယပှၤဂီၢ်မုၢ်လၢတၢ်ဘီၣ်တၢ်ညီဒီးတၢ်ဃူ တၢ်ဖိးလီၤ.” ယွၤသ့တၢ်လၢာ်ကစၢ်ကတိၤတ့ၢ်တၢ်လံ.