လံာ်ဃးကဲ 1:6 - Sgaw Karen Common Bible

⁶ သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်ဃးကဲ 1:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:1

ဖဲစီၤဒၤဝံးပၢတၢ်အမုၢ်နံၤတဖၣ်အပူၤန့ၣ် တၢ်သၣ်ဝံၤလီၤဒိ ဒိၣ်ဒိၣ်မုၢ်မုၢ်မၤသးယံာ်ဝဲသၢနံၣ်တီတီလီၤ. လၢတၢ်န့ၣ်အဃိစီၤဒၤဝံးသံကွၢ်တၢ်ဒီးယွၤဘၣ်ဃးတၢ်ဂ့ၢ်န့ၣ် ဒီးယွၤစံးဘၣ်အီၤ, “စီၤစီလူးဒီးအပှၤဟံၣ်ဖိဃီဖိတဖၣ်အတၢ်ကမၣ်အိၣ်လၢ အမၤသံမၤဝီတၢ်အဃိန့ၣ်လီၤ. အဝဲမၤသံတ့ၢ်ပှၤကံးဘိၣ်ဖိတဖၣ်လီၤ.”

လံာ်စီၤပၤအခီၣ်ထံးတဘ့ၣ် 17:12

မုၣ်ကမဲစံးဆၢအီၤ, “ယဆိၣ်လီၤယသးလၢယွၤ, နကစၢ်လၢအမူဝဲတဂၤအမံၤအပူၤလၢယတအိၣ်ဒီးကိၣ်နီတစဲးဘၣ်. တၢ်လၢအအိၣ်ဒီးယၤခဲလၢာ်န့ၣ်မ့ၢ်ဒၣ်ကိၣ်ကမူၣ်တစှီၤလၢလီခီ တဖျၢၣ်အပူၤဒီးသ့ၣ်စၤယံးအသိတစဲးဖိလၢကိတဖျၢၣ်အပူၤန့ၣ် လီၤ. ယဟဲတ့ၢ်ဖဲအံၤဒ်သိးယကထၢဖှိၣ်သ့ၣ်မုၣ်တနီၤလၢယကက့ၤစိာ်ဆူ ဟံၣ်ဒီးကတဲာ်ကတီၤတၢ်လၢအအိၣ်ဒီးယၤတစဲးဖိအံၤလၢယဖိခွါ ဒီးယၤအဂီၢ်န့ၣ်လီၤ. တၢ်န့ၣ်မ့ၢ်ပတၢ်အီၣ်လၢခံကတၢၢ်ဝံၤဒီးပကလီၤဒိသံကွံာ်န့ၣ်လီၤ.”

လံာ်စီၤနဃ့မယၤ 5:2

ဒီးပှၤတနီၤစံးဝဲ, “ပဟံၣ်ဖိဃီဖိအါဝဲဒီးပလိၣ်ဘၣ်ဘု ဧိၤဟုဧိၤလၢပကမူဒံးအဂီၢ်န့ၣ်လီၤ.”

လံာ်စီၤယိၤဘး 20:22

လၢအတၢ်လၢတၢ်ပှဲၤခဲလၢာ်အပူၤန့ၣ်တၢ်ကိၢ်တၢ်ဂီၤကချုးန့ၢ်အီၤ တၢ်ကီတၢ်ခဲအသဟီၣ်အဆှုၣ်ကတၢၢ်ကလီၤဘၣ်လၢ အလိၤလီၤ.

လံာ်စီၤယိၤဘး 20:28

ကယဲၢ်အဝဲအတၢ်ထူးတၢ်တီၤခဲလၢာ်ကဘၣ်တၢ်မၤဟးဂီၤကွံာ်လၢ ကစၢ်ယွၤအတၢ်သးထီၣ်အပူၤဒ်ထံဒိၣ်ခိၣ်ယွၤစိာ်ကွံာ်တၢ်အသိး န့ၣ်လီၤ.

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

တၢ်ကတိၤဒိ. 11:24

ပှၤတနီၤနီၤသူကျိၣ်သူစ့ကြီကြီဒၣ်လဲာ်ထူးတီၤအါထီၣ်ဒံး ဝဲလီၤ. အဂၤတနီၤ, ပလီၢ်ပဒီအသးဒၣ်လဲာ်ဖှီၣ်လီၤယာ်လီၤအါထီၣ်ဝဲ လီၤ.

လံာ်ယၡါယၤ 5:10

စပံးမုၢ်တဖၣ်လၢအမဲထီၣ်လၢတဆံယဲၢ်အ့ကၢၢ်အဖီခိၣ်န့ၣ်ကဟ့ၣ် ထီၣ်စပံးထံထဲတဘၤသးဧိၤလီၤ. ဒီးတၢ်အချံတဧိၤမ့ၣ်န့ၣ်ကဟ့ၣ်ထီၣ်ဒၣ်ထဲဘုခ့တအ့ဖးဧိၤလီၤ.”

လံာ်ယံးရမံယၤ 12:13

ယပှၤဂီၢ်မုၢ်သူၣ်လီၤတ့ၢ်ဘုကၠူၣ်ဘၣ်ဆၣ်ကူး က့ၤနီၣ်ဧိၤမံၤဧိၤလီၤ. အဝဲသ့ၣ်မၤတၢ်ဆူၣ်မးဘၣ်ဆၣ်တမၤန့ၢ် တၢ်နီတမံၤဘၣ်. လၢယတၢ်သးကဲၤထီၣ်အဃိ, အဝဲသ့ၣ်အတၤသူတၤသၣ် တကဲထီၣ်လိၣ်ထီၣ်ဝဲဘၣ်.”

လံာ်ယံးရမံယၤ 14:4

မ့ၢ်လၢတၢ်တစူၤဘၣ် ဒီးဟီၣ်ခိၣ်ဃ့ထီကွံာ်အဃိ, ပှၤထူစံာ်ဖိတဖၣ်အသးလီၤစၢ်လီၤဘဲဝဲ ဒီးမၤဘၢအမဲာ်သၣ်တဖၣ်န့ၣ်လီၤ.

လံာ်ယံးရမံယၤ 44:18

ဘၣ်ဆၣ်ဒီး, စးထီၣ်ဖဲ ပဆိကတီၢ်တၢ်လုၢ်ထီၣ်ပာ်ထီၣ်ဆူမူခိၣ် အနီၢ်ပၤမုၣ်, ဒီးဆိကတီၢ်ပတၢ်လူလီၤတၢ်လုၢ်စပံးထံလၢအဂီၢ်န့ၣ်, ပတအိၣ်ဒီးတၢ်နီတမံၤလၢၤဘၣ်, ဒီးပပှၤဂီၢ်မုၢ်သံတ့ၢ်ဝဲလၢ တၢ်ဒုးတၢ်ယၤအပူၤဒီးခီဖျိတၢ်သၣ်ဝံၤလီၤဒိန့ၣ်လီၤ.”

လံာ်ဟိၤၡ့ 4:10

သုကအီၣ်တၢ်လုၢ်တၢ်ပာ်တဖၣ်အတၢ်နီၤဟ့ၣ်လၢသုဂီၢ်, ဘၣ်ဆၣ်သုကသၣ်ဝံၤဒံးဒၣ်တၢ်န့ၣ်လီၤ. သုကဘူၣ်ထီၣ်ဘါထီၣ်ယွၤ တဖၣ်လၢအဘၣ်ထွဲဒီးတၢ်အိၣ်ဖိအိၣ်လံၤဘၣ်ဆၣ်သုတအိၣ်ဒီးဖိ သ့ၣ်တဖၣ်ဘၣ်. အဂ့ၢ်ဒ်အံၤ, သုဃၣ်ဒုချၢသုသးလၢယၤဒ်သိးသုကပိာ်ကစၢ်အဂၤ တဖၣ်အခံအဃိန့ၣ်လီၤ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:20

ဒီးသုတၢ်မၤတၢ်လၢာ်ဂံၢ်လၢာ်ဘါကမ့ၢ်တၢ်ကလီကလီလီၤ. အဂ့ၢ်ဒ်အံၤ, သုဟီၣ်ခိၣ်တဟ့ၣ်ထီၣ်တၤသူတၤသၣ်နီတမံၤ ဘၣ်ဒီးသုသ့ၣ်အထံးတဖၣ်တသၣ်ထီၣ်ဝဲဒၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဃးကဲ 1:10

လၢတၢ်န့ၣ်အဃိတၢ်တဟဲစူၤဘၣ်ဒီး တၢ်မဲထီၣ်တသ့နီတမံၤဘၣ်.

လံာ်ဃးကဲ 1:5

တၢ်မနုၤမၤအသးဒီးသုလဲၣ်န့ၣ်, မ့ၢ်သုတထံၣ်ဘၣ်ဧါ.

လံာ်ဃးကဲ 1:7

ဘၣ်မနုၤတၢ်အံၤမၤတ့ၢ်အသးလဲၣ်န့ၣ်, သုထံၣ်တသ့ဘၣ်ဧါ.

လံာ်ဃးကဲ 1:9

သုမုၢ်လၢ်တ့ၢ်လၢတၢ်ကူးဘၣ်က့ၤတၢ်အါအါဂီၢ်ဂီၢ်, ဘၣ်ဆၣ်ကဲထီၣ်က့ၤထဲတၢ်စှၤကိာ်ဧိၤလီၤ. ဒီးဖဲသုဟဲက့ၤစိာ်တၢ်ကူးဘၣ်က့ၤဆူဟံၣ်န့ၣ်, ယအူဒံကွံာ်အီၤလီၤ. ဘၣ်မနုၤယမၤတ့ၢ်တၢ်န့ၣ်လဲၣ်. မ့ၢ်လၢယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤ, ဖဲသုဝဲတဂၤဘၣ်တဂၤအတၢ်မၤအါဝဲလၢတၢ်မၤထီၣ်သုဟံၣ်ဒၣ်ဝဲ အခါန့ၣ်လီၤ.

လံာ်ဃးကဲ 2:16

သုကလဲၤတ့ၢ်ဆူဘုဧိၤဟုဧိၤပာ်ဖှိၣ်သးအလီၢ်တပူၤ ဒီးမုၢ်လၢ်ထံၣ်ဘၣ်တၢ်ဃီၣ်န့ၢ်, ခံဆံနာ်ဘၣ်ဆၣ်, ဖဲန့ၣ်ကအိၣ်ထဲတဆံ နာ်ဧိၤလီၤ. သုကလဲၤတ့ၢ်ဒ်သိးသုကဃီၣ်န့ၢ်စပံးထံလၢနီၣ်စံၢ်စပံးထံ အပူၤအခွးယဲၢ်ဆံဘၣ်ဆၣ်, ဖဲန့ၣ်ကအိၣ်ထဲခံဆံခွးဧိၤလီၤ.

လံာ်ဃးကဲ 2:17

ယမၢလီၤတ့ၢ်ကလံၤကိၢ်တဖၣ်ဒီးသူၣ်, ဒ်သိးကမၤဟးဂီၤတၢ်တမံၤလၢ်လၢ်လၢသုကျဲးစၢးသူၣ်လီၤဖျး လီၤအီၤ, ဘၣ်ဆၣ်သုတပီၢ်ယၢ်လီၤက့ၤတ့ၢ်ဒံးသုသးဘၣ်.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်စကၤရယၤ 8:10

တချုးတၢ်ဆၢကတီၢ်အဝဲန့ၣ်ဒံးဘၣ်န့ၣ်, ပှၤဒိးလဲပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤတန့ၢ်နီတဂၤ, ဒီးပှၤတပူၤဖျဲးဘၣ်လၢအဒုၣ်အဒါတဖၣ်နီတဂၤဘၣ်. ယထိၣ်ဂဲၤပှၤဂီၢ်မုၢ်လၢကထီဒါလိာ်အသးတဂၤဒီးတဂၤလီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်သိၣ်လီၤသီလီၤတၢ် 28:17

ယွၤကဆိၣ်အၢသုဘုဧိၤဟုဧိၤတဖၣ်ဒီးတၢ်အီၣ်လၢသုကတဲာ်ကတီၤ အီၤလၢတၢ်န့ၣ်တဖၣ်န့ၣ်လီၤ.