လံာ်ဃးကဲ 1:2 - Sgaw Karen Common Bible

² ယွၤသ့တၢ်လၢာ်ကစၢ်စံးဘၣ်တ့ၢ်စီၤဃးကဲ, “ပှၤဂီၢ်မုၢ်အံၤ, စံးလၢတၢ်အံၤတမ့ၢ်တၢ်ဘၣ်ဆၢဘၣ်ကတီၢ်လၢတၢ်ကဘှီ ကဒါက့ၤတၢ်လုၢ်ဟံၣ်အဂီၢ်န့ၣ်ဘၣ်.”

လံာ်ဃးကဲ 1:2 Iomraidhean Croise

လံာ်စီၤပၤခံဘ့ၣ်တဘ့ၣ် 12:7

လၢတၢ်န့ၣ်အဃိ, အဝဲကိးဃီၤစီၤယဟိယဒါဒီးပှၤလုၢ်တၢ်အခိၣ် အဂၤတဖၣ်ဒီးသံကွၢ်အဝဲသ့ၣ်, “ဘၣ်မနုၤအဃိလၢသုတမၤဂ့ၤထီၣ်က့ၤယွၤအတၢ်လုၢ်ဟံၣ်န့ၣ် လဲၣ်. စးထီၣ်ခဲကနံၣ်အံၤဒီးဆူညါသုတဘၣ်ပၢၤဃာ်လၢၤစ့ လၢသုဒိးန့ၢ်အီၤန့ၣ်လၢၤဘၣ်. သုကဘၣ်ဟ့ၣ်လီၤဒ်သိးတၢ်ဘှီက့ၤဘၣ်တၢ်မၤအီၤကသ့ အဂီၢ်န့ၣ်လီၤ.”

လံာ်စီၤဧ့စြၤ 4:23

တစုဃီဖဲလံာ်ပရၢလၢစီၤပၤဖးဒိၣ်အၢ်တၤၡါၡတၤအအိၣ်ဘၣ်တၢ် ဖးန့ၢ်စီၤရဃူၣ်, စီၤၡံးမၡဲ, ဒီးအဝဲသ့ၣ်အပှၤမၤသဃဲၤတၢ်တဖၣ်န့ၣ်, အဝဲသ့ၣ်လဲၤချ့သဒံးဆူဝ့ၢ်ယရူၤၡလ့ၣ်ဒီးမၢဆူၣ်ပှၤယူဒၤဖိ တဖၣ်လၢကဆိကတီၢ်တၢ်သူၣ်ထီၣ်ဘှီထီၣ်ကဒါက့ၤဝ့ၢ်န့ၣ်လီၤ.

လံာ်စီၤနဃ့မယၤ 4:10

ဒီးပှၤယူဒၤဖိအိၣ်ဒီးတၢ်သးဝံၣ်လၢအသးဝံၣ်ဝဲ, “ပလီၤဘှံးလၢပတၢ်ဝံတၢ်ယိးအဃိလံဒီး ပအိၣ်ဒီးလၢၢ်အက့အခီတဖၣ်လၢပကဘၣ် စိာ်ကွံာ်အီၤလီၤ. တနံၤအံၤပသူၣ်ထီၣ်ဝ့ၢ်ခိၣ်ဒူကသ့ဒ်လဲၣ်.”

တၢ်ကတိၤဒိ. 22:13

ပှၤအကၢၣ်တဂၤအိၣ်ဒၣ်လၢဟံၣ်ပူၤဒီးစံးဝဲ, ယမ့ၢ်ဟးထီၣ်ဆူတၢ်ချၢဒီးခ့ယုၢ်တဒုကမၤသံဘၣ်ဖုးယၤလီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ပှၤစံၣ်တဲၤတဲလီၤတၢ် 11:4

ကွၢ်စဲကလံၤန့ၣ်ဒီးနတသူၣ်ဘၣ်ဖျးဘၣ်တၢ်နီတဘျီဘၣ်. ကွၢ်စူၢ်တၢ်အၢၣ်တဖၣ်ဒီးနတကူးဘၣ်တၢ်နီတစုဘၣ်.

လံာ်ပှၤစံၣ်တဲၤတဲလီၤတၢ် 3:3

တၢ်အကတီၢ်လၢတၢ်မၤသံတၢ်အဂီၢ်, ဒီးတၢ်အကတီၢ်လၢတၢ်မၤဘျါက့ၤ တၢ်အဂီၢ်, တၢ်အကတီၢ်လၢတၢ်ဂုၤလီၤပှီၢ်တၢ်အဂီၢ်, ဒီးတၢ်အကတီၢ်လၢတၢ်သူၣ် ထီၣ်ဘှီထီၣ်တၢ်အဂီၢ်လီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:3

ယွၤဟ့ၣ်လီၤကဒီးတၢ်ကစီၣ်အံၤဆူပှၤဂီၢ်မုၢ်ခီဖျိဝံဃးကဲန့ၣ်လီၤ.

လံာ်တၢ်ဂံၢ် 13:31

ဘၣ်ဆၣ်ဒီးပှၤတဖၣ်လၢအလဲၤဃုာ်တ့ၢ်တၢ်ဒီးစီၤကၤလ့းစံးဝဲ ဒၣ်, “တမ့ၢ်ဘၣ်. ပဂံၢ်ပဘါတလၢ, လၢပကလဲၤထီၣ်ဒုးအဝဲသ့ၣ်အဂီၢ်ဘၣ်. ပှၤအိၣ်ဖဲန့ၣ်တဖၣ်အဂံၢ်အဘါဆူၣ်ဒိၣ်န့ၢ်ပှၤတက့ၢ်လီၤ.”