လံာ်ဃးကဲ 1:12 - Sgaw Karen Common Bible

¹² တုၤနုၤတစု, စီၤစရူၤဘၤဘ့လးဒီးစီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤတ့ၢ်လၢတၢ်စိာ်မၢကဲကုၢ်အပူၤလၢကီၢ်ဘၤဘူၤ လိၣ်န့ၣ်, မၤတ့ၢ်တၢ်လၢယွၤ, အဝဲသ့ၣ်အကစၢ်ယွၤစံးဘၣ်တ့ၢ်အီၤလၢကဘၣ်မၤဝဲန့ၣ်လီၤ. အဝဲသ့ၣ်ပျံၤဘၣ်ဒီးစူၢ်တ့ၢ်ဝံဃးကဲလၢအမ့ၢ်ယွၤအပှၤစိာ်တၢ် ကစီၣ်အကလုၢ်လီၤ.

လံာ်ဃးကဲ 1:12 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်စီၤဧ့စြၤ 10:18

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤပိာ်ခွါတဖၣ်လၢအအိၣ်ဒီး အမါပှၤတခီဘီမုၢ်ဖိတဖၣ်န့ၣ်လီၤ. ပှၤလုၢ်တၢ်အခိၣ်တဖၣ်, ဘၣ်တၢ်ကွဲးနီၣ်အီၤဒ်အဒူၣ်ထၢတဖၣ်ဟဲဝဲန့ၣ်လီၤ. လၢစီၤယိၤၡူဒီးအဒီပုၢ်ဝဲၢ်ခွါတဖၣ်အဒူၣ်ထၢပူၤန့ၣ်, စီၤယိၤစဒးအဖိခွါတဖၣ်လၢအမ့ၢ်ဝဲ, စီၤမၤစ့ယၤ, စီၤအလၤဧစၢ်, စီၤယၤရံာ်ဒီးစီၤကဒါလယၤန့ၣ်လီၤ.

လံာ်စီၤဧ့စြၤ 5:2

တုၤစီၤၡၤလတံၤအ့လးအဖိခွါစီၤစရူၤဘၤဘ့လးဒီးစီၤယိၤ စါဒးအဖိခွါစီၤယိၤၡူနၢ်ဟူအဝဲသ့ၣ်အတၢ်ကစီၣ်တဖၣ်န့ၣ်, အဝဲသ့ၣ်စးထီၣ်သူၣ်ထီၣ်ကဒါက့ၤတၢ်လုၢ်ဟံၣ်လၢဝ့ၢ်ယရူၤရှလ့ၣ်အ ပူၤ, ဒီးဝံခံဂၤအံၤမၤစၢၤအဝဲသ့ၣ်န့ၣ်လီၤ.

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:14

ယွၤထိၣ်ဂဲၤတ့ၢ်ပှၤကိးဂၤဒဲး, ကီၢ်ယူဒၤအပဒိၣ်ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢတၢ်မၢကဲကုၢ်အပူၤအသး, ဒ်သိးကမၤတၢ်လၢတၢ်လုၢ်ဟံၣ်န့ၣ်လီၤ. အဝဲသ့ၣ်စးထီၣ်မၤတ့ၢ်တၢ်လၢယွၤသ့တၢ်လၢာ်ကစၢ်, အဝဲသ့ၣ်အကစၢ်ယွၤအတၢ်လုၢ်ဟံၣ်,

လံာ်ဃးကဲ 2:2

အဝဲစံးဘၣ်တ့ၢ်စီၤဃးကဲလၢကကတိၤတၢ်ဒီးကီၢ်ယူဒၤအပဒိၣ် ဖးဒိၣ်စီၤစရူၤဘၤဘ့လး, ပှၤလုၢ်တၢ်အခိၣ်အဒိၣ်ကတၢၢ်စီၤယိၤရူဒီးဆူပှၤဂီၢ်မုၢ်ဒီး ကဘၣ်စံးဘၣ်အဝဲသ့ၣ်,

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:12

ကိးဖှိၣ်ဃီၤကယဲၢ်ပှၤပိာ်ခွါတဖၣ်, ပှၤပိာ်မုၣ်တဖၣ်, ပှၤဖိသၣ်တဖၣ်ဒီးပှၤတခီဘီမုၢ်ဖိတဖၣ်လၢအအိၣ်ဝဲဆိးဝဲလၢ သုဝ့ၢ်တဖၣ်အပူၤ, ဒ်သိးပှၤကိးဂၤဒဲးကနၢ်ဟူဘၣ်တၢ်အံၤဒီးမၤလိန့ၢ်လၢကယူးယီၣ်ပာ်ကဲယွၤ, သုကစၢ်ယွၤဒီးကစူၢ်အဝဲ အတၢ်သိၣ်လိတဖၣ်လၢတၢ်သူၣ်တီသးရၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 31:13

လၢကျဲဒ်သိးအံၤန့ၣ်, သုစၢၤသုသွဲၣ်တဖၣ်လၢတနၢ်ဟူဘၣ်တ့ၢ်ယူ ဒၤအတၢ်သိၣ်တၢ်သီလၢယွၤ, သုကစၢ်ယွၤဟ့ၣ်လီၤဝဲန့ၣ်ကနၢ်ဟူဘၣ်အီၤလီၤ. မၤသးဒ်န့ၣ်ဒီး, အဝဲသ့ၣ်ကမၤလိန့ၢ်တၢ်စူၢ်အီၤဖဲအဝဲသ့ၣ်အိၣ်မူဒံးဝဲအခါ လၢကီၢ်တဘ့ၣ်လၢသုကဘၣ်မၤန့ၢ်အီၤလၢအအိၣ်ဝဲလၢထံကျိ ယၢ်ဒ့ၣ်အဝၢ်ဘးခီအပူၤန့ၣ်လီၤ.”

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.