လံာ်ဃဘးကူာ် 3:7 - Sgaw Karen Common Bible

⁷ ယထံၣ်ဘၣ်တ့ၢ်ကီၢ်ကူၤၡးအပှၤဂီၢ်မုၢ်ပျံၤတၢ် ဒီးကီၢ်မံးဒယၣ်အပှၤဂီၢ်မုၢ်ကနိးကစုာ်ဝဲလီၤ.

လံာ်ဃဘးကူာ် 3:7 Iomraidhean Croise

လံာ်တၢ်ဟးထီၣ်ကွံာ် 2:15

ဖဲစီၤပၤနၢ်ဟူလၢစီၤမိၤၡ့မၤသံတၢ်န့ၣ်ဒီးအဝဲဃုမၤသံ စီၤမိၤၡ့လီၤ. ဘၣ်ဆၣ်ဒီး, စီၤမိၤၡ့ဃ့ၢ်ထီၣ်ကွံာ်ဆူကီၢ်မံးဒယၣ်ဒ်သိး အကအိၣ်ဝဲဖဲန့ၣ်လီၤ. တနံၤဖဲစီၤမိၤၡ့ဆ့ၣ်နီၤဝဲလၢထံပူၤတပူၤအဃၢၤန့ၣ်,

လံာ်ယံးရမံယၤ 49:29

ဟံးန့ၢ်အဒဲတဖၣ်ဒီး အသိအဖုအဂီၢ်တဖၣ်, အဒဲအယၣ်ဘျးသဒၢတဖၣ်ဒီး တၢ်ခဲလၢာ်လၢအအိၣ်လၢအဒဲတဖၣ်အပူၤန့ၣ်တက့ၢ်. စိာ်ကွံာ်အဝဲသ့ၣ်အကီၤလၤအူးတဖၣ်ဒီးတဲဘၣ်ပှၤဂီၢ်မုၢ်လၢ, တၢ်ပျံၤတၢ်ဖုးအိၣ်ဝးတရံးအီၤန့ၣ်တက့ၢ်.

လံာ်စီၤယိၤၡူ 2:10

ပနၢ်ဟူတ့ၢ်လၢဖဲသုဟးထီၣ်လၢကီၢ်အဲၤကူပတူးအခါန့ၣ်, ယွၤမၤလီၤသံးကွံာ်ပီၣ်လဲၣ်ဂီၤလၢသုမဲာ်ညါန့ၣ်လီၤ. ပနၢ်ဟူစ့ၢ်ကီးလၢသုမၤသံပှၤအမိၢ်ဖိအစီၤပၤ ခံဂၤစီၤစံဃိၣ်ဒီးစီၤဧိာ်လၢအအိၣ်လၢထံကျိယၢ်ဒ့ၣ်အမုၢ် ထီၣ်တကပၤဒ်လဲၣ်အဂ့ၢ်န့ၣ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:12

ပှၤမံးဒယၣ်ဖိအစီၤပၤစီၤခံဂၤလၢအမ့ၢ်, စီၤစံဘၤဒီးစီၤစးလမူနၤထွးထီၣ်ဃ့ၢ်ကွံာ်ဝဲန့ၣ်လီၤ. ဘၣ်ဆၣ်ဒီးအဝဲသ့ၣ်လူၤထွဲအီၤဒီးမၤန့ၢ်အီၤဒီးဒုးလီၤဘၣ် အဝဲသ့ၣ်အသုးမုၢ်ဒီဖုလၢတၢ်ပျံၤတၢ်ဖုးဒိၣ်ဒိၣ်ကလဲာ်န့ၣ်လီၤ.