လံာ်ဃဘးကူာ် 3:17 - Sgaw Karen Common Bible

¹⁷ ချၢၣ်ဒၢမ့ၢ်တဆှိးဘၣ်ဆၣ်, တၤသၣ်မ့ၢ်တအိၣ်လၢ စပံးမုၢ်အလိၤဘၣ်ဆၣ်, သ့ၣ်စၤယံးအသၣ်မ့ၢ်လီၤဘီဘၣ်ဆၣ်, ဒီးစံာ်ဧိၤပှဲၤဧိၤမ့ၢ်တဟ့ၣ်ထီၣ်ဘုဧိၤဟုဧိၤဘၣ်ဆၣ်, ကယဲၢ်သိတဖၣ်ဒၣ်လဲာ်မ့ၢ်သံကွံာ် ဒီးဂီၤဘုၣ်ဂီၤဖံးတအိၣ်လၢကပိၤတဖၣ်အပူၤဘၣ်ဆၣ်,

လံာ်ဃဘးကူာ် 3:17 Iomraidhean Croise

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်ယံးရမံယၤ 5:17

အဝဲသ့ၣ်ကအီၣ်လၢာ်ကွံာ်သုတၤသူတၤသၣ်တဖၣ်ဒီးသုတၢ်အီၣ် တၢ်အီတဖၣ်လီၤ. အဝဲသ့ၣ်ကမၤသံကွံာ်သုဖိခွါတဖၣ်ဒီးသုဖိမုၣ်တဖၣ်လီၤ. အဝဲသ့ၣ်ကမၤသံကွံာ်သုသိဒီးမဲာ်တဲးလဲးအဖုတဖၣ် ဒီးကမၤဟးဂီၤကွံာ်သုစပံးမုၢ်တဖၣ်ဒီးသုချၢၣ်ဒၢအထံးတဖၣ်လီၤ. သုဝ့ၢ်အိၣ်ဒီးတိာ်ဧိၤတာ်ဧိၤတဖၣ်လၢသုသန့ၤသုသးလၢအီၤန့ၣ်, ကဘၣ်တၢ်မၤဟးဂီၤကွံာ်အီၤလၢအဝဲသ့ၣ်အသုးမုၢ်န့ၣ်လီၤ.

လံာ်မံကၤ 6:15

သုကဖှံတၢ်ချံဒီးသုတကူးဘၣ်တၢ်မုၢ်တၢ်ဘိဘၣ်. သုကယီၢ်န့ၢ်သိလၢသ့ၣ်စၤယံးအသၣ်ဘၣ်ဆၣ်သုတသူဘၣ်အီၤဘၣ်. သုကမၤကဲထီၣ်စပံးထံဘၣ်ဆၣ်သုတအီဘၣ်အီၤနီတစုဘၣ်.

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.

၂ ကရံၣ်သူး 4:8

ပဘၣ်တၢ်မၤတံာ်တာ်ပှၤအါစုအါဘျီ, ဘၣ်ဆၣ်ဒီးတၢ်တမၤသဘှံးပသးလၢာ်လၢာ်ဆ့ဆ့ဘၣ်. တဘျီဘျီပအိၣ်လၢတၢ်သးဒ့ဒီအပူၤ, ဘၣ်ဆၣ်ဒီးပတအိၣ်လၢတၢ်သးဟးဂီၤအပူၤနီတစု ဘၣ်.

၂ ကရံၣ်သူး 4:9

ပအိၣ်ဒီးပဒုၣ်ပဒါအါဒံအါဂၤ, ဘၣ်ဆၣ်ဒီးတံၤတအိၣ်သကိးတအိၣ်န့ၣ်တအိၣ်နီတဘျီ ဘၣ်. ဒီးတဘျီဘျီပဘၣ်ဒိဆါနးမးသနာ်က့ပတဘၣ် တၢ်မၤဟးဂုာ်ဟးဂီၤကွံာ်ပှၤဘၣ်.