လံာ်ဃဘးကူာ် 3:14 - Sgaw Karen Common Bible

¹⁴ နပျၢ်ဆဲးဖျိကွံာ်သုးခိၣ်ကျၢၢ်လၢအသုးမုၢ်အကျါ, ဖဲအဟဲဒ်ကလံၤမုၢ်လၢအကမၤလီၤပြံလီၤပြါပှၤ, ဒီးကွၢ်စူၣ်ဃီၤတၢ်ဒ်ပှၤလၢအကူၣ်ထီၣ်ခူသူၣ်တၢ်မၤနၢၤမၤပ့ၤ ပှၤဖှီၣ်ဖိယာ်ဖိအခါန့ၣ်လီၤ.

လံာ်ဃဘးကူာ် 3:14 Iomraidhean Croise

စံးထီၣ်ပတြၢၤ 10:8

ဆ့ၣ်နီၤခိးခူသူၣ်တၢ်လၢသဝီတဖၣ်အပူၤဒီး လၢတၢ်အိၣ်ခူသူၣ်အလီၢ်န့ၣ်, မၤသံပှၤလၢ အတၢ်ကမၣ်တအိၣ်ဘၣ်တဖၣ်န့ၣ်လီၤ. လၢတၢ်ခူသူၣ်ခူလံာ်အပူၤကွၢ်ဟုၣ်ကွၢ်စုာ်တၢ်ဒ်သိး ကဖီၣ်န့ၢ်ပှၤလၢ ပှၤမၤစၢၤအီၤတအိၣ်ဘၣ်တဖၣ်,

စံးထီၣ်ပတြၢၤ 83:2

ကွၢ်ကွၢ်, နဒုၣ်နဒါတဖၣ်အိၣ်လၢ တၢ်တၢထီၣ်တၢလီၤအပူၤ, ဒီးပှၤလၢအသးဟ့နၤတဖၣ်ပူထီၣ်လီထီၣ်တၢ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်စကၤရယၤ 9:14

ယွၤကအိၣ်ဖျါထီၣ်လၢအပှၤဂီၢ်မုၢ်အဖီခိၣ်, အဝဲကခးအပျၢ်တဖၣ်ဒ်အလီဝၢ်အဒံးအသိးန့ၣ်လီၤ. ယွၤပၢဘၣ်တၢ်ခဲလၢာ်ကစၢ်ကအူထီၣ်ကွဲၤ, ဒီးကလဲၤလၢကလံၤမုၢ်အပူၤလၢ ကလံၤထံးတခီန့ၣ်လီၤ.

လံာ်ပှၤစံၣ်ညီၣ်ကွီၢ် 7:22

ဒီးဖဲစီၤကံးဒဧိၣ်အပှၤတဖၣ်အူထီၣ်ကွဲၤန့ၣ်ယွၤမၤဒ်သိးဒုၣ်ဒါအသုးမုၢ် ကဒုးလိာ်ယၤလိာ်အသး ကဒဲကဒဲလၢအနးဒၣ်ဝဲန့ၣ်လီၤ. အဝဲသ့ၣ်ဃ့ၢ်လိၤလိၤဆူစ့ၤရ့းပၢၢ်တုၤလၢဝ့ၢ်ဘ့ၤသၡံးတၤ ဒီးဝ့ၢ်အၤဘ့လးမဃိလၤ လၢအဘူးဒီးဝ့ၢ်တးဘးန့ၣ်လီၤ.