လံာ်ဃဘးကူာ် 3:13 - Sgaw Karen Common Bible

¹³ နဟးထီၣ်လၢနကအုၣ်က့ၤခီၣ်က့ၤပှၤဂီၢ်မုၢ် ဒီးလၢစီၤပၤလၢနဃုထၢတ့ၢ်လံအီၤ အတၢ်အုၣ်က့ၤခီၣ်က့ၤအဂီၢ်လီၤ. နတီၢ်လီၤဃံၤကွံာ်ပှၤတတီတလိၤအခိၣ်အနၢ် ဒီးမၤဟးဂီၤကွံာ်အပျဲၢ်အဘီၣ်တဖၣ် လၢာ်လၢာ်ဆ့ဆ့လီၤ.

လံာ်ဃဘးကူာ် 3:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:20

လၢတၢ်န့ၣ်အဃိ, စီၤဒၤဝံးလဲၤဝဲဆူဝ့ၢ်ဘဧၤလးပရၤစံၣ်ဒီး ဖဲန့ၣ်အဝဲမၤနၢၤကွံာ်ပှၤဖလ့ၡသးဖိတဖၣ်န့ၣ်လီၤ. အဝဲစံးဝဲဒၣ်, “ယွၤမၤဟးဂီၤကွံာ်ယဒုၣ်ယဒါတဖၣ်ဒ်ထံလုၣ်ဘၢတၢ်အသိးန့ၣ်လီၤ.” ဒီးလၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢဘဧၤလး ပရၤစံၣ်န့ၣ်လီၤ.

စံးထီၣ်ပတြၢၤ 105:15

“မၤဘၣ်ဒိဆါယခ့ယပှၤလၢ ယဃုထၢအီၤတဖၣ်တဂ့ၤ. ထိးဘူးယဝံတဖၣ်တဂ့ၤ”

စံးထီၣ်ပတြၢၤ 105:26

အန့ၣ်ဒီး, အဝဲမၢလီၤအခ့အပှၤစီၤမိၤၡ့ ဒီးစီၤအၤဟရိၣ်လၢအဃုထၢတ့ၢ်ဝဲန့ၣ်လီၤ.

စံးထီၣ်ပတြၢၤ 110:6

အဝဲကဟ့ၣ်လီၤတၢ်စံၣ်ညီၣ်လၢ ပှၤကလုာ်တဖၣ်အလိၤ ဒီးမၤပှဲၤတၢ်ဒုးပျီလၢတၢ်သံစိၣ်တဖၣ်, ဒီးကမၤနၢၤစီၤပၤတဖၣ်လၢအအိၣ်လၢ ဟီၣ်ခိၣ်ခဲလၢာ်န့ၣ်လီၤ.

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

စံးထီၣ်ပတြၢၤ 20:6

ဒီးခဲအံၤယသ့ၣ်ညါလၢယွၤဟ့ၣ်လီၤတၢ်မၤနၢၤ လၢအပှၤဒိးဖှူအသး, စံးဆၢအီၤလၢအမူခိၣ်စီဆှံ ဒီးဟ့ၣ်အီၤ တၢ်မၤနၢၤဖးဒိၣ်တဖၣ်လၢအစုထွဲန့ၣ်လီၤ.

စံးထီၣ်ပတြၢၤ 28:8

ယွၤမ့ၢ်အပှၤဂီၢ်မုၢ်အဂံၢ်အဘါ ဒီးတၢ်ပူၤဖျဲးအလီၢ်လၢအစီၤပၤ လၢအဃုထၢဝဲအဂီၢ်န့ၣ်လီၤ.

စံးထီၣ်ပတြၢၤ 68:7

ကစၢ်ယွၤဧၢ, တုၤနလဲၤထီၣ်လၢနပှၤဂီၢ်မုၢ်အမဲာ်ညါ, တုၤနလဲၤခီဂာ်ပှၢ်မုၢ်ကနၢန့ၣ်ဒီး, စ့လၤ

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်ယၡါယၤ 63:11

အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်ယၡါယၤ 64:1

နတအိးထီၣ်မူကပိာ်လိၤဒီးဟဲလီၤန့ၣ်ဘၣ်မနုၤအဃိလဲၣ်. ကစၢၢ်တဖၣ်ကထံၣ်ဘၣ်နၤဒီးကဟူးဝးဝဲလၢတၢ်ပျံၤတၢ်ဖုး အပူၤလီၤ.

လံာ်ယဃ့းစက့လး 13:14

ယတိာ်ပာ်ယသးလၢယကမၤလီၤပှီၢ်တၢ်ဒူၣ်လၢအဝဲသ့ၣ်ဖှူဝဲလၢထူၣ် ဝါန့ၣ်, ယကမၤလီၤကလဲကွံာ်အီၤ, ဒီးယကပာ်လ့ၤကဒိတၢ်အခီၣ်ထံးအလၢၢ်တဖၣ်န့ၣ်လီၤ. တၢ်ဒူၣ်န့ၣ်ကလီၤပှီၢ်ဝဲဒီးမၤသံသုခဲလၢာ်လီၤ. အန့ၣ်ဒီး, ပှၤကိးဂၤဒဲးကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်စီၤယိၤၡူ 10:24

ဒီးဖဲအဝဲသ့ၣ်ဟဲဆှၢထီၣ်စီၤပၤတဖၣ်ဆူစီၤယိၤၡူအအိၣ်န့ၣ်, စီၤယိၤၡူကိးဖှိၣ်ပှၤအံၣ်စရ့လးဖိခဲ လၢာ်ဒီးစံးဘၣ်သုးခိၣ်သုးနၢ်လၢအလဲၤတၢ်ဒီးအီၤတဖၣ်လၢအကဟဲ ဒီးပာ်ထီၣ်အခီၣ်လၢစီၤပၤတဖၣ်အံၤအကိာ်လိၤန့ၣ်လီၤ. ဒီးအဝဲသ့ၣ်မၤဝဲဒ်န့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 11:12

စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.