လံာ်ဃဘးကူာ် 3:11 - Sgaw Karen Common Bible

¹¹ ဖဲတၢ်ကပီၤထီၣ်သလ့ၢ်ကလာ်လၢနပျၢ်ယူၤချ့မး ဒီးနဘီဧိၤနးဧိၤလၢအကတြ့ၣ်တဖၣ်အတၢ်ခးကပီၤန့ၣ်, မုၢ်ဒီးလါဆၢထၢၣ်ဂၢၢ်တပၢၢ်လီၤ.

လံာ်ဃဘးကူာ် 3:11 Iomraidhean Croise

စံးထီၣ်ပတြၢၤ 19:4

နာ်သက့အတၢ်ကစီၣ်လဲၤသကုၤဟီၣ်ခိၣ်, ဒီးအကလုၢ်ကထါတဖၣ် လဲၤတုၤဟီၣ်ခိၣ်အကတၢၢ်လီၤ. ကစၢ်ယွၤသူၣ်ထီၣ်တၢ်အိၣ်တၢ်ဆိးအလီၢ်လၢမူခိၣ် လၢမုၢ်အဂီၢ်,

လံာ်ယၡါယၤ 28:21

ယွၤကဒုးတၢ်ဒ်အမၤတ့ၢ်ဝဲဖဲကစၢၢ်ပရၤစံၣ်ဒီးလၢကံးဘိၣ် အကစၢၢ်ကဆူးအသိး, ဒ်သိးအကမၤတၢ်လၢအတိာ်မၤဝဲလီၤ. အဂ့ၢ်ဒ်အံၤ, အတၢ်မၤတဖၣ်ကဖျါလီၤလိၢ်လီၤလးဝဲလီၤ. အဝဲကမၤဝံၤအတၢ်မၤ, အတၢ်မၤလၢပနၢ်ပၢၢ်အဂ့ၢ်တသ့န့ၣ်လီၤ.

လံာ်ယၡါယၤ 38:8

ကွၢ်ကွၢ်, ယကဒုးက့ၤကဒါက့ၤတၢ်ကဒုလၢအတီၤတဖၣ်လၢအလဲၤ လီၤပူၤကွံာ်တ့ၢ်လၢစီၤအၤဃးအမုၢ်အနၣ်ရံၣ်အလိၤ, ကက့ၤကဒါက့ၤအတီၤဆံဆဲၣ်တီၤလီၤ.” ဒီးမုၢ်န့ၣ်က့ၤက့ၤကဒါက့ၤဆံဆဲၣ်တီၤလၢအလဲၤလီၤပူၤကွံာ် တ့ၢ်ဝဲလီၤ.

လံာ်ယၡါယၤ 49:2

အဝဲဒုးကဲထီၣ်ယတၢ်ကတိၤတဖၣ်ဒ်နးတဘ့ၣ်လၢအကနၣ်အ့ၣ်ဝဲအသိး, ဒီးလၢအစုဒၣ်ဝဲန့ၣ်ဒီဒၣ်အိၣ်ပှိၤယၤလီၤ. အဝဲဒုးကဲထီၣ်ယၤဒ်ပျၢ်တဘိအသိး, အခိၣ်စူဂ့ၤမးဒီးအိၣ်ကတဲာ်ကတီၤအသးလၢတၢ်ကသူအီၤအဂီၢ်လီၤ.

လံာ်နၤဃူၣ် 3:3

သုးမုၢ်ဒီးကသ့ၣ်ကလူၤဃီၤဒုးတၢ်, နးတဖၣ်ကပီၤကပြုၢ်ထီၣ်, ဘီတဖၣ်ကပီၤလ့ၢ်လ့ၢ်, ဒီးတၢ်သံစိၣ်အိၣ်အါအါကလဲာ် ဒီးပှၤအစိၣ်တဖၣ်နဂံၢ်အီၤတဘၣ်ဘၣ်. ဒီးအဝဲသ့ၣ်အခီၣ်ဘၣ်တိၢ်လၢ တၢ်အစိၣ်တဖၣ်န့ၣ်လီၤ.

လံာ်ဃဘးကူာ် 3:9

နကတဲာ်ကတီၤပာ်နချံၣ်လၢနကသူအီၤ ဒီးနပျၢ်တဖၣ်လၢနကခးအီၤန့ၣ်လီၤ. နလီဝၢ်ဒံးဖျးသ့ၣ်ဖးအိးထီၣ်ဟီၣ်ခိၣ်န့ၣ်လီၤ.

လံာ်စကၤရယၤ 9:14

ယွၤကအိၣ်ဖျါထီၣ်လၢအပှၤဂီၢ်မုၢ်အဖီခိၣ်, အဝဲကခးအပျၢ်တဖၣ်ဒ်အလီဝၢ်အဒံးအသိးန့ၣ်လီၤ. ယွၤပၢဘၣ်တၢ်ခဲလၢာ်ကစၢ်ကအူထီၣ်ကွဲၤ, ဒီးကလဲၤလၢကလံၤမုၢ်အပူၤလၢ ကလံၤထံးတခီန့ၣ်လီၤ.