လံာ်ဃဘးကူာ် 2:7 - Sgaw Karen Common Bible

⁷ ဘၣ်ဆၣ်ဒီးတချုးလၢသုသ့ၣ်ညါတၢ်ဂ့ၢ်အဝဲန့ၣ်ဘၣ်ဒီး, သုလၢအမၤနၢၤတ့ၢ်ပှၤဂုၤပှၤဂၤတဖၣ်သုကအိၣ်ဒီး ဒ့ၣ်ကမၢ်လၢသုနီၢ်ကစၢ်ဒၣ်ဝဲဒီးဘၣ်တၢ်မၤဆူၣ်သုလၢသုကဟ့ၣ် က့ၤစ့အအ့ၣ်န့ၣ်လီၤ. ဒုၣ်ဒါတဖၣ်ကဟဲဒီးမၤပျံၤမၤဖုးသုန့ၣ်လီၤ. အဝဲသ့ၣ်ကဂုာ်ဆူၣ်ပျီဆူၣ်သုလီၤ.

လံာ်ဃဘးကူာ် 2:7 Iomraidhean Croise

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ပှၤစံၣ်တဲၤတဲလီၤတၢ် 10:8

နမ့ၢ်ခူၣ်လီၤတၢ်ပူၤတပူၤဒီး, နလီၤတဲာ်နုာ်လၢအပူၤလီၤ. နမ့ၢ်ဘၢၣ်ဖျိတၢ်အဒူၣ်ဒီး, ဂုၢ်သ့ၣ်တဘိကအ့ၣ်နၤလီၤ.

လံာ်ယၡါယၤ 11:13

ကီၢ်အံၣ်စရ့လးအဘီမုၢ်တသးက့ၣ်သးကါလၢၤကီၢ်ယူဒၤ အဘီမုၢ်လၢၤဘၣ်, ဒီးကီၢ်ယူဒၤတမ့ၢ်လၢၤကီၢ်အံၣ်စရ့လး အဒုၣ်အဒါလၢၤဘၣ်.

လံာ်ယၡါယၤ 41:25

ယဃုထၢတ့ၢ်လံပှၤတဂၤလၢအအိၣ်လၢမုၢ်ထီၣ် တခီလီၤ. ယကဟဲကိးအီၤလၢအကဒုးတၢ်လၢကလံၤစိး တခီလီၤ. အဝဲယီၢ်တံၢ်ပှၤပၢတၢ်တဖၣ်မၤသးဒ်အဝဲသ့ၣ်မ့ၢ်ကပံာ်အသိး, ဒ်ပှၤတ့သပၢၤဖိယီၢ်ဟီၣ်ခိၣ်ကပံာ်အသိးန့ၣ်လီၤ.

လံာ်ယၡါယၤ 46:11

ယကိးပှၤကညီတဂၤလၢကဟဲလၢမုၢ်ထီၣ်တခီလီၤ. အဝဲကယူၤသဖှိလီၤဒ်လံာ်ဖးဒိၣ်တဘ့ၣ်အသိး ဒီးအဝဲကမၤလၢပှဲၤတၢ်လၢယကူၣ်ထီၣ်ကျဲၤလီၤတ့ၢ်တဖၣ်လီၤ. ယကတိၤတ့ၢ်လံတၢ်, ဒီးတၢ်အံၤကမၤအသးန့ၣ်လီၤ.

လံာ်ယၡါယၤ 47:11

တၢ်တတၢးတနါကဟဲတုၤအိၣ်နၤ ဒီးနတၢ်မၤကဒါပှၤအမဲာ်တမံၤဂ့ၤတမံၤဂ့ၤ, ဆိကတီၢ်အီၤတန့ၢ်ဘၣ်. တၢ်ဟးဂီၤကလီၤဘၣ်နၤသတူၢ်ကလာ်, တၢ်ဟးဂီၤလၢနတမံမီၢ်တ့ၢ်နီတစုဘၣ်န့ၣ်လီၤ.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ယံးရမံယၤ 8:17

ယွၤစံးဝဲ, “ပလီၢ်သုသးတက့ၢ်. ယဆှၢလီၤလံဂုၢ်သ့ၣ်တဖၣ်လၢသုကျါ, ဂုၢ်တဖၣ်လၢအစုၣ်အၢ, လၢတၢ်သမူပယၢ်န့ၢ်အီၤတသ့ဘၣ်ဒီးအ ဝဲသ့ၣ်ကအ့ၣ်သုလီၤ.”

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.