လံာ်ဃဘးကူာ် 2:16 - Sgaw Karen Common Bible

¹⁶ သုကဘၣ်တၢ်ကျၢၢ်ဘၢကဒါက့ၤသုဒီးတၢ်မဲာ်ဆှးလၢတၢ်လၤကပီၤ အလီၢ်လီၤ. သုနီၢ်ကစၢ်ဒၣ်သုဝဲသုကအီတၢ်ဒီးလဲၤကနုၤကပၤလီၤ. ယွၤကဒုးအီက့ၤသုလၢသုတၢ်စံၣ်ညီၣ်အလီခီဒၣ်သုဝဲ, ဒီးသုတၢ်လၤကပီၤကဃၣ်ကဒါက့ၤအသးဆူတၢ်လီၤမဲာ်ဆှးလီၤ.

လံာ်ဃဘးကူာ် 2:16 Iomraidhean Croise

စံးထီၣ်ပတြၢၤ 75:8

ယွၤစိာ်လီခီတဖျၢၣ်လၢအစုပူၤ, ပှဲၤဝဲဒီးအတၢ်သးထီၣ် စပံးထံလၢအဆူၣ်န့ၣ်လီၤ. အဝဲလူလီၤဝဲဒီးပှၤတတီတလိၤခဲလၢာ်အီဝဲဒၣ်, ဒီးအဝဲသ့ၣ်အီဝဲတုၤအလၢာ်န့ၣ်လီၤ.

တၢ်ကတိၤဒိ. 3:35

ပှၤကူၣ်တၢ်သ့တဖၣ်ကန့ၢ်သါတၢ်လၤကပီၤလီၤ. မ့မ့ၢ်ပှၤဟးဂီၤဖိတဖၣ်န့ၣ်ကပာ်ဖှိၣ်အါထီၣ်ဒၣ်အတၢ်မဲာ်ဆှး န့ၣ်လီၤ.

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယၡါယၤ 47:3

ပှၤကထံၣ်လၢနအိၣ်ဘ့ၣ်ဆ့လီၤ. အဝဲသ့ၣ်ကထံၣ်နဘၣ်တၢ်ဆီၣ်လီၤနၤဒီး တၢ်မၤမဲာ်ဆှးနၤလီၤ. ယကဟ့ၣ်ကၣ်တၢ်ဒီးပှၤကဆိကတီၢ်ယၤ တအိၣ်နီတဂၤဘၣ်.”

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 25:17

အန့ၣ်ဒီး, ယဟံးန့ၢ်လီခီလၢ ယွၤအစုပူၤဒီးဟ့ၣ်လီၤအီၤဆူ ပှၤကလုာ်ခဲလၢာ်လၢ ယွၤမၢယလဲၤဆူ အအိၣ်, ဒီးမၢအဝဲ သ့ၣ်အီအီၤန့ၣ်လီၤ.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ယံးရမံယၤ 51:7

ကီၢ်ဘၤဘူၤလိၣ်လီၤဂာ်ဒီး လီခီထူတဖျၢၣ်လၢယစုပူၤ, လၢအဒုးအီမူၤဟီၣ်ခိၣ်ဒီဘ့ၣ်ညါန့ၣ်လီၤ. ပှၤကလုာ်တဖၣ် အီစပံးထံဒီး ပျုၢ်ထီၣ်ဝဲခဲလၢာ်န့ၣ်လီၤ.

လံာ်သးသယုၢ်တၢ် 4:21

နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်. သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.

လံာ်ယဃ့းစက့လး 23:33

တၢ်န့ၣ်ကမၤကိၢ်မၤဂီၤနၤဒီးမၤမူၤနၤလီၤ. တၢ်ပျံၤတၢ်ဖုးဒီးတၢ်ဟးဂီၤအလီခီ, လၢအမ့ၢ်နဒီပုၢ်ဝဲၢ်မုၣ်ၡၤမရံအလီခီန့ၣ်လီၤ.

လံာ်ဟိၤၡ့ 4:7

ထဲသိးဒီးသုပှၤလုၢ်တၢ်အခိၣ်တဖၣ်အါထီၣ်ဝဲအသိးန့ၣ်သုတၢ် ဒဲးဘးထီဒါယၤအါထီၣ်ဝဲလီၤ. ဒီးလၢတၢ်န့ၣ်အဃိ ယကဘိးကဒါကွံာ်သုလၤကပီၤဆူတၢ်မဲာ်ဆှးန့ၣ်လီၤ.

လံာ်ဟိၤၡ့ 7:5

လၢမုၢ်တနံၤဖဲစီၤပၤအမူးအပွဲဘၣ်န့ၣ်အဝဲသ့ၣ်ဒုးအီစီၤပၤဒီးအပဒိၣ် ပပှၢ်တဖၣ်အတၢ်ဒီးမၤမူၤအီၤလၢစပံးထံန့ၣ်လီၤ.

လံာ်ဃဘးကူာ် 2:10

သုမၤဟးဂူာ်ဟးဂီၤပှၤအါကလုာ်သတးဒီး သုဟဲစိာ်တၢ်မဲာ်ဆှးလၢသုဟံၣ်ဖိဃီဖိအဂီၢ်ဒီးတၢ်လီၤပှီၢ် လၢသုတၢ်အိၣ်မူအဂီၢ်လီၤ.

လံာ်ဃဘးကူာ် 2:15

ကစၢ်ယွၤကစံၣ်ညီၣ်နၤဃါမနၤလီၤ. နမၤတ့ၢ်နဲဒ်သိးပှၤကလုာ်လၢနဃၢၤတဖၣ်ကအီစပံး ထံအလီခီလၢအဒိလီၤနတၢ်သးထီၣ်န့ၣ်လီၤ. နဒုးအီမူၤအီၤဒီး နမၤမဲာ်ဆှးအီၤလၢတၢ်ကွၢ်အဝဲသ့ၣ်အနီၢ်ခိအတၢ်အိၣ်ဘ့ၣ်ဆ့ တဖၣ်န့ၣ်လီၤ.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.